¹ Le ba gakolole go ineela mo babusing le ba ba mo taolong, go ba obamela, go nna le emetse tiro nngwe le nngwe e e siameng. ² Ba gakololeng gore ba seka ba bua bosula ka yo mongwe, ikgaphe mo ngangisanong, go lesa ba bangwe go dira se ba eletsang le go ikokobetsa mo bathong botlhe. ³ Le rona re kile ra bo re ne re sena kitso gape re sa obamele ditaelo. Dikeletso tsa go batla go kgokgofatso maikutlo a rona di ne di re dirile makgoba ebile di re latlhile. Re tshidile mo bosuleng le mo keletsong ya dilo tsa batho. Re dirile batho gore bare ile mme re boe re ilane ka borona. ⁴ Mme fa bopelenomi jwa Modimo Mmoloki wa rona le lorato le a nang le lone mo bathong, ⁵ ga se ka ditiro tsa boitshepo tse re di dirileng, mme ke ka mautlwelobotlhoko gore a bo a re bolokile. O re bolokile ka ntshafatso ya go tsalwa sesha le tsosoloso ka Mowa o o Boitshepo. ⁶ Modimo a tshololela Mowa oo boitshepo mo go rona ka Mmoloki wa rona Jeso Keresete. ⁷ O dirile se ka gore, ra ntlafadiwa ka mautlwelo botlhoko a gagwe, re kanna ra nna bajaboswa ka tlhomamiso ya botshelo jo bo sa khutleng. ⁸ Molaetsa o o a ikanyega. Ke batla le bue ka matlhagatlhaga ka dilo tse, gore ba o ba ba tshepang Modimo ba tswelele ka go mo direla tseo tsotlhe tse a di beileng fa pele ga bone. Dilo tse di dintle ebile di tswela mongwe le mongwe mosola. ⁹ Mme le ikgaphe mo nganyisanong ee senang mosola le dithuto tsa tlhatlologano ya malwapa le dikgogakgogano le tlhoka kutlwisisanyo ka tsa molao. Dilo tseo ga dinale boleng ebile ga dinale mosola. ¹⁰ Mme le itlhokomoloseng ba ba dirang dipharologanyo mo gareng ga lona, morago ga tlhagiso kana tse pedi, ¹¹ le go itse gore yoo o dule mo tseleng mme o a leofa abo a ipona molato. ¹² Fa ke romela Atemas le Tafios ko go lona, itlhaganeleng mme le tle ko go nna ko Nikopolisa, ko ke tlileng go nna teng ka mariga. ¹³ Nnang bofefo mme le romele Zenase, moitsaanape wa molao, le Apolisa, mo goreng ga ba tlhoke sepe. ¹⁴ Batho ba rona ba tshwanetse go ithuta go dira ditiro tse di ntle tse di kopantshang botlhoki ka bonako gore di tle di seka tsa tlhoka go atlega. ¹⁵ Botlhe ba ba nang le nna ba romela madume. Dumedisang botlhe ba ba re ratang mo tumelong. A mautlwelobotlhoko a nne le lona lotlhe.