¹ Bana, utlwang batsadi ba lona mo Moreneng gonne moo go siame.'' ² Tlotla rrago le mmago'' (yo e leng molao wa ntlha yo o nang le tsholofetso), ³ ''gore o tle o siamelwe ke dilo, mme o tshele botshelo jo boleele mo lefatsheng.'' ⁴ Mme , le lona bo rrabana, se teneng bana ba lona. Le fa go ntse jalo, ba godisetseng mo kgalemong le mo molaong wa Modimo. ⁵ Batlhanka, ikobeleng barena ba lona ka tlotlo le boikobo, ka pelo tsa lona tsotlhe. Ba ikobeleng jaaka le ka ikobela Keresete. ⁶ Le seka la ikoba fela fa beng ba lona ba le lebile gore le ba itumedise. Mme, ikobeng jaaka batlhanka ba ga keresete. Dirang go rata ga Modimo ka pelo tsa lona tsotlhe. ⁷ Direlanang ka dipelo tsa lona tsotlhe, jaaka o ka le direla Morena eseng batho. ⁸ Le tshwanetse la itse gore molemo e mongwe le mongwe o tla a duelelwa tiro e e molemo e a e dirang, go sa kgathalesege gore a ke lekgoba kana ga se lekgoba. ⁹ Le lona barena, direlang malata a lona jaaka le direla Morena. Le seka la ba tshosa. Le a itse gore yo e leng morena wa lona, le wa bone o kwa legodimong. Le a itse gore ga a kgetholole. ¹⁰ Labofelo, nonofang mo Moreneng le mo thateng ya maatla a gagwe. ¹¹ Aparang diaparo tsa tlhabano tsa Modimo, gore le tle le kgone go emelana le mananeo a ga mmaba a tsietso. ¹² Gonne ntwa ya rona ga se ya nama le madi. Jaanong, re lwa kgatlhanong le magosana le babusi ba lefifi, kgatlhanong le mewa ya lefifi e e mo legodimong. ¹³ Jaanong aparang diaparo tsotlhe tsa tlhabano tsa Modimo, gore le tle le kgone go emelana le bosula mo nakong e e bosula e. Fa le sena go dira dilo tsotlhe tse, le tlaa ema le tsepame. ¹⁴ Jaanong emang le tsepame. Dira se le sena go apara lebante la tumelo le letlatla la sehuba la tshiamo. ¹⁵ Dira se fa o sena go rwala ditlhako tsa iketleetso go rera mafoko a kagiso. ¹⁶ Mo di emong tsotlhe tsayang thebe ya tumelo, e ka yone le tla kgonang go emelana le metsu e e tukang ya yo o bosula. ¹⁷ Tsayang serwalo sa poloko le tshaka ya Moya,e e leng lefoko la Modimo. ¹⁸ Mo thapelong nngwe le nngwe le kopo, rapelang ka nako tsotlhe le le mo moweng.Le disitse ka nako tsotlhe, ka bo pelotelele le ntse le rapelela badumedi botlhe. ¹⁹ Le nthapelele, gore ke neelwe molaetsa fa ke bula molomo. Nthapelelang gore ke itsese batho boammaruri jo bo fitlhegileng jwa mafoko a a molemo ka bopelokgale. ²⁰ Ke moemedi wa mafoko a a molemo yo o golegilweng, gore ke bue ka bogaka jaaka ke tshwanetse go bua. ²¹ Gore le lona le tle le itse seemo same le gore ke tsogile jang; Titshikase, mokaulengwe yo o rategang, ebile e le motlhanka wa Morena yo o boikanyego, o tlaa le itsise dilo tsotlhe. ²² Ke mo rometse kwa go lona ka lebaka le, gore le tle le itse botsogo jwa rona, a bo a gomotse dipelo tsa lona. ²³ A kagiso e nne le lona bakaulengwe, le lerato le tumelo go tswa go Modimo Rara le Morena wa rona Jeso keresete. ²⁴ A tshegofatso e nne le botlhe ba ba ratang Morena wa rona Jeso Keresete ka lerato le le sa feleng.