¹ Keo Paulusi otopela mu meo noakulu no kuta na kwamba, ''Akwetu, Ina yoyo kwa Mulimu na mikaelo thiwa kupitela pelo.'' ² Keo omuprista mukulu Ananias oambela aana imana okwaye ngao a mufule pa mulomo. ³ Keo Paulusi o mwambela, ''Mulimu mwa kufula,owa olimota kukusha ukenu. kanti watomana apo kuni atula na mulao,kono wambela ngao ani fule nje na kukoñela mulao ?'' ⁴ Aa naimana ku nyonga thaye amba, ''Monyi ko o tukaena o Muprista wa Mulimu. ⁵ keo Paulusi wamba, ''kona hilimuka kao Akwetu, ngao muprista mukulu. Kakuli ku na ñoliwa, kokuna ambiwa inyangunyu kwa abusi no anu.'' ⁶ Apo Paulusi na mona ngao omweya mukuta a Saddusees kame a kwaoo Mapharisees, keo oamba nakutiisa mukuta, Akwetu, no Mupharisees, no mwana mulume wa Mupharisee. Kakuli naitana muthuwo tho afu ethi munialutise.'' ⁷ Apa na iaamba eei, keo kwinguka likañi mukaci ko Mapharisee na ma Sadducee, keo anu angi akutapa. ⁸ Ama Sadducee amba ngao njeko thuwo tha afu, njeko mangeloi, njeko myoya, kono Mapharisee aitana oyoshe. Keo kuwiya muyoyo ungi. ⁹ Keo a ñoli amweya ali ku Mapharisee emaena mu wilu na kukanana, ngao,njeko mulandu tunawana koyu mulume. Ngepi mwendi omoyo kapa lingeloi linamwambele?'' ¹⁰ Apa no kwiya likañi linene, O Musoca mukulu oiyapa ngao mwendi mwa mbataula Paulusi tu minthi minthi ao. Keo oambela ama soca kutha pashi ngao a kamu shimbe na ndundata kumutunditha kwaa no kuta, na ku muleta manthuwa tha kutiya. ¹¹ Keo ousiku utatama o Mulena oimana kumbali thaye na ku mwambela, ''Otiye, amuna ni maene ku Jerusalema,moka ni maena kame ku Roma.'' ¹² Apa no lisila, a Majuda atenda mulelo wa kwi paa anu nje nakulimuka na kwaethe, ngao ahimwa kulya kapa kunwa silya kenti apa a mana kwipaa Paulusi. ¹³ Mwana piteela makumi mane a lume na tenda ou mulelo. ¹⁴ Keo atha kumukulu no Maprisita na kulu kukalomba ngao, ''Tunakwethe na kukuthile ka kulya silya kenti otumana kwi paa Pauluse. ¹⁵ Keo, apo, muteneke akulu nokuta amulombe ku mukulu no masoca ku muleta okoo endi mwa wiya kwambaula eyambo yaye siwana. Keo otwe, tuna kutukisa ku mwipaa kale nje awiye kuno.'' ¹⁶ Kono omwana mantha Paulusi no mulume oyuba ngao ana mutatele na kumu kundamena, keo aingena mumukunda na kuka ambela Paulusi. ¹⁷ Keo Paulusi oisana musoca omweya na mwembala ngao, ''Oshimbe oyu mulumyana otwale ku mukulu no masoca, kakuli okwite yakuñusa okwaye.'' ¹⁸ Keo musoca oshimba oyu mulumyana na kumutwala ku mukulu no masoca na kukamwambela, ''Paulusi o mupanditi mwa na nisana, na ku lomba kuleta oyu mulumyana okoye. Okwite yakwamba okoye. ¹⁹ Keo omukulu no masoca okwata pa likaha na kumutwala ku mukunda na kuka mwipula; ngao eyi iinga kuñusa okwange ike?'' ²⁰ Keo o mulumyana o mwambela ngao, a Majuda anakwitana ku ku lomba kuleta Paulusi peuntha ku kuta, endi ahinga kuambaula eyambo yae siwana. ²¹ Kono konaitana Kakuli a pitela makumi mane a lume ana mutateela. Ana kweethe kukana kulya na kunwa kenti apa mwi paa. Pelo ona kutukisa,atatela ambu o koye.'' ²² Keo omukulu no masoca oteneka o mulumyana otha, kuno ana mukanisa, kukatonwela anu ngao ana ñusu eiinu o kwange.'' ²³ Keo oisaena masoca aili na kuambela ngao, ''Mushimbe masoca myaanda mbiili akutukise kutha kukakuma Caesarea. Mushimbe naa no kuthina pa ambii makumi mutanu na meeli, kame na myaanda mbiili tha no maonga. Mu fundake ohola tho waatu oo usiku. ²⁴ Keo aalaela kulukisa ei yamana apa mbathina Paulusi amu twale siwana kwa Felix o mubusisi. ²⁵ Keo a ñola liñolo ngeya; ²⁶ Claudius Lysias ku Mubusisi no ku tha ngama enene Felix, twa mi lumelisa. ²⁷ Oyu mulume mwana mangiwa ku Majuda mi na iinga ku mwipaa apa no ni kawana na masoca keo nimuyoyisa, apa no ni limuka ngao mu Roma. ²⁸ Mono singa kulimuka ei namunyasa,keo ni mushimbula kukuta. ²⁹ Keo ni kututa ngao mwana munyasa pa maputho kukwelela na milao thoo, kono no kuhima ku kwata kanyaso tha ku leta ngao amwi pae kapa a mupake mutolongo. ³⁰ Mono ni wana liñusa lya kusinga ku mwi paa oyo mulume, apobene keo ni mutumena okoye na kwa mbela aa na mamunyasa ngao a lete eiana mutongauka poso thoye oyoye siwana.'' ³¹ Keo a masoca akoñela etaelo thoo. Keo ashimba Paulusi na kumuleta ousiku ku Antipatris. ³² Aliwa litatama,ongi no masoca amusiya naa noku thina a mbii kutha naye ao kewo ambii na kakuma mumikunda. ³³ Apa aa no kuthina ambii na kakuma kwa Caesarea keo apitisa a liñolo ku Mubusisi, Keo pitisa Paulusi o kwae. ³⁴ Apa na mana kubala eliñolo Omumubusisi, Keo mwi pula e muleneñi Paulusi apana. apa na limuka ngao a pana ku Cilia, ³⁵ Keo o mwambela, ''Muniku yuba siwana apa a kuthekisa a wiya.'' Keo wambela ngao a pake munthuwo tha Heroda.