1 Henyi mulume omweya oihyaniwa Lazaro neli a kola. Neli wamu Betania, munji wa Maria na minae Mareta. 2 Neli Maria oyu no wehya Mulena na ku peula makondo ae na huki, oyo Lazaro no kola neli manjae. 3 A manjae atuma munu kwa kwa Jesu, kuamba, "mulena , omane, oyu hingile akola." 4 Apa Jesu na yuba ei, Oamba, "ou utuku kancile ku lifu, kono henyi waletanji mulimu a lumbiwe inji mwana munu a lumbekiwe kweyo." 5 Henyi Jesu mana hinga Mareta na minae na Lazaro. 6 Henyi apa na yuba nji Lazaro a kola, Jesu oikala maiwa meli kuekeza po mwehyo hibaka naikala. 7 Henyi mumanyima nei, o amba kua alutiwa ae, Twende ku Judea kame." 8 Alutiwa opo aamba kwae, ''Rabbi, pano majuda a hinga kupwaula , kame wahukako?'' 9 Jesu oalaba, kenanji no mahola na mahola meli no liseli aikile muliwa ? Inji munu aenda mu hinonga, ka kutanuka, kakuli ahamona likaka no liseli no lifasi. 10 Kono inji aenda uhiku, kuma a tunuka kakuli o liseli kalikile nae.'' 11 Noamba ei inu, henyi mumanyima nei, o amba o koo, " Muhanyi wetu Lazaro ona lala, kono na ca inji ni ka mwingule pa tulo," 12 Alutiwa opo aamba kwae, ''mulena, inji ona lala, kuma ayoya.'' 13 Jesu no amba ya lifu lyae, kono mana nahana nji oamba oku lala no kupumula. 14 Henyi Jesu oambela patalaza, Lararo onafu. 15 Hina wapele, mulibaka lyenu, inji hiwanji naikalako inji mwa kutane. Twendenyi o kwae.'' 16 Tomas,oyu noihyaniwa Didima, oamba kwae alutiwa, Twende natwi inji tukafe na Jesu. 17 Apa Jesu nakeya, no ya wana nji Lazaro ana mana maiwa mane mu libita. 18 Henyi Betania neli pepi na Jerusalema, o mwendo u hinga kutenda likumi no maili na maili mutanu. 19 O majuda angi mana keya kwa Mareta na Maria, kuyaa omba-omba ku lifu lya manjoo. 20 Henyi Mareta, apa na yuba nji Jesu a keya, oca kuka mumbatawela, kono Maria mana tongomana munjiyo. 21 Mareta henyi opo oamba kwa Jesu, mulena, nga neli waikala ko, manjange nga hiwanji afa. 22 Hiwanga pano, na limuka nji yohye ei alomba kwa Mulimu, aha ikupa. 23 Jesu oamba okwae, Majoe kuma ainguka kame" 24 Mareta oamba okwae, ''Nalimuka nji kuma ainguka kame mu zuho no liwa no mafelelezo.'' 25 Jesu oamba, okwae, ''yome zuho na upilo; oyu oitana kwange, hiwanga yofa, kuma ayoya ; 26 Yohye oyoya na kuitana o kwange ka kufa. Wa hetana ei?'' 27 Omba kwae,'' Eni, mulena, Ihetana nji yowe kelesite, mwana Mulimu, oyu keile mu lifasi.'' 28 Apa na mana kuamba ei, oca na kukehyana minae Maria kumukunda. ''Muluti paikile pano ahaku keyela.'' 29 Apa nayuba ei, Oitamana wangu na kuca kwae. 30 Apa weli Jesu youlwa kale na kuingena mu munji kono yo hikile kuhibaka na mumbatawela. 31 Henyi apa o majuda, naikala naye munji yo na kumu omba omba , amona Maria yoimana wangu na kupanena panji, amukoña, kunahanji nji aca ku libita kua lilela koo. 32 Apa Maria na kuma oku naikala Jesu na ku mumona, o ngwela ku maulu ae na kuamba kwae, ''mulena, nga neli waikalako, manjange inga kahifa". 33 Apa Jesu na mumona yo lilile, na Majuda nakeya nae nao a lilile, mana afa yonene makeke na kukola yonene kumucima. 34 Opo oamba,"kupi konyiko muna muna mulangeke? opo amba o koo, "mulena, okeye na kuyamona." 35 Jesu opo lila. 36 Henyi Jesu opo oamba,"mumone omu a hingilelile Lazaro". 37 Kono amweya okoo oamba," katwehya oyu mulume, oyu no kwaulula meño no hibofu, inji atende oyu mulume nji aka fa? 38 Henyi Jesu kame, ofa yonene makeke, oca ku libita. Henyi neli hibaka na licwe na lifukiwa ko . 39 Jesu oamba, " mutundihye ko licwe, Mareta, manja Lazaro, oyo nofa, oamba kwa Jesu,"Mulena, mucino nako olutu luna tatateke o kuola, kakuli panapiti maiwa mane kutanda apa ana fele." 40 Jesu oamba kwae, Hiwanji na amba kwenu nji, apa muitana, kuma mumona kanya ca Mulimu?" 41 Henyi opo atundihya o licwe, Jesu o nonena meño ae kuwilu na kuamba,"Tate, na kutumela okoe inji ona ni tetece. 42 Hina kulimuka nji nako cohye wani tetecanga, kono mulibaka no ehi hicaba hikuimanine kapa ni ambike ei, inji ngaitane nji onani tumu"? 43 Mumanyima nokuamba ei, okuwa na lii likulu, Lazaro,otunde mo!" 44 Omufu opana mo; o makondo ae na makaha ana cingwenyi waito, na lupala lwae luna cingwenyiwa ito. Jesu oamba okoo, ''mu mucingunune mumulehye ace.'' 45 Henyi ungi no majuda nakeya kwa Maria na kumona ei na tenda Jesu, alumela kwae. 46 Kono amweya aa ku mafalisi na kukambela einu atende Jesu. 47 Henyi akulu no maprisita na mafalisi awaneka kuta pamweya na kuamba,"kuma tenda ngepi? oyu mulume atenda isupo ingi. 48 Apa tumulehyelela ngeya, ohye kuma alumela kwae; o maroma kuma a keya na kuyahimba hibaka hyetu na litunga lyetu. 49 Kono mulume omwea okoo nohyaiwa Kefasi, oyo neli muprisita mukulu ehyo hilomo, oamba, Hiwanji ei mulimukile. 50 Kamumonine nji kwahela hiwana nji munu mumweya afela anu kupita nji liyunga lyohye li yunde." 51 Apa hiwanji akuambela yohoshi, kono , pa kuikalamuprisita mukulu ehyo hilimo, kuma na polofita nji Jesu aswaena kufela litunga; 52 Kame kenanji litunga feela, kono inji ana mulimu oa na kuhyandaula ngu ma akuwana pamweya. 53 Henyi kutunda elyo liiwa akuyuba omuno kuipaela Jesu. 54 Hiwanji kame Jesu aenda pa patalaza mukaci no majuda, kono opo opo ofunduka mo kuca mu litunga cikile pepi na lihalaupa mu tolopo cihyaniwa Efraimi. Oko opo okekala na alutiwa. 55 Henyi paseka no Majuda neli cikala pepi, angi opo aca ku Jerusalema kutunda mu litunga paseka coci ulwa kale kuikala nji aka kukenihye. 56 Kuma nafaa Jesu , akuambauhya omweya kuomomweya aimanine mu tempele oku aikile Jesu, ike ei munahanine? Inji ka akukeya ku mukiti?" 57 Henyi mukulu no Maprisita na Mafalisi napa o taelo nji oyu limukile oku aikile Jesu, a lombole inji aka mukwate.