¹ Jalo he, ke le legolegwa la Morena, ke le kgothatsa gore le tshele ka mo go tshwanetseng pitso e le e bileditsweng. ² Le nne boikobo, bonolo le bopelotelele. Amogelanang ka lerato. ³ Le leke ka bojotlhe ja lona go tshegetsa bongwefela ja Moya ka kagiso. ⁴ Go na le mmele o le mongwefela le Moya o le mongwefela, fela jaaka le ne le bitswa ka tlhomamiso ya pitso e e mo go lona. ⁵ Go na le Morena a le mongwefela, tumelo e le nngwe, kolobetso e le nngwe, ⁶ le Modimo a le mongwe e le Rara wa botlhe. O godimo ga dilo tsotlhe, o dira mo go botlhe ebile a le mo go botlhe. ⁷ Mongwe le mongwe wa rona o filwe neo go ya ka fa Kersete a mo lekanyeditseng ka teng. ⁸ Fela jaaka lefoko la Modimo le bua le re: " Fa a tlhatlogela kwa legodimong, a isa magolegwa kgolegong. Mme a abela batho dineo." ⁹ Go tewa jang fa gotwe "a tlhatloga", fa e se gore o ne a fologela ko tlase ga lefatshe? ¹⁰ Ene yo o fologetseng ko tlase ke ene gape yo o neng a tlhatlogela ko godimo go feta magodimo. O ne a dira sena gore a tle a apese dilo tsotlhe. ¹¹ Keresete o ne a fa dineo tse: baaposetolo, baporofeti, baefangedi, badisaphuthego le baruti. ¹² O ne a dira se gore a tle a rutuntshe badumedi go direlana, go nonotsha mmele wa ga keresete. ¹³ O dira se go fitlhela rotlhe re tla mo popaganong ya tumelo le kitso ya Morwa Modimo. O dira sena go fitlhela re gola re bo re nna jaaka ba ba mo setshwanong ya ga Keresete. ¹⁴ Gore re seka ra tlhola re tshwana le bana, re seka ra tlhola re tsietsega. Se o ne a se dira gore re seka ra tsietswa ke thuto nngwe le nngwe e e seng yone, ya botlhale jwa batho jo bo isang tatlhegong. ¹⁵ Le fa go ntse jalo, re tla bua boammaruri ka lerato mo go Keresete re be re gola mo go ene yo e leng tlhogo ya mmele, ebong Keresete. ¹⁶ Keresete o kopanya mmele otlhe wa badumedi. O tshegediwa ke mosifa mongwe le mongwe gore mmele o gole o ikage mo leratong. ¹⁷ Ke le gakolola mo Moreneng: ga le a tshwanela go tshela jaaka baditshaba, ba timetswa ke dikakanyo tsa bone tse di bosula. ¹⁸ Ditlhaloganyo tsa bone ga di akanye sentle. Ba thatafaditse dipelo tsa bone, ga ba na kitso, ba kgakala le Modimo. ¹⁹ Ga ba tlhabiwe ke ditlhong. Ba dira boithatelo go kgotsofatsa dikeletso tsa bone tse di bosula. ²⁰ Mme ga se ka fa le ithutileng Keresete ka teng. ²¹ Ke solofela fa le utlwile ka ga gagwe. Gape ke solofela le rutilwe mo go ene, fela jaaka boammaruri bo le mo go Jeso. ²² Le tshwanetse la emisa ditiro tsa pele, la bo la apola motho wa bogologolo, gonne motho wa bogologolo o a bola ka ntlha ya dikeletso tsa senama. ²³ Apolang motho wa bogologolo gore ditlhaloganyo tsa lona di tle di shafadiwe. ²⁴ Dirang sena gore le tle le apare motho yo mosha, yo o mo setshwanong sa Modimo, o bopilwe mo tshiamong le mo boitshepong ka boammaruri. ²⁵ Ka jalo emisang maka. A mongwe le mongwe a bue boammaruri le moagisanyi wa gagwe, gonne re mmele o le mongwefela. ²⁶ Tenegang mme le seka la leofa. A letsatsi le seka la phirima le santse le tenegile. ²⁷ Se feng diaboloso sebaka. ²⁸ A yo o utswang a tlogele go utswa. Mme a bereke ka diatla tsa gagwe gore a tle a kgone go tlhokomela yo o nang le botlhoki. ²⁹ Le seka la dirisa puo e e botlha, mme le bue mafoko a a tla agang ba ba le reeditseng. ³⁰ Le seka la kgopisa Moya yo o boitshepho, gonne le kanetswe ka one go fitlhela letsatsi la thekololo. ³² Le emise bogalaka, tshakgalo, go tenega, dikomano, le matlhapa, le masula otlhe a a leng teng. ³¹ Le nne pelontle mo go ba bangwe. Utlwelanang botlhoko. Itshwarelaneng, jaaka Modimo a le itshwaretse ka ntlha ya se keresete a se dirileng.