¹ Kwali omulume omweya noithaniwa Ananiasi, na mbiyama wae Safira, naulitha thilwa, ² na ku kubulekala kalulo no mali ( mbiyama wae no ilimuka ), nakuleta kalulo na kuthipaka ku makondo amwa positola. ³ Kono Pitolosi noamba, '' Ananiasi, ikee satani apa naingene mumu chima oye na kuonga ku Mepo Thikenu na ku kubulukela kalulo no mali no thilwa? ⁴ Shiwapa no thikana kulithiwa, no thishemwa kuikala thoe, Shimwa tho thina ulithiwa, no thi shemwa kuikala mu mata oye? ani oyo no paka ou muthebenthi mu mu chima oye? Ona emwa kuonga anu,kono Mulimu.'' ⁵ Pa kuyuba aa mai, Ananiasi ongwela pashi na kupofaela ko ma maneeno, u mowa uingena oshe anai yuba. ⁶ Andumbana ai mana kumu bunga bunga na ku mushimba kukamubumbeka. ⁷ Mokunapiti maola maatu, mbiyama wae oingena, nje kuli muka eiina tendaala. ⁸ Pitolosi o mwa mbela, ''O ni tonweele ndi mono ulitha pateko enthi othilwa, O mukathi oa laba, ''eni, pentho teko.'' ⁹ Keo Pitolosi o mwambela, ''Ike apa muna kuyubu kutheka o Mepo Thikenu tha Mulena? Otopele, o makondo no a lume aa anakabumbeka mu kwanthi woye a apa pathelo, nawe mwaku twala.'' ¹⁰ Apo bene omukathi ongwela ku makondo no ae na kupofaela koma maneeno. A ndumbaana apa ingena, a muwana yona fu, keo amu panithetha panthe na ku ka mubumbeka kunyonga ntha mu kwamuthi wae. ¹¹ Umowa ukulu nou wiya pa keleke thoshe napa aanu oshe nai yuba eeinu. ¹² Ithupo ingi na inu ya ku komokisa ingi noitendaala mukachi no anu ku tunda mu ma kaa no apositola. Mwa naikala mu thibaka tha Solomoni tho kumu kunda. ¹³ Kono njeko wa ku mbali no kwata uñamwa kukuwana noo; shuwa ngeyo, a anu nakutekeka onene. ¹⁴ Shuwa ngeo ano kuitana naekethiwa kwa Mulena, angi angi alume na a kathi, ¹⁵ mane a no ku kola na shimbiwa mumi kwakwa pa mimbeta napa misheme, ngao Pitolosi apa pita pepi, o muthi mbithi waye mwendi muu ngweela paa mweya. ¹⁶ No ku wiya anu angi kame kutunda mu ma tolopo a na thinguluka Jelusalema, kuleta akuli naa na katathiwa ku mepo tho mathilo, oshe nayoithiwa. ¹⁷ Kono o mu pulisita mukulu noimana naa oshe naikala nae( o thikwata no ma Saduki); na yuba muna ¹⁸ na manga a positola, na kwa yoyola kwa paka mutu tolongo noanu angi. ¹⁹ Kono ou thiku eliñeloi lya Mulena lishokoola o thikwalo no tolongo na ku a tundithamo,lyaamba,'' ²⁰ Muthe, muka imane mutempele nakuamba kwa anu o mai oshe no upilo ou.'' ²¹ Apa nayuba eyi, a ingena mu tempele lithina na ku luta. Keo omu pulisita mukulu o wiya, naa naikala nae, na ku tenda mu kopano pamweya oshe a kulu no itulo mui Isilaele, na ku tuma ku tolongo ku ka leta a positola. ²² Kono a eteleli a natha kutolongo na shemwa kukaa wanamo, nauka ku kapa omo naka waena. ²³ ''Tuna kawana otolongo thina shokiwa thiwana naa alibelile a na imana pa thelo,kono apa tukathishokolola,twawana njemo munu mukachi!'' ²⁴ Apo o mwendithi no tempele no mapulisita a kulu na yuba o mai, na ku komokela ana aana nei tamba kutendaala. ²⁵ Keo o mweya owiya kwa tonweela, ''Aa alume no mupaka mu tolongo ane mana mu tempele ku funditha anu.'' ²⁶ Keo o mwendithi ontha na eteleli, ku kautha, noku mbula mifili fili, ba keñitha kuiyapa ngao mwa a mobaula na mawe. ²⁷ Apa nakumitha, mwanaatwala pa kuta. O mukulu no ma pulisita keo waipaula, ²⁸ ngao, ''mo no tumi kanitha na kumi ambela ka muna funditha mweli lithina, keo omwe munaletele Jerusalema kuitana a matuto enu na kuthaela kutu paka ounyinga woyo mulume a petu.'' ²⁹ Kono Pitolosi na apositola aa alaba,''Twaswanela ku yubela Mulimu ka munu kao. ³⁰ Mulimu wa iwetu noingula Jesu, Oyu no muipaa kumungongotela pa thitondo. ³¹ Mulimu o mukulitha kulikaa lya e lyo thilyo kuikala Mwana Mulena wa Mulume na Muyoithi, na kupa isilaele kubaka,naku swalela eibi. ³² O twe twa paki mwei inu, na Mepo Thikenu na tho,etho Mulimu napa kwao amuyubela.'' ³³ O thikwata no katengo no kuta apa na yuba ei , nalwana na ku thaela kui paa a positola. ³⁴ Kono omu falisi noithaniwa Gamaliele, O muluti no mulao oyu no kutekiwa ku anu oshe, O imana mukuta na kupa taelo tha ku atwala panthe pa ka nako ana. ³⁵ Keo aamba oko, ''Alume a Isilaele, muto komele kuinu muinga kutenda kwaa anu. ³⁶ Kunyima no aaa maiwa, Teudasi no kupapata ngao munu mukulu,no kuinga kukwana mianda thine, a ku wana nae. No ipwaiwa,kono oshe a anumu koñela na shandauka na pwa. ³⁷ Apa nokutunda oyu mulume, Judasi wo mu Galilea no ikala mu nako no kubala na kushimba anu kumukoñela. Nae no fa, naa oshe na muyubela na shandauka. ³⁸ Pano namiambela, Muteneke aa alume aikale ofoti, aibandi omunaano na mu thebethi ya anu, mo uipwa. ³⁹ Kono endi wa Mulimu, mushemwa kutwetha kwa tenekitha; mane momukuwana omulwitha Mulimu,'' Keo na thuthu wethiwa. ⁴⁰ Keo ai thanena a positola mukachu na ku a fula na ku a kanitha ku amba muli thina lya Jesu, na nakuateneka akuthela. ⁴¹ Na atha ku tunda mu kuta ana tabele ngao kwa aswanela ku nyandela kukana kuku tekiwa bakeñitha lithina. ⁴² Kutunda apo muliwa na liwa mu tempele na manthiwo na manthiwo, natwaleela kutha kuluta na ku kutatha mai mawa anhao Jesu oye Kilesite.