¹ Inkhosi Davide yatsi kuwowonkhe lomhlangano, ''Solomoni ndvodzana yami, yena yedvwa Nkulunkulu lamukhetsile, usemncane futsi akatilutfo, nalomsebenti mukhulu. Ngoba lelithempeli alisiko lebantfu kodvwa laSimakadze Nkulunkulu. ² Ngako ngetame ngalokukahle kimi kutsi nginikete lithempeli la Nkulunkulu wami. Nginiketa ligolide laletintfo lekumele takhiwe ngeligolide, lisiliva laletintfo lekumele takhiwe ngelisiliva, litfusi laletintfo lekumele takhiwe ngelitfusi, nensimbi yetintfo lokumele takhiwe ngensimbi, nelugodvo lwaletintfo lokumele takhiwe ngetingodvo. Ngiphindze nginika ematje e-oniksi, ematje latawuhlelwa, ematje ekusebenta lamibala leyehlukene- yonkhe inhlobo yematje laligugu - nematje emabuli lamanengi. ³ Manje, ngenca yekujabula kwami endlini yaNkulunkulu wami, nginika imicebo yami yeligolide nesiliva yayo. Ngikwenta loku ngekungeta kukokonkhe lengikulungisele lithempeli leli lelingcwele: ⁴ tinkhulungwane letintsatfu temathalente egolide e-Ofiri, kanye netinkhulungwane letisikhombisa temathalente esiliva lelicengiwe, kute kutawuvalwa emabondza aletakhiwo. ⁵ Ngiyanikela ligolide laletintfo lekumele takhiwe ngeligolide, nelisiliva laletintfo lekumele takhiwe ngelisiliva, netintfo tayoyonkhe inhlobo yemisebenti letowentiwa madvodza elikhono lesandla. Ngubani lomunye lofuna kufaka kuSimakadze namuhla aphindze atinikele kuye?'' ⁶ Ngako tipho tesihle tentiwa baholi bemadloti emindeni yabo, labaholi baletive taka Israyeli, baphatsi baletinkhulungwane nemakhulu, nebaphatsi etukwe msebenti wenkhosi. ⁷ Banikela lomsebenti wendlu yaNkulunkulu tinkhulungwane letisihlanu temathalente netinkhulungwane letilishumi teligolide le darikhi, emashumi etinkhulungwane elithalente lesiliva, siphohlongo setinkhulungwane telitfusi, kanye nelikhulu letinkhulungwane tensimbi. ⁸ Labo bebanematje eligugu banikela ngawo ekugcinweni kwendlu yaSimakadze, ngaphansi kwekugadvwa ngu Jehiel, situkulwane sa Gershon. ⁹ Labantfu bajabula ngenca yalomunikelo, ngoba bebanikele ngenhlitiyo yonkhe kuSimakadze. Inkhosi Davide nayo yajabula kakhulu. ¹⁰ Davide wamubusisa Simakadze embikwawowonkhe lomhlangano. Watsi. ''Mawudvunyiswe Simakadze, Nkulunkulu waka Israyeli lidloti letfu, phakadze naphakadze. ¹¹ Kwakho, Simakadze, bukhulu, emandla, inkhatimulo, kuncoba, kanye nebukhosi. Ngoba konkhe lokusemazulwini nasemhlabeni kwakho. Bukhosi bakho, Simakadze, futsi uphakamisiwe njengembusi kukokonkhe. ¹² Kokubili ingcebo nekutitfoba kuchamuka kuwe, futsi uyabusa etukwabobonkhe bantfu. Esandleni sakho kunemandla nebukhulu. Uphetse emandla nebukhulu ekwenta bantfu babebakhulu futsi unikete emandla kunomangubani. ¹³ Manje ke, nkulunkulu wetfu, siyakubonga sidvumisa ligama lelibabatekako. ¹⁴ Kodvwa ngingubani, nebantfu bami bobani, kutsi singakhona kunikangekuvuma letintfo leti? impela, tonkhe tintfo tibuya kuwe, futsi sibuyisele kuwe lokungekwakho. ¹⁵ Ngoba singulabangatiwa netihambi embikwakho, njengemadloti etfu abenjalo. Emalanga etfu emhlabeni afana nesitfunti, futsi kute litsemba lekusala emhlabeni. ¹⁶ Simakadze Nkulunkulu wetfu, yonkhe lengcebo lesiyibutse kute sakhe lithempeli sitawutfobela ligama lakho lelingcwele-ibuya kuwe futsi yakho. ¹⁷ Ngiyati futsi, Nkulunkulu wami, kutsi uhlola inhlitiyo futsi uyajbula ngekulunga. Ngakimi, ekulungeni kwenhlitiyo yami nginikele ngekuvuma tonkhe letintfo leti, futsi nyalo ngibuka ngenjabulo njengoba bantfu bakho labakhona lana banikela ngekuvuma tipho kuwe. ¹⁸ Simakadze, Nkulunkulu waAbraham, Isaac, kanye naIsrayeli- emadloti etfu-gcina loku kute kube phakadze emicabangweni yetingcondvo tebantfu bakho. Condzisa tinhlitiyo tabo kuwe. ¹⁹ Niketa Solomoni indvondzana yami inhlitiyo yonkhe lefuna kugcina imitsetfo yakho, sivumelwano sakho, kanye neticu takho, futsi atfwale onkhe lamacebo ekwakha lesigodlo lesengisilungiselele.'' ²⁰ Davide watsi kuwowonkhe lomhlangano, ''Manje busisa Simakadze Nkulunkulu wakho.'' Wonkhe lomhlangano wabusisa Simakadze, loNkulunkulu wemadloti abo, base baguca phansi bakhombisa kutitfoba kuSimakadze nasenkhosini. ²¹ Ngelilanga lelilandzelako, benta imihlatjelo kuSimakdze banikela umnikelo loshile kuye. Banika inkhulungwane yetinkunzi, nemarami layinkhulungwane, netimvu leteiyinkhulungwane, ngemnikelo wesinatfo sabo nemhlatjelo lomunengi wawo onkhe ema Israyeli. ²² Ngalelolanga, badla banatsa phambi kwaSimakadze ngekujabula lokukhulu. Benta Solomoni, Indvodzana ya Davide, inkhosi kwesibili, wagcotjwa ngemtsetfo waSimakadze kutsi abuse. Baphindze bagcoba Zadok kutsi abe ngumpristi. ²³ Wase Solomoni uhlala esihlalweni saSimakdze njengenkhosi esikhundleni saDavide babe wakhe. Waphumelela, futsi onkhe ema Israyeli amuhlonipha. ²⁴ Bonkhe labaholi, emasotja, nemadvodzana enkhosi Davide aniketa setsembiso enkhosini Solomoni. ²⁵ Simakadze wenta Solomoni ahlonishwe kakhulu embikwawo onkhe ema Israyeli wase umunika emandla lamkhulu kunalawa laweke wawanika nome nguyiphi inkhosi lebeyisembikwakhe eIsrayeli. ²⁶ Indvondzana ya Davide Jese yabusa etukwa wonkhe Israyeli. ²⁷ Davide bekasayinkhosi yaka Israyeli iminyaka lengemashumi lamane. Wabusa iminyaka lesikhombisa eHebroni neminyaka lelishumi nakutsatfu eJerusalema. ²⁸ Wafa eminyakeni lemidzala lemihle, emva kwekutsi ave bunandzi bemphilo lenhle, umcebo nekuhlonishwa. Solomoni indvodzana yakhe yatsatsa emvakwakhe. ²⁹ Kugcwaliswa kwenkhosi Davide kubhalwe emlandvweni wemprofethi Samuweli, emlandvweni wa Natani umprofethi, nase mlandvweni waGad umprofethi. ³⁰ Lokugcinwe lapho tento tekubusa kwakhe, kugcwaliseka kwakhe kanye netehlakalo letamukhinyabeta Israyeli, nayoyonkhe imikhosi yakuleletinye tive.