¹ Umprofethi Elisha wabita munye wemandvodzana akhe watsi kuye, "Gcokela kuhamba bese uphatsa nali libhodlela lelincane lemafutsa esandleni sakho uhambe uye e-Ramothi Giliyadi. ² Mawufika ufune Jehu indvodzana yaJehoshafathi loyindvodzana yaNimishi, ungene umusukumise kulabo lahleli nabo umuyise endlini lengekhatsi. ³ Bese utsatsa lelibhodlela lemafutsa utsela lamafutsa enhloko yakhe utsi, Simakadze utsi: "Ngikugcobe ube yinkhosi etukwa Israyeli." Ubese uvula umnyango uyabaleka; ungaphutisi'' ⁴ Ngako lendvondza lencane, lomprofethi lomncane wahamba waya e-Ramothi Giliyadi. ⁵ Uma efika, buka, baphatsi bemphi bebahleti. Ngako lomprofethi lomncane watsi," Ngite ngekutfumywa kuwe mphatsi." Jehu waphendvula watsi, "kumuphi wetfu?" Umprofethi lomncane waphendvula watsi, "Kuwe mphatsi." ⁶ Ngako Jehu wasukuma waya endlini lengekhatsi wase umprofethi umutsela ngemafutsa enhloko yakhe watsi ku Jehu, ''Simakadze,Nkulunkulu waka Israyeli ,utsi: 'Ngikugcobile kutsi ube yinkhosi ebantfwini baSimakadze,ku Israyeli. ⁷ ''Kufuna ubulale umndeni wa Ahabi umphatsi wakho kute ngitawuphindziselela ingati yetisebenti tami baprofethi kamye nengati yato tonkhe tisebenti taSimakadze letabulawa sandla saJezebheli. ⁸ Kuze wonkhe umndeni wa Ahab ubhubhe, futsi ngtawubulala wonkhe umntfwana longumfana waka Ahabi, wonkhe umntfwana,noma usigcila noma umuntfu lokhululekile. ⁹ Ngitawenta indlu ya Ahabi ifane nendlu yaka Jerobhami indvondzana ya Nebhathi phindze njengendlu ya Bhasha indvondzana ya Ahija. ¹⁰ Tinja titawudla Jezebheli e Jezreli, kuawubese kubabete lotamungcwaba.'' Wabese umprofethi uvula umunyango wabaleka. ¹¹ Wabese Jehu uphumela ngaphandle etisebentini temphatsi wakhe, munye watsi kuye, ''Ngabe yonkhe intfo ihamba kahle?''Lite leni kuwe lelihlanya leli?'' Jehu wabaphendvula watsi, ''Uyayati lendvondza kanye netintfo latishoko.'' ¹² Batsi, ''lawo ngemanga. Sitjele.'' Jehu waphendvula, ''Ushito loku nalokwa kimi,waphindze watsi, Simakadze utsi: Ngikugcobile njenge nkhosi yaka Israyeli.'' ¹³ Ngako nguloyo waphutfuma wakhumula wendlala tingubo phansi kwetinyawo taJehu. Bashaya timpalampala batsi, ''Jehu uyinkhosi.'' ¹⁴ Ngalenandlela Jehu indvondzana ya Jehoshaphat indvondzana ya Nimishi wahlela kuhlasela Jorami. Nyalo Jorami abesalwela i Ramoth Gilead, yena nawo onkhe ema Israel, ngenca ya Hazeli inkhosi ya Arami, ¹⁵ Kodvwa inkhosi Jorami yase yibuyele emuva e Jezreli kute aphotiswe emanceba lebakawatfole kuma Arameni, ngesikhatsi alwa nenkhosi Hazeli inkhosi yase Arami. Jehu watsi kuletisebenti ta Jorami, ''Nangabe lona kungumbono, ngako ungavumeli ngsho munye abaleke kulelidolobha,kute ngtotjela Jezireli letindzaba leti.'' ¹⁶ Ngako Jehu wagibela inkalishi waya e Jezireli; ngoba Joram abe phumule khona. Nyalo Ahaziya inkhosi yaka Juda beseyite entasi kutobona Jorami. ¹⁷ Logadzi bekeme embhoshongweni e Jezireli, wabese ubona baphekeleteli ba Jehu asachamuka khashane; watsi. ''Ngibona libutfo lemadvodza liyeta.'' Jorami watsi, ''Tsatsa indvondza yelihhashi uyitfumele iyohlangana nabo; umutjele atsi, 'Nita ngekuthula?'' ¹⁸ Ngako indvondza yatfunywa igibele lihhashi iyohlangana; yatsi, ''Inkhosi isho loku : 'nite ngekuthula?' Ngako Jehu watsi ''ungenaphi nekuthula wena?'' jika ugibele emuvakwami.'' Wase logadzi utjela inkhosi, ''Lesitfunywa sesihlangenene nabo, kodvwa asibuyi.'' ¹⁹ Wase utfumela lenye indvondza yesibili nayo igibele lihhashi,lowafika kubo watsi, ''Inkhosi isho loku i: 'Nita ngekuthula yini?'' Jehu waphendvula, ''Ungenaphi nekuthula wena?'' Jika ugibele emuva kwami.'' ²⁰ Phindze logadzi wabika, ''sewuhlangene nabo,kodvwa akabuyi. Ngalendlela lenkalishi leyayishayelwa ngayo ngulendlela Jehu indvondzana ya Nimishi beyishayela ngayo;ushayela ngekukhahlabeta. ²¹ Ngako Joram watsi, ''lungisa inkalishi yami.'' Balungisa inkalishi yakhe,Jorami inkhosi yaka Israyeli na Ahaziya inkhosi yaka Juda bashayela baphuma, nguloyo ahamba ngenkalishi yakhe,bayohlangana na Jehu. Bamukhandza endzaweni ya Nabhothu umu jezirelethi. ²² Uma Joramu abona Jehu, watsi, ''Ute ngekuthula,Jehu?'' Waphendvula, ''kuthula lokukuphi uma tithico tebugwadla nebutsakatsi bamakwakho Jezebheli bubunengi kangaka?'' ²³ Ngako Jorami wajikisa inkalishi yakhe wabaleka watsi ku Ahaziya, ''kunebucili, Ahaziya.'' ²⁴ Wase Jehu udvonsa putjoki bakhe ngemandla akhe onkhe wadubula Jorami emkhatsini wemahlombe akhe, lobutjoki badzabula inhlitiyo yakhe wawela phansi enkalishini yakhe. ²⁵ Jehu wase utsi ku Bhidikha indvuna yakhe, ''mutsatse umulahle ensimini ya Nabhothi umu Jezerelethi. Cabanga ngalesikhatsi mine nawe sigibele kanyekanye emva kwa Ahabi babe wakhe, Simakadze wabeka lesiphorofitho ngaye. ²⁶ 'Itolo ngibone ingati ya Nabhothi nengati yemadvodzana akhe kusho Simakadze futsi ngtawucinisekisa kutsi uyajeziswa ngako kulensimu lena kusho Simakadze. Nyalo ke, mutsatse umujikijele kulensimu, njengu kusho kwe livi laSimakadze.'' ²⁷ Uma Ahaziya inkhosi yaka Juda ibona loku,wabalekela emgwacweni wa Bhethi Hagani. Kodvwa Jehu wamulandzela watsi, ''Mubulale naye kulenkalishi,'' bamudubulela e Guri lokungase Ibhiliyami. Ahaziya wabaleka waya e Megido wafela khona. ²⁸ Tisebenti takhe tatfwala umtimba wakhe enkalishini tiya eJerusalema bamungcwaba emathuneni nabo babe wakhe edolobheni laDavide. ²⁹ Nyalo besekungumunyaka welishumi nakunye wa Jorami na Ahabi kutsi Ahaziya acale abuse eJuda. ³⁰ Uma Jehu efika ku Jezereli,Jezebheli weva ngako,wase upenda emehlo akhe,walungisa tinwele takhe,wase ubuka ngaphandle kwelifasitelo. ³¹ Asangena egedeni Jehu,watsi Jezebheli kuye ''uta ngekuthula yini wena Zimru,umbulali wemphatsi wakho?'' ³² Jehu wabuka etulu efasitelweni watsi ''Ngubani lome ngakimi?''Ngubani?'' base babili noma batsatfu baphatsi besigodlo babuka ngaphansi kwesifasitelo. ³³ Ngako Jehu watsi, ''Mulahleni phansi.'' Ngako bamulahla phansi Jezebheli, yase lenye ingati yakhe ifateka elubondzeni nemahhashi na Jehu amugcoba phansi kwetinyawo. ³⁴ Uma Jehu asangena esigodlweni,wadla wanatsa. Wase utsi, ''buka nyalo lesicalekiso semfati bese uyamungcwaba,ngoba uyindvodzakati yenkhosi.'' ³⁵ Bahamba baya kuyomngcwaba,kodvwa bakhandza kungenalutfo kwemtimba wakhe ngaphandle kwesikobho sakhe,tinyawo netandla. ³⁶ Ngako babuyela emuva batjela Jehu.Watsi, leli livi laSimakadze lalikhulume ngesisebenti Elija umThishibhithe,watsi, 'Emhlabatsini wa Jezereli,tinja titawudla umtimba wa Jezebel, ³⁷ bese lomtimba waJezebheli utawufana nebulongo kuletinsimu emhlabatsini wa Jezereli,kute kubebete lotawutsi ''lona nguJezebheli.''