¹ Ngako Hirami inkhosi yase Thire watfumela titfunywa ku Davide, netihlahla temsedari, babati kanye nebeloli bematje. Bakha indlu yakhe. ² Davide bekati kutsi Simakadze umente inkhosi etikwa Israyeli, nekutsi bukhosi bakhe bebuphakimiselwe etulu ngenca yebantfu baka Israyeli. ³ EJerusalema, Davide watsatsa bafati labanengi, wase uba ngubabe wemadvodzana nemadvodzakati lamanyeti. ⁴ Lawa bekungemabito alabantfwana bebatelwe kuye eJerusalema: Shamuya, Shobabi, Natani, Solomoni, ⁵ Ibhari, Elishawa, Elepeleti, ⁶ Noga, Nefegi, Jafiya, ⁷ Elishama, Bheliyada, kanye na Elifeleti. ⁸ Manje uma emaFilisti eva kutsi Davide sewugcotjiwe kutsi abe yinkhosi etikwa Israyeli, bonkhe bahamba bayomfuna. Kodvwa Davide weva ngako wase uyaphuma uyolwa nabo. ⁹ Manje emaFilisti besekafikile atophetulula sigodzi sema Refayemu ¹⁰ Wase Davide ucela lusito kuNkulunkulu. Watsi, ''ngiwahlasele yini emaFilisti? Utawunginika yini kuncoba etukwabo?'' Simakadze watsi kuye, ''Hlasela, ngoba vele ngitabanikela kuwe.'' ¹¹ Ngako beta eBhali Perazimu, ngako wabahlula. Wakhuluma, ''Nkulunkulu ubhidlite ekhatsi titsa tami ngesandla sami njenge manti lakhukhulako.'' Ngako leligama lalendzawo laba yiBhali Perazimu. ¹² Emafilisti abalahla bonkulunkulu babo lapho, futsi Davide wabanika umyalo kutsi bashiswe. ¹³ Ase emaFilisti aphetulula lesigodzi futsi. ¹⁴ Ngako Davide wacela lusito ku Nkulunkulu futsi. Nkulunkulu watsi kuye, ''akukafaneli uhlasele ngembili kwabo, Kodvwa ungamane uwatungeletele ngemuva kwabo bese uta kubo ngetigodvo telibhalisamu. ¹⁵ Uma uva umsindvo wekuhamba ngemoya uhhusha ekhatsi etulu kwesihlahla i Bhalisami, Bese uhlasela ngemandla. Ukwente loku ngoba Nkulunkulu utabe ahambe ngaphandle embikwakho ngaphambi kwekutsi uhlasele umbutfo wema Filisti.'' ¹⁶ Ngako Davide wenta njengoba Nkulunkulu amuyalile. Wayehlula imphi yemaFilisti kusukela eGibhiyoni kuya eGezera. ¹⁷ Lwase ludvumo lwa Davide luphumela ngaphandle kuwo onkhe emave, wase Simakadze wenta tonkhe tive timesabe.