¹ Mwa paange,mo,na munu onakuwana ngao ona foso,owe o kwite o moya o muomba ombe na moya wa sishemo. Oku kuteke ngao nawe kame ko nalikiwa. ² Oshimbe o ukalu no akoye,keo o taleleze o mulao wa Jesu. ³ Munu no na kengele ngao munene kono wa ngaya-ngaya, a kwoonga yo foti. ⁴ Munu na munu a tatube o musebezi waye, kame o libaka lyae no ku ku tataetha likale o kwae ambu a kwae ka na ilimuka. ⁵ Kakuli munu na munu mwa kutweka o u kalu waye. ⁶ Oyu o lutiwa o lii a kutapele o inu iwa no yu iluta. ⁷ Ko mu na ongiwa Mulimu ka ongiwa kao, esi a kuuna o munu somba kutula. ⁸ O yuo ku kunena mbuto mu lutu lwaye,ku tunda mulutu mwa sinyeelwa.Oyu o kuna o mbuto mu moyo mwa kutula moyo no mbula kupwa. ⁹ Ko tu na kwanga ku tenda oiwa,kakuli mo tu kutula mu nako thiwa,mbo tu kutula ku mona tukana ku nyikwa. ¹⁰ Pa no, tu shikwite o nako,tu tende oinu iwa kwaanu oshe,sihulu kwaa bamalumeli. ¹¹ Mu mone o mataku o manene ao ina ñolo na makaa ange. ¹² Aa saela ku milumeletha ei no nyama a mipithamena kutha ku mukande. Aa tenda ngeyo ambu kwiyapisa kaufela ku sifapano sa Jesu ¹³ Mane shiwango aa nathi ku mukande kaa buluka o mulao kao, kono a wapela ngao muthe ku mukande ngao a wane ku ku lumba mu lumba thenu. ¹⁴ Kono shamba na tanga ome ku kuu kumusa kondi mu sifapaano sa Mulena wetu Jesu Kelesite,bakeñisa oye o litunga li na kokoteliwa o kwange,name ku litunga. ¹⁵ Kakuli esi sikwite o libaka kaa ku ingena mu mukande kapa ku kana ku ingena mu mukande,kono kwa tokwala sibupeo sipya. ¹⁶ Oshe atha na mulao kozo ni musa mo ikala okoo, Kwa Isilaele ea Mulimu. ¹⁷ Kutunda pano ko kuna waniwa wa ku nikatatha,kakuli ina shimbi mulutu lwange o maswayo a Jesu. ¹⁸ O sishemwa sa Mulena wetu Kelesite sikale pa moyo wenu,mwa pange. Amen.