¹ Ngase ngiyagucuka ngaphakamisa emehlo ami ngabona tinkalishi letine tiphuma emkhatsini wetintsaba letimbili; letintsaba letimbili betakhiwe ngelitfusi. ² Lenkalishi yekucala beyinemahhashi labovu umbala, leyesibili beyinalamunyama emahhashi, ³ leyesitsatfu beyinalamhlophe emahhashi, bese leyesine beyinalanemabala lamphunga emahhashi. ⁴ Ngakoke ngaphendvula ngatsi kulengelozi leyayikhuluma nami, "Kuyini loku, mphatsi wami?" ⁵ Lengelozi yaphendvula yatsi kimi, "Lena yimimoya lemine yasezulwini lephuma kulendzawo lapho bebeme khona phambi kwenkhosi yemhlaba wonkhe. ⁶ Lena lenemahhashi lamunyama ngembala iphuma ibheka eveni lelise nyakatfo; lamahhashi lamhlophe aphuma abheka eveni lase nshonalanga; bese lalanemabala lamphunga aphuma abheke eveni leliseningizimu." ⁷ Lawa mahhashi lanemandla aphuma aphekelele kuyozula umhlaba, ngakoke lengelozi yatsi, "Hamba uzulazule umhlaba!" ase ayalahamba aya emhlabeni wonkhe. ⁸ Wase uyangibita wakhuluma kimi watsi, "Buka nawa laphuma abheka eveni lase nyakatfo; atocolisa umoya wami mayelana nalelive lasenyakatfo." ⁹ Ngakoke, livi laSimakadze leta kimi, litsi, ¹⁰ Tsatsa umnikelo kulabo lababalekela kulelinye live-kusuka eHelidayi, Thobhijayi, naseJedayi-bese uhamba khona namuhla bese uyiyisa endlini yaJosiya indvodzana yaZefaniya, lochamuka eBhabhiloni. ¹¹ Bese nitsatsa lisiliva kanye neligolide, yakhani umchele bese niwubeka enhloko ya Joshuwa indvodzana yaJehozadakhi, umpristi lomkhulu. ¹² Khuluma naye utsi, 'Simakadze wemabandla usho naku: Lendvodza lena, libito layo nguBaranchi! Utokhula lapho akhonakhona utobese wakha lithempeli laSimakadze! ¹³ Nguye lowakha lithempeli laNkulunkulu, futsi utogcokiswa ngebucwebe bebukhosi, bese uhlala abuse esihlalweni sakhe sebukhosi. Utoba ngumPristi esihlalweni sakhe sebukhosi, utobese wakha likomidi lekuthula emkhatsini walamakhosi lamabili. ¹⁴ Lomchele utoniketwa Helidayi, Thobhijayi, Jedaya, kanye na Heni indvodzana yaZefaniya njengesikhumbuto ethempelini la SImakadze. ¹⁵ Bese labo labakhashane batokuta batowakha lithempeli laSimakadze, ngako nitowati kutsi Simakadze wemabandla ungitfume kini; ngoba loku kutowenteka uma nilalela ngekweliciniso liphimbo laSimakadze Nkulunkulu wenu!"