¹ Hapano tulethiwa thiwana,Keo tuyuba ngao hwtho yholi thaithaniwa Meleta. ² Haminyo litunga katuhamwelile hambukao, kono natumbula mulili nakuta ha mwele toshe muliba nomvula nokwatehela kuloka hasihenge. ³ Keo Paulusi otha kukachiya lyanda thaikunyi ikukutu nakuiyumbela mumulilo, bakeñisa oku enyana keo kutunda mili mu mulilo naku kuku thingathingela kulikaha lyae. ⁴ Aminya litunga apa namona eliyoka linyethaela kulikaha lyae,keo akuambaulisa, ''Shemwa oyu mulume lipondo ponyiko napanduka muliwate, Ekatulo nokuluka kathi mulumele tha ngao ayoye.'' ⁵ Kono keo onyungumunena eliyoka mu mulilo mi neli hemwa kumutenda unyangunyu. ⁶ Anu mwana tatela ngao mwathimba kapa kungwela mabu pashi na kufa. Kono hapa namutopeela panako thile naku mona ngao njeko eiitendahala okwaye,keo aiipula eminahano thoo na kuamba ngao neli mulimu. ⁷ Pepi nomo naikala mono kuikala mi vuu thamukulu oo sooli sa mulume olithina lya Paulusi. Naye notuhamwela thiwana nakutupaka muthioo thae maiwa mahatu. ⁸ Nekutendahala ngao Publusi mwana tumbeka olutu naku sulula unyinga. Paulusi apa natha okwae,keo olapela nakumupaka omakaha,na kumu yoyitha. ⁹ Mumanyima neikutendahala,anu oshe naikala omo musooli nakola keo awiya nakuayoitha. ¹⁰ Keo atukuteka nalikute likulu onene.Otukutukithetha kufuhula,keo atupa einotusaela. ¹¹ Makwethi maatu apa napwa mono twenda muthithepe enako nobumbi mu sooli,esi sepe tha Alexandria,na milimu nothovu, thili kulituthi. ¹² Apa notufuhula keo tuka kuma mumuleneñi wa Sirakutha netuka othamo maiwa maatu. ¹³ Apa notufuhula keo tuka kuma mumuleneñi wa Regio. Mumanyima noliwa limweya eemepo nombwela keo thifuka,Mumaiwa meeli keo tukafweka mu muleneñi wa Puteoli. ¹⁴ Omo notu kawana alumeli keo atulomba ngao tuothe noo maiwa mutaanu na meeli. Mwethi thila keo tuwiya ku Roma. ¹⁵ Kutunda apo alumeli,apa namana kuyuba eyetuu,keo awiya kuku wana netu pamuthika uithaniwa Appiusi napamanweno nowala mahatu.Paulusi apana wana alumeli keo olumba Mulimu naku kwata undume. ¹⁶ Apa netuingena mu Roma,Paulusi keo amuitanena kuiikala yofoti ma musole nomumamela. ¹⁷ Apa nekupita mahiwa maatu Paulusi keo oithana akulu nomajuda. Apa nakuwana pamweya,keo wambela,''Mwapange,shiwango kana shitenda thinu thakulwitha oo machaba kapa thitho tha kanyakuletu.Nenitwaliwa wendi lipanditi mu Jerusalema mumakaa no Maroma. ¹⁸ Apa namana kumuipaula,keo hainga kuni lukulula,kakuli nahemwa kuniwana namulandu ooouuswanela lifu. ¹⁹ Kono Majuda apa nakana,keo nikakubiya kwa Caesar, hithiñi ngao mwendi ni kwate iambo yakumangitha apange. ²⁰ Pelilibaka,lyonyiko nimiithaena ngao ni mimone na kuambanenu,bakeñitha ee sepo thaana a Isilaele nina mangiwa elii liwenge. ²¹ Keo a muambela, ''kwatwa shiamuhela mañolo atunda ku Judea aa amba yoyambo yoye, nakwapoye njeko oyu nowiya kuamba thiambo thinyangunyu kuamana noye. ²² Kono twasaela kuyuba okoye omuhupulo oye,kakuli twalimuka ngao ethi tuto tho ukwenuheli thalwitha koahe koshe. ²³ Apa namukela eliwa,keo kuwiya angi muthio thaye.Keo opititha ethi ambo okoo,na kupa upaki oo mubutho wa Mulimu. Keo olika kwaseswetha ya Jesu, Naya mulao wa Mushe nou wa polofita,kutunda oma sikusiku kutwala oo mangolangola. ²⁴ Amweya mwaneitana mweyo yambo neiambiwa,kono kono amweya nehimwa kuitana. ²⁵ Apa nakwaanga kukuyuba,keo afunduka munyima tha Paulusi kuamba eliii; ''Omepo Thikenu nethiamba thiwana kwa mupolofita Isaya kwaka nyakulyenu. ²⁶ Keo oamba, 'Othe kwaanu nakukaamba ngao,''Kuyuba momuyuba kono muyemwa kuyubithitha;na kumona momumona kono muyemwa kumonithitha. ²⁷ Kakuli emichima thaa anuu thina piluka utimbi,ha matwi oo njekuyuba,ana thimi nameo ooo. Kono atwetha kumona nameo oo,nakuyubaa namatwi oo, na michima thoo kuyubithitha na kupiluka, keo natwetha kwa yoyisa.'' ²⁸ Keo,mulimuke ngao ee puluso tha Mulimu,thina tumiwa mulitunga,kame mwatethetha. ²⁹ Apa namana kuamba eiyambo amajuda keo atha.Mwana kwata likañi mukachi koo. ³⁰ Paulusi mwana ikala ilimo iili muthio thokuikela,kame mwana amuhelanga oshe aa naa wiyanga okwae. ³¹ Mwana kuwela yo mubuso wa Mulimu na kuluta ya Mulena Jesu Kelesite naundume nombula ku kwangithiwa.