¹ Munyima no ilimo Likumi na ilimo ine no nitha kame ku Jerusalema na Barnabas,mononi pitula Tite ngao niendeele naye. ² Mono nitha bakeñisa e sinulo na yambono ulumiwa owu nitha nakuambaula ku mukunda nao na monahala ngao autokwa,kuku kolwisisa ngao ko na shituka kao-kapa kone tukile kao-mu mbango. ³ Kono shiwanga Tite,no Mu Gerike oyu no ikala nange,mwa nahapelikethiwa kutha kumukande. ⁴ Eingungu no mizwale keo awiya mukukwithitha kuwiyu ku bafilisita etukuluho tu kwite kwa Kresite Jesu.Mwana thaela ngao tu piluke twa atanga, ⁵ Kono ko twa etaine kukupaka kushi thoo shiwanga kanyonyo kao,kakuli mono tusaela ngao eniti no ulumiwa usiale nenu. ⁶ Aya na monahala ngea ngao autokwa( moshe omu naikalela ome ka nikwite taba nayo kao, Mulimu ka monisa ketululo kao)- awo,na amba,na monahala ngea ngao autokwa njeko eyi nami ekethela. ⁷ Mane apa namono ngao,shina piwa evangeli ezi no kuhaza ku mukande,weti eni Pitolosi omu na piwela e evangeli za no kuza kumukande. ⁸ Kakuli Mulimu,oyu no sebeza kwa Pitolosi kupiluka muapositola kwa no kuza ku mukande mwana sebeza na kwange ku malicaba. ⁹ Apa Jakobo,Kefasi na Joani, ana shimbiwa ngao misumo,na lemuha e sishemo noni piwa,keo amonisa ku kukwatisa netu mukukutaza kwa Barnabasi name.Keo aitana ngao otwe tuze ku malicaba keo awo aze kwa no kuza ku mukande. ¹⁰ Mwa na tulomba ambu ngao tu anuke a hutwi,esi no sikala ngao tu anuke a hutwi,esi no sikala yonene ku mucima wange. ¹¹ Kono apa Kefasi na wiya ku Antiyoke,mono nimu kaena hamba akuyubela kakuli mwana nyazahala. ¹² Alume amweya ashiulwa kutinda kwa Jakobo, Cephasi mwana lyanga na malicaba. Kono a alume apa nakeya,keo okutomaena naku kukambisa kulya na malicaba. Mwa neyapa ako kutundamena o mukande. ¹³ Mane ama Juda oshe na ngwela mou mukwa no muipo. Shiwanga Barnabasi nsye mwana lyanganisiwa. ¹⁴ Kono apa noni mona ngao omukwa wo ko wendelela na niti zo evangeli,Keo niambela Kefasi pa kaci koo oshe, ''Haiba ndi o Mujuda kono wa yoya weti eni o mulichaba ka weti Mujuda kao,Keo wa tundamena inu mwike a malichaba kuyoya weti eni Majuda?'' ¹⁵ Otwe twa Majuda noñene mu kwelekiwa ka twa Majuda malicaba aezalibi kao, ¹⁶ mane twa limuka ngea ngao njeko munu oyu twesa ku Luka na misebezi no mulao konji ku kwata tumelo kwa Kelesite Jesu. No twi tana kame ku kelesite Jesu ngao tu twese ku luka na tumelo ku kelesite isiñi ku misebezi no mulao njeko munu oyu mbo twesa ku luka. ¹⁷ Cwale haiba,twaza na ku saela ngao tu kenisiwe mu lizina lya Kelesite,natwe mo no tuwanisiwa ngao ngao twa ai,kana Kelesite musebelezi wa ui? Kangeyo kao! ¹⁸ Kakuli kumona ni hukela kuamba iye inu no ni petha-petha,keo na monisa ngea ngao hina colo omulao. ¹⁹ Kuneku no mulao nonifa ku mulao,ngao ni yoyele Mulimu. ²⁰ Hina ngongoteliwa na Kelesite.Kome kame ni yoya kao,kono Kelesite yo yoya kwange.O upilo ou niyoya mulutu na yoya na tumelo ku mwana Mulimu, oyu na ni wapela na kuku nehela me. ²¹ Kani paka ku mbali esishemo sa Mulimu kao,kakuli haiba kuluka kwa twesa kuwaniwa mu mulao,kona kuli kanti Jesu njeko eyi na fela!