1 Munyima eyo Jesu mwanaza na kuenda mu matolopo na minzi, kukutaza aanu ya mubuso wa Mulimu. Nalutiwa aye no likumi naili mwa naikala naye, 2 na akazi na tundisiwa o mepo zinyangunyu na ikola: Maria noisaniwa Magadalena, no tundisiwa mepo zinyangunyu mutanu na mbili; 3 Na Joanna, mbiyamaa Kuza, mupolisa mukulu wa Heroda; na Suzanna; na akwo, awo, kutunda kweyi naeta, naapa matuso kuza omo nasaelela. 4 Apa ne kukuwanekela sicaba singisingi, aanu mwa nawiya okwaye kutunda mu tolopo, ke waambela nguli: 5 "Mulimu mwa naza ku kana mbuto. Apo na kuna, zimweya zingwela kunyonga no nzila ke zilyatangeliwa na makondo, Iyunyi no muwilu ke izilya. 6 Zimweya ke zingwela pa liwe, pa kwamba ngao zikule, ne zikukuta, kakuli nezi tahama mukamo. 7 Zimeya ne zingwela mu mingunguya, ke zi kulela pamweya na mingunguya na kuzi komwisa. 8 Kono zimweya ke zinngwele mumumvu wa mununo na kwima likumi lya makumi kupita." Munyima za Jesu kwaamba eyi inu, ke wo isana, "Oshe okwite matwi a kuyuba, a yube." 9 Alutiwa aye a mwipula taluso yezi nguli. 10 Ke waamba, "Zibo za makunutu no mubuso wa Mulimu zina piwa okwenu, kono kwa mweya naamba mu manguli, ili ngao 'amone kono kamonisisa, na kuyuba kono ka yubisisa.' 11 Ke otalusa za nguli ezi: Ziya mbuto liyii lya Mulimu. 12 Ziya zinangwele munzila aya ana yubu, kono Diabulosi awiya na kutundisa liya liyii mumucima ili ngao kana itana omone nga mwa yoyisiwa. 13 Ziya za paliwe aya, apa a yuba oliyii, ali amuhela na tabo. Kono ka kwite mizizi kao; a itana pa nako zinyonyo, munako za ku likiwa auka munyima. 14 Mbuto zina ngwele mu mingunguya aanu ayuba oliyii, kono apa enda munzila zowo, a yembuluka ku pakela ngana ya litunga na minyaka za upilo, o miselo zowo njena kwimva. 15 Kono o mbuto zina ngwele mumumvu uwa-uwa, aa onyiko, ana yubu oliyii na kusepahala na mucima uwa, kulibabalela na kushema miselo na kukongoza kutwala kuso. 16 "Njeko wa ku tumbula lambi keo kame azi feka na chenga kamba kuzi paka mushi no umbeta. Kono, a zipaka pa lipala ngao oshe o ingena ngatwese kumona o liseli. 17 Njeko sina olekiwa mbo sitamba kukana kulimukiwa, kamba sipi sa kunutu eso mbo sikana ku patuluha mu liseli. 18 Ngendango mutezeze siwana, kakuli koyo okwite, ingi kame mwa ekelezwa, kono oya nataama, nasiya sa shimba ngao saye mwa muyangela so." 19 Keo a kanyina na minaye awiya okwaye, kono mo ku nakalupa kushenena okwali baken'isa sicaba. 20 Mwana mbeliwa, "Aka nyoko na minoye ane mana panze, a saela ku kumona." 21 Kono Jesu ke waalaba ngao, "Akanana na minange aya ayuba oliyii lya Mulimu na ku litenda." 22 23 Oliywa limweya mwana ingena na alutiwa, ke waambela ngao, "Tuupuke tweende mu shambwa liya no liziya." Ke a upuka. Kono apa na upuka e liziya keo olala. O likuya likulu ke liwiya kukuya pa liziya, o sisepe soo mono si ngena meyu, ke muziezi naikala. 24 Keo alutiwa a Jesu wiya okwaye na ku mu susumuna, ngao, "Mulena! Mulena! Tutamba kufa!" Ke oinguka na kukalimela likuya na man'asha no meyu, ke kombalala, na kumwena. Keo waambela, "Tumelo zenu kupi kozili?" 25 Kono mwa naiyapa na ku mbemuka, ke akuipaula munu na mukwaye, "Oye ani, oyu otwesa kulaela likuya na meyu, mane i muyube?" 26 Keo a upukela mu sisepe shambwaliya mu silalo sa Gerasene, shambweli la liziya lya Galile. 27 Jesu yo tunda bene ngeya musisepe kulyata pa mulundu, ke wo ku waniwa mulume ngeya wa mucima no tunda mutolopo wa mepo za madimona. Ona shimbi nako zile, njena kukubata sito, kame no shemwa kuikalanga munziwo keti pa malende. 28 Apa na mona Jesu, ke wo kuwa na kungwela poso zaye na ku kuwa yenene, "Sike so saela o kwange, Jesu, Mwana muambakani Mulimu? Na kunyepa, kona ni nyandisa." 29 Kakuli mwana laela ngao o mepo zinyangunyu zi mutunde. Poshe nezi mu wananga ezi mepo, shuwa ku mu manga na mawenge nai kuwo pendi ku mulondela, mwana patukanga kucola mawenge ke a madimona a mutwala mu lihalaupa. 30 Ke a mwipula ngao, "Owe anii o lizina lyoye?" Ke waamba, "Mpi," kakuli mwana ikala na madimona mangi. 31 Ezi mepo zinyangunyu mozina zwelapili ku mulomba ngao kana zi cizeza kuza mu mukoti. 32 Keo mukuna ikala mukana wa ngulu owu nou lyela paa n'ambamo. Madimona na mulomba kwa itaneza kuingena omo wo mukana, ke wa itanisa. 33 Popo bene madimona a tunda koyo mulume na kuingena kwa a ngulu, keo angulu a kuyumbela mu kandumbwi no liziya kundandumuka na kufelamo. 34 Keo aminya no angulu apa namona eyi ina tendahala, na lupuka na kuka ambela aya ali mutolopo na ku mukana. 35 Anu naza ku kamona eyi ina tendahala, na wiya kwa Jesu na kuwana oyo mulume no tenekiwa ku madimona. Mwa na tongomana ku makondo a Jesu. 36 Aya namona ina tendahala ke atonwela omo mukwa madimona na ku palisiwa. 37 Keo sicaba soshe no silalo sa Genezerene silomba Jesu ngao a siye, kakuli mwa na ku komokela kuiyapa kukulu. Popo Jesu wo ingena muwato na kukuzika 38 Mulume oyo notunda madimona olomba ngao aze naye, kono Jesu o mu indeka ngao, 39 "O uke ku mwanda woye o kaambe eyi Mulimu anatende okoye." Mulume keo okuzela munzila zaye, ku kutaza mu silalo soshe eyi Jesu ana tende okwaye. 40 Keoni Jesu yona ukuluka, sicaba nesi muamuhela, kakuli oshe mwa na mu saela. 41 Mumone, mulume o isaniwa Jailasi, omweya no a kulu a Sinagoge, ke owiya na ku ngwela ku makondo a Jesu, na ku mulomba ngao a wiye ku nzuwo zaye 42 kakuli o mwanaye wa mukazi yofoci, mukazi wa myaka za likumi na ziili, mwa inga kufa. Jesu yoli munzila, anu mwa na muzinguluka yenene. 43 Mo kunaikala mukazi oyu naikala na wezi wa ku oyanga unyinga pa myaka likumi naziili kame ona sinyi mali mangi kono no shimwa ku wana munu wa ku mu palisa. 44 Ke owiya ku nyima za Jesu na ku kwata ku mungundo wa sito saye, popo bene luya lwenga no koya unyinga kuteneka. 45 Jesu ke wamba, "Ani nani kwata?" Oshe apa namana kuyaya, Pitrosi ke waamba, "Molyange, o sicaba si na kuzinguluka mane sa kuyendamena." 46 Kono Jesu waamba ngao, 'Kwali munu na ni kwata, kakuli na kuyuba ngao maata ana tundu okwage." 47 O mukazi apa na mona ngao njena kutwesa ku kolama, ke owiya o kututuma na ku ngwela ku makondo aye, pakaci ka anu ke waamba eyi naletisa ngao a mukwate na ku pala popo. 48 Keo waamba okwaye, "Mwanange, o tumelo zoye zina ku palisa. Oze mu kozo." 49 Oshe a ambanga, ke ku wiya munu kutunda ku nziwo za mukulu wa Sinagoge, ngao, "Mwanoye no mukazi onafu. 50 Kona kataza muluti ku kuipaisa kame." Kono Jesu apa nayuba eyi ke waalaba Jailasi, 'Kona iyapa; oitane ambu, mwa pala." 51 Apo na kuma ku nziwo , no shimwa ku itaneza munu opi kamba opi kuingena naye munziwo, kendi Pitrosi na Joani na Jakobo, na yiwaye mwana na nyina waye. 52 Oshe mwa na lila na kumbolomoka baken'isa kufa kwa mwanoo, kono ke waambela, "Ko muna lila ka shifa kao ona lala ambu." 53 Kono ke a musheka, mu kulimuka ngao onafu. 54 Kono ke o mukwata ku likaha na ku isana, "Mwanikana, o inguke!" 55 O moyo waye keo u mukela, ke wo inguka wangu wangu. Ke wa laela ngao a mupe silya alye. 56 A ashemi aye mwa na ku komokela, kono keo wa laela ngao kana ambela munu opi kamba opi eyi ina tendahala.