¹ Lona, le ne le sule mo ditlolong le dibe tsa lona. ² Le kile la tsamaya go ya ka fa mokgweng wa lefatshe le. Le ne le tsamaya go ya ka fa thatong ya ga saatane. Ke moya wa yo o berekang mo go ba ba senang kutlo. ³ Re kile ra bo re le bangwe ba ba sa dumeleng. Re ne re dira go ya ka dikeletso tse di bosula tsa nama ya rona. Re ne re dira thato ya nama le ya tlhaloganyo. Ka tlholego re ne re lebanwe ke bogale jwa Modimo jaaka ba bangwe. ⁴ Mme Modimo o humile mautlwelo botlhoko ka ntlha ya lerato le legolo le a re ratileng ka lone. ⁵ Fa re ne re sule mo ditlolong, a re tsisetsa botshelo jo bosha mo go Keresete. Ke ka tshegofatso go bo le bolokilwe. ⁶ Modimo o re tsositse, a dira gore re nne mmogo le Jeso Keresete mo legodimong. ⁷ O dirile se gore mo lebakeng le le tlang a re supegetse bogolo jwa lehumo la tshegofatso ya gagwe. O re bontsha se ka bopelontle jwa gagwe mo go Jeso Keresete. ⁸ Gonne Modimo o go bolokile ka tshegofatso ka ntlha ya tumelo ya gago mo go ene, mme se ga se tswe mo go lona, ke mpho ya Modimo. ⁹ Ga se ka gore re dirile ditiro tse di molemo gore ope a seka a ikgantsha. ¹⁰ Re tiro ya Modimo, re bopilweng mo go Keresete Jeso go dira ditiro tse dintle tse Modimo a sa leng a di baakantse gore re di dire. ¹¹ Jalo he, gakologelwang gore le kile la bo le le baditshaba mo nameng. Le bidiwa ba ba sa rupang ke ba ba rupisitsweng mo nameng. ¹² Gonne ka nako eo le ne le kgaogane le Keresete. Le ne le le baeng mo bathong ba Iseraele.Le ne le sena seabe mo kgolaganong ya tsholofetso. Le ne le sena bokamoso.Le ne le sa itse Modimo mo lefatsheng. ¹³ Jaanong lona ba ba mo go Keresete ba le neng le le kgakala le Modimo le tsisitswe gaufi le Modimo ka madi a ga Keresetse. ¹⁴ Ka gore ke kagiso ya rona. O re dirile go nna selo se le sengwe. Ka nama ya gagwe o sentse lebota la kilo le le ntseng le kgaogantse botsalano jwa rona. ¹⁵ A senya melao le melawana gore a itirele motho yo mosha, go tsisa poelano mo gare ga Bajuta le Baditshaba. A tsisa kagiso. ¹⁶ O dirie se go letlana Bajuta le baditshaba go ba dira bangwefela mo Modimong ka loso la ga Keresete mo sefapaanong. O tsisitse botsalano ka go swa mo mokgorong. ¹⁷ Jeso o tsile mme a rera mafoko a molemo a kagiso, a rerela ba ba neng ba le kgakala le ba ba neng ba le gaufi. ¹⁸ Mo go Jeso rotlhe re neilwe tetla ke Moya yo o Boitshepo go ya kwa go Rara. ¹⁹ Jaanong, lona baditshaba ga le sa tlhole le le baeng le bajaki.Le batho ba le bangwefela le ba ba itlhophetsweng ke Modimo le ba ntlo ya Modimo. ²⁰ Le agetswe mo motheong wa baaposetolo le baporofiti. Keresete ka sebele e ne ele pinagare. ²¹ Mo go ene kago yotlhe e ema sentle le go gola jaaka tempele mo Moreneng. ²² Le agiwa ga mmogo mo go Keresete gonna bonno jwa Modimo mo moweng.