¹ Israyeli wenta luhambo lwakhe nako konkhe bekanako waya eBherisheba. Wanikela umhlatjelo kuNkulunkulu babe wakhe Isaka. ² Nkulunkulu wakhuluma ku-Israyel embonweni ebusuku, watsi,'' Jakobe, Jakobe.'' ³ Watsi '' Ngilapha.'' Ngilapha Nkhosi, Nkhulunkulu waboyise. Ungesabi kwehlela eGibhithe, ngitawenta ube sive lesikhulu khona. ⁴ Ngitawehla nawe ngiye eGibhithe, ngitawephindze ngenyuke nawe phindze naJosefa utawuvala emehlo ngesandla sakhe. ⁵ Jakobe wasuka eBherisheba. Emadvodzana aIsrayeli etfwala Jakobe uyise, bantfwababo, kanye nebafati babo, etincoleni taFaro labekabatfume kutsi bametfwale ngato. ⁶ Batsatsa imfuyo yabo netimphahla tabo labebakutfole baseveni leseKhenani.Bangena eGibhithe, Jakobe nentalelwano yakhe yonke. ⁷ Waletsa eGibhitha emadvodzana akhe, nemadvodzana emadvodzana akhe, emadvodzakati akhe, nemadvodzana emadvodzakati akhe, nato tonke titukulwane takhe. ⁸ Lawa ngemabito emadvodzana ase Israyeli labaya eGibhithe: Jakobe netitukulwane takhe, Rubeni, litubulo laJakobe; ⁹ emadvodzana aRubeni, Hanok, Pall, Hezron, naKarmi; ¹⁰ Emadvodzana aSimeon, Jemuel, Jamin, Ohad, Jakin, Zohar, Shaul, lamadvodzana beka emumfati longuMkhenani; ¹¹ nemadvodzana aLevi, Gershon, Kohath, naMerari. ¹² Emadvodzana aJudah bekubo Er, Onan, Shelah, Perez, naZerah, (kepha Er wafela eveni laseKhenani). Emadvodzana aPerez bekubo Hezron naHmul. ¹³ Emadvodzana aIsakhari bekubo Tola, Puah, naLob, naShimron; ¹⁴ Emadvodzana aZebulun bekubo Sered, Elon, naJahleel. ¹⁵ Lawa bekungemadvodzana aLeya lawatala kuJakobe ePaddan Aram, anendvodzakati yakhe Dinah. Asa onke emadvodzakati nemadvodzana akhe abengemashumi lamatsatfu nakutsatfu. ¹⁶ Emadvodzana aGad bekubo Zephon, Haggi, Shuni, Ezbon, Eri, Arodi, Areli. ¹⁷ Emadvodzana aAsher bekungu Imnah, Ishvah, Ishvi, naBeriah; naSerah bekangudzadze wabo. Emadvodzana aBeriah bekubo Heber naMalkiel. ¹⁸ Lawa bekumadzodzana aZilpah, Laban wamunika Leah indvodzakati yakhe. Lamadvodzana lawatala kuJakobe bekalishumi nesitfupha. ¹⁹ Emadvodzana aRachel umkaJakobe bekubo Josefa naBhenjamini. ²⁰ EGibhitha Manasseh naEphrain batalelwa Josefa nguAsenath, indvodzakati yaPhotifera umpristi wase-Oni. ²¹ Emadvodzana aBenjamini bekubo Bela, Beker, Ashbel, Gera, Nasman, Ehi, Rosh, Muppim, Huppim, naArd. ²² Lawa bekumadvodzana aRachel labewetale kuJakobe bekalishumi nakunye seka onkhe. ²³ Indvodzana yaDani bekungu Hushimu. ²⁴ Emadvodzana aNaphtal bekungu Jahziel, Guni, Jezer, naShillem. ²⁵ Lawa madvodzana aJakobe bekatalwa nguBilhah, Lawa lamunika Rasheli indvodzakati yakhe bebasikhombisa sebabonke. ²⁶ Bonke laba labaya eGibhithe naJakobe, lebe batitukulwane takhe, ungabali bafati bemadvodzana aJakobe, beba ngemashumi lasitfupha nesitfupha. ²⁷ Ngalamadvodza lamabili aJosefa latalelwa eGibhithe, ngako ke bantfu bemndeni wakhe labaya eGibhithe bebangemashumi lasikhombisa. ²⁸ Jakobe watfumela Juda embili kuJosefa atewumkhombisa indlela leya eGosheni, bahamba baze befika befika eveni laseGosheni. ²⁹ Josefa walungisa incola yakhe wase uyahamba uyewuhlangana neyise Israyeli eGosheni. Wambona, wamhhaka entsanyeni, wakhalela entsanyeni yakhe sikhatsi lesidze. ³⁰ Israyeli watsi kuJosefa, ''Nyalo sengingafa, ngoba sengibubonile buso bakho, kutsi usaphila. ³¹ Josefa watsi kubomnakabo nekubendlu yeyise, ngitawukhuphuka ngitjele Faro, ngitsi, ''Bomnaketfu nendlu yababe, lebebase veni laseKhenani, kumele bete kimi. ³² Lamadvodza belusi, ngoba bekubagcini bemfuyo. Baletsa imihlambi, nemuhlambi wetinkomo, nako konke bebanako. ³³ Kutawufika lapho khona, Faro akubita akubuta, 'Yini umsebenti wakho?' ³⁴ Kumele utsi, tisebenti takho betilusa imfuyo kusukela ebusheni kute kube manje, sobabili, nabokhokho betfu. 'Kwenteni loku kute nitewuhlala eveni lase Gosheni, ngoba wonke umelusi usinengiso kumaGibhithe.