¹ Agripa keo no ambela Paulusi, ''Wa twetha kwa amba,''Keo Paulusi ondoola elikaa lyaye na ukulamulela. ² ''Na ku shimba no fochi ngao ina wapele, Mulena Agripa, esiambo thange pelo ngao o thi yube yoshe eu anani agethe a Majuda, ³ Kakuli owe wa limuka a mapizo na sizo sa Majuda. Cwale na ku lomba ngao otethethe thiwana. ⁴ Ya thikuma,Majuda oshe a limuka omu no ni yoyela mu litunga lyange na mu Jerusalema ku tunda ku waikana. ⁵ Ani limuka ku tatekela ku makalisetho,Endi etana, ngao mono ni yoya wendi Mufalisi, e kalulo no ku tiya onene mutumelo thetu. ⁶ Ne meena pano ngao ni atuliwe mu libaka lya sepo thange ethi na sepisa Mulimu kwa shemi etu. ⁷ Ethi sepiso tho nyiko thi na tateliwa ku mishobo thetu likumi na thili tho thi lapela Mulimu na ku sepahala usiku na muinonga. Elyo libaka, mulena, a Majuda yo nyiko ani thekisetha. ⁸ Inu mwike omwe mu na kana kwitana ngao Mulimu mwa yoyisa a no kufa? ⁹ Ya thikuma, ome na swanela ku tenda inu ingi ya ku lwitha e lithina lya Jesu wa ku Nazareta. ¹⁰ No ni tenda eyo mu Jerusalema. No ni paka anu a Mulimu angi mutolongo na maata no ni wana ku tunda ku maprista a kulu, kame apa ne paiwa name no ni itana. ¹¹ Mononi kolobisanga angi mu masinagoge na ku pithameketha ngao a nyefule Mulimu. No ni tundamena kwa nyanditha mu munthi mu matunga ao. ¹² Apa no ni tenda eii, Keo nitha ku Damasika na maata no ku tunda ku maprista akulu; ¹³ Kame munthila, pakachi no muinonga,mulena,no ni mona litwaa likenu lya ku tunda ku wilu ku pita eli seli no liiwa, mono li thunguluka naalume noni enda noo. ¹⁴ Apa no tu ngwela pashi twoshe,elii lyamba nange mu mushobo no siheberu; Saule wani nyandithetha ike? Thi kalungao o lae ku muondo. ¹⁵ Keo niamba ngao, ''Owe ani Mulena?'' Mulena keo oalaba. ''Ome no Jesu oyu nyanditha.'' ¹⁶ Oimane,kakuli bakeñisa elyo libaka,no ni monahala okwoye, ku ku keta opiluke mupika na ku paka ino yaambo olimuka e yange pelo nei mbo ni kumonisa kuso. ¹⁷ Kame mo ni ku tusa kwa aanu na kwa ichaba oko ni ku tuma, ¹⁸ oka fekule meo oo kwa tunditha mu lififi na mu mubuso wa satani, na kwa twala kwa Mulimum keo a wane kwa Mulimu swalelo tha sili ba ku yola o fumu pamweya naa no kukena na kwi tana okwange. ¹⁹ Cwale,Mulena Agripa,keo no ni emwa ku shwaula e pono no ku wilu; ²⁰ kono,kwao ali mu Damasica weli, na mu Jerusalema,na mulitunga lya Judea,na kwa Ichaba,no ni apa eliñusa ngao a bake na ku pilukela kwa Mulim,kutenda e swanelo no ku baka. ²¹ Pelyo libaka a Majuda na ni manga mu tempele na lika ngao ani pae. ²² Cwale ina amuele tuso tha ku pana kwa Mulimu ku leta na liwa lya pelo,ne eman aku pa upaki kwa anikan ana akulu kweyo na amba ama polofita na Mushe eyimbo itendahala- ²³ ngao Kelesite mwa nyandisiwa,na ku ikala yo utangi ku yoya ku lifu na ku ambaule eyi no liseli kwa apetu na ku ichaba,'' ²⁴ Paulusi apa namana uku lamwena, Festas keo wamba na lii lya ku taluka,''Paulusi,wa thaluka; etuto thoe tha ku lyanganisa.'' ²⁵ Kono Paulusi keo waamba,''koni thaluka kao, mutompehi Festusi, kono na amba ya thikuma na katulo tha ku yubahala. ²⁶ Kakuli mulena alimuka eyi inu yoshe; keo naamba na ku tiisa okwaye,kakuli njeko ei ni swanela ku muolekela; kakuli koya tendahalile ku mukunda kao. ²⁷ We tema a polofita,Mulena Agripa? na limuka ngao we tena.'' ²⁸ Agripa keo wa mbela Paulusi,''Mu nako thinyonyo wa twetha ku ni pilula Mukelesite ndi? ²⁹ Keo Paulusi oamba ngao,''Na lapela kwa Mulimu,ngao thi piluke nako thinyonyo kepa thile,kowe ofochi kao,naa ani tethetha oshe pelo, aku feke nange, kono nje mawenge ku makaa.'' ³⁰ Keo Mulena oimana,na mubusisi,na Bernise,nao ne kala noo; ³¹ Apa na tunda mukuta,keo aku ambaulitha na ku amba ngao, Uyu munu ka kwite mulandu wa ku ipaiwa kao kapa ku mangiwa.'' ³² Agripa keo oambela Festas,''Oyu munu nga tuna mulukulula kakuli aku lombela ngao athe kwa Sizare.''