¹ Munzila eyi, anywibo nomukwerwe amulibombye kubalumi benu. Amucicite eci nikuba kuti bamwi tabaswilili majwi, kwayanda inga bakwelelezigwa kakutakwe jwi kwinda mubukale bwabanakazi babo. ² kabali bwenede obulemu bwenu bwelede. ³ Amuleke cicitike kutainsi ezibiya zyanze mbuli masusu alukidwe, ngolide ezintu zyebesi, nikuba kuzwata zintu zidula. ⁴ Mucindi cokuti, amulemeke cicitwe kuzwa kunsi omoyo wakwe muntu, okulibotezya kutamani komoyo usitikide ukede, okukubotezya kumenso a leza. ⁵ Nkambo mbubonya namu banakazi basalala becindi mbubali omuyeyo muli leza balikulibotezya lwabo,mukulibomya kubalumi babo. ⁶ Muleyi nzila njoonya sala wakaswiilila Abulahamu okumwita kuti mwami wakwe. Mwaba bana bakwe inawa kuti mwacita ciluleme okuti na kamutayowi buyumuyumu. ⁷ Munzila njonyina nobalumi mwelede kupna abanakazi benu kwiinda mbuli mukumvwana, mbuli kuba ecibikilo citete, mwanakazi. Mwelede kubapa bulemu mbuli mbumuyokona ambabo cipego cobuumi. Amucite namu mukuti inkombyo zyenu zitagabisigwi. ⁸ Mukumanisya, nweense amube omoyo womwe, mukuyandana kobwananyina, omoyo mutete woluzyalo, emiyeyo yokulitola ansi. ⁹ Mutapilusizyi cibi ku cibi nikuba sampu ku sampu. Mukwiindanya, amuzwide anambo kubaleleka, nkambo keci ncimwakaitwa,mukuti mutambule zileleko. ¹⁰ Oyo uyanda kubotelwa buumi okubona mazuba mabotu welede kulesya lulimi lwakwe kuzwa kububi e milimo yakwe kukwamba zyobubeji. Amumuleke asanduke kuzwa kucibi okuti cibotu. Amumuleke alangoole lwangunuko okulutobela. ¹¹ Meenso amwami alanga baluleme, amatwi akwe alamvwa nkombyo zyabo. ¹² Pele meenso o mwami makali kuli abo bacita zibi. ¹³ Ino ngwani oyo watamucite cibi na kuti na kuti mwasungwalila kucita zibotu? ¹⁴ Pele kuti na mwapenzigwa akambo kubululami, mwalelekwa. Mutayowi eco ncibayowa. Mutapengani. ¹⁵ Mucindi cokuti, mulemeke mwami kilisitu mumyoyo yanu mbuli mbwasalala. Ciindi conse amulibambile kuti mupandulwidwe kufumbwa oyo ubuzya makani alushomo ndumujisi. ¹⁶ Nikuba namu, omoyo mutete obulemu. Amube omoyo utakwe kampenda mukuti bantu basampola buumi bwenu bubotu muli kilisitu kakunzeka bause nsoni nkambo bambola nzi kulinywe anga muli basimucita zibi. ¹⁷ Cili kabotu, kuti na kacili coluyando lwalwza, kuti mupenge mukucita bubotu kwinda kucita zibi. ¹⁸ Kilisitu anguwe wakapenga cindi comwe buyo kuzibi. We oyo ululeme wakatupengela, notutaluleme, mukuti atweete kuli leza. Wakajaigwa mumubili,pele waka busigwa mumuya. ¹⁹ Kwiinda ku muuya, wakainka oku yokambauka ku myuuya eyo ili muntolongo. ²⁰ Tibali kuswililila cindi leza nakalindilila amoyo wolwengelelo mumazuba a Nowa, mumazuba okuyaka bwaato, o leza wakafutula bantu bace_myuuya yosanwe otatu_kuzwa kumanzi. ²¹ OKu nkokutondezya lubabatizyo olu ino tumufutula kutainsi anga mbuli kugwisya buyo tombe kuzwa amubili. Pele tukumbila mangezezyo mabotu kuli leza_kwiinda mukubuka kwa jesu kilisitu. ²² Kilisitu uli kujanza lyolilyo lwa leza. Wakainka kujulu. Bangelo,basibwami, abasinguzu beelede kumuswilila.