¹ Kufumbwa oyo usyoma kuti Jesu ngo kilisitu uzyalwa kuli Leza, ambi kufumbwa oyo uyanda muzyali ulayandilizya o mwana uzyalwa kuli nguwe. ² Inamuya mbutaziba kuti tulabayanda bana ba Leza, twano yanda Leza okuswilila milawo yakwe. ³ Kambo olu nduyando lwa Leza, mukuti tubambe milawo yakwe ambi milawo yakwe tainsi miyumu. ⁴ Kambo oyo wense uzyalwa kuli Leza ulazunda zye nyika. Ambi cituzundya zyansi ndusyomo lwesu. ⁵ Ino ngwani oyo uzunda zyanyika , ngoyo usyoma kuli Jesu mwana wa Leza. ⁶ Oyo ngoyo wakaza amanzi obulowa , Jesu kilisitu . Takazide buyo amanzi pele amanzi o bulowa. Muya ngupa bukamboni, kambo muya ngamasimpe. ⁷ Kuli bakamboni botatwe, ⁸ Muya, manzi obulowa. Ezi zyonse zilazuminana. ⁹ Na kuti tutatambula bumboni bwabantu, bumboni bwaleza mbupati kwindilila. Obu mbobumboni bwa leza mbwakacitila mwanakwe. ¹⁰ Naba ni oyo usyoma mu mwana wa Leza ulijesii bumboni obo mulinguwe. Naba ni oyo utasyomi Leza umwanzide kuti mubeji, kambo takwe nasyoma bumboni Leza mbwakapa kugaminina mwana wakwe. ¹¹ Ambi bumboni mbobu, Leza wakatupa bumi butamani, ambi obu bumi buli mu mwana. ¹² Oyo ujesi mwana ujesi bumi. Oyo utajesi mwana tajesi bumi. ¹³ Ndamulembela ezi zintu mukuti mukazibe kuti mulijesi bumi butamani kuli nywebo nomusyoma muzina lyomwana Leza. ¹⁴ Ambi, mbobusicamba mbutujesi kuli nguwe, mukuti na twakumbila kufumbwa. ¹⁵ Ambi, na kuti katuzi ulatumvida kufumbwa ncitwamukumbila tulizi kuti tulijesi kufumbwa eco ncitwmukumbila. ¹⁶ Kuti na uwmi wabona mwenzinyina wabisya cibi citainsi colufu, welede kukomba, mponya Leza ulamupa bumi. Ngamba abo batabisyi cibi colufu. Kuli kubisya kwetela lufu, nsilimukwamba mukuti welede kukombela ncinco. ¹⁷ Kubisya konse ncinyonyono, pele kuli zibi ziteteli lufu. ¹⁸ Tulizi kuti kufumbwa oyo wakazyalwa kuzwa kuli Leza tabisyi. Pele oyo wakazyalwa kuzwa kuli Leza ulamubamba bwelede, mukuti muya mubi atamugumi. ¹⁹ Tulizi kuti tuzwa kuli Leza, ambi tulizi kuti nyika yonse imvwi cenguzu kumubi. ²⁰ Pele tulizi kuti mwana wa Leza wakaza okuzotupa kumvwisisya mukuti kwayanda inga twamuziba oyo uli masimpe. Aswibo, tuli mulinguwe oyo uli masimpe, muzina lyomwana Jesu kilisitu. Oyo ngoleza wamasimpe okweni ambi obumi butamani. ²¹ Nobana, amulibambe lwenu muzwe kuzibumbwa.