¹ Njenge sitfwatfwa ehlobo noma imvula ekuvuneni, kanjalo silima asikafaneli kudvunyiswa. ² Njenge nyoni lendiza futsi imite tilwane umatindiza, kanjalo nesicalekiso lesingakafaneli asihlali. ³ Kushaywa kwelihhashi, litomu lembongolo futsi lugodvo letilima letimnyama. ⁴ Ungaphendvuli silima ngebulima baso, noma nawe utawuba njengaye. ⁵ Phendvula silima futsi ungenele bulima baso, kute ungatahlakanipha emehlweni akhe. ⁶ Nomangabe ngubani lotfumela umlayeto ngesandla sesilima utijuba yena tinyawo takhe futsi unatsa ludlame. ⁷ Njengemilente yesichwala lebhekiswe phansi isaga emlonyeni wetilima. ⁸ Njenge jutama litje esilingini kuniketa ludvumo esilimeni. ⁹ Njenge linyeva lelihamba ekhatsi esandleni sesidzakwa sisaga emlonyeni wetilima. ¹⁰ Njengemuntfu lodubula ngebutjoki lolimata labo labaseceleni kwakhe nguloyo locasha silima noma acashe umuntfu lotengcelako. ¹¹ Njengenja ibuya kuwayo itohlanta, kanjalo nesilima lesiphindza bulima baso. ¹² Uyamubona umuntfu lohlakaniphile emehlweni akhe? Likhona lelinengi litsemba lesilima kwendlula yena. ¹³ Lomuntfu lovilaphako utsi, ''Kunelibhubesi emgwacweni! Kunelibhubesi emkhatsini waletindzawo letivulekile!'' ¹⁴ Njengoba lomnyango ujika kulamahhuka awo, kanjalo nemuntfu lovilapha embhedzeni wakhe. ¹⁵ Lomuntfu lovilaphako ubeka sandla sakhe endishini futsi angenawo emandla ekusiphakamisela emlonyeni wakhe. ¹⁶ Lomuntfu lovilaphako uhlakaniphile emehlweni akhe kunemadvodza lasikhombisa laphendvula ngesincumo lesihle. ¹⁷ Njengaloyo lobamba tindlebe tenja letengcelako lokwatela kuphikisana lokungasiko kwakhe. ¹⁸ Njengeluhlanya lelidubula butjoki lobushako ¹⁹ nguloyo lokhohlisa makhelwane wakhe atsi, ''bengingadlali yini?'' ²⁰ Ngoba kuswela tinkhuni, umlilo uyaphela; futsi lapho kunalohlebako khona, kuphikisana kuyema. ²¹ Njengelilahle litosala lishisa lilahle kanye netinkhuni kungumlilo, kanjalo nemuntfu lobangako ucala kubanga. ²² Emagama ekuhleba afana nekudla lokumnandzi; kuya phansi ekhatsi emalungeni emtimba. ²³ njenge kuhucwa kwemhlaba wesitja, kanjalo nekusha kwetindzebe futsi nenhlitiyo lembi. ²⁴ Loyo lonyanya labanye ufihla imizwa yakhe ngetindzebe takhe futsi ubeka kukholisa ekhatsi kuye. ²⁵ Utawukhuluma kahle, kodvwa ningametsembi, ngoba kunemahlazo lasikhombisa esifubeni sakhe. ²⁶ Noma kutondza kwakhe kufihlwe yinkhohlso, butsakatsaka bakhe butawuvetwa emhlanganweni. ²⁷ Nomangubani logubha umgodzi utawuwela kuwo futsi lelitje litawugicikela kulowo loliphushile. ²⁸ Lulwimi lolucamba emangq liyabatondza bantfu lababhidlita futsi nemlomo locamba emanga uletsa kumosheka.