¹ Apa no tumana ku athiya naku tafaula, monetu liba aambu ku muleneñi wa Cos, e liwa no litatamako ko mo notutha ku muleneñi wa Rhodes, kutunda oko keo tu tha ku muleneñi wa Patara. ² Apa no tuwana sisepe sikulu tho thi upuka kutha ku Phoenicia,mono tu kaingena mo naku fuula. ³ Tumana kumona Cyprus,ku muyumbela ku thimowe no thithepe thikuli. Mono tu buwa kutha ku Syria nakukakuma ku Tire,oko thithepe nothi kalongola itele. ⁴ Apa no tumana kuwana aalutiwa,mono tuikala maiwa mutaanu na maiwa meeli. Mu Mupo na eketha kulomba Paulusi ngao kana tha ku Jerusalema. ⁶ Omaiwa etu apa naapwa,no tufunduka na kuzwelapili mu mweendo wetu,keo oshe na ambiama oo na anoo,mwana tu thindeketha kutunda mumuleneni. Keo tutongwama toshe pa likamba,na tulapela, ⁵ na kukulaetha. Keo tulongana mu thithepe thi kulu, ao mwana uka kumuthi. ⁷ Apa notumanitha mweendo no thithepe kutunda ku Tire, tukuma ku Ptolemais. Oko mono tuka lumelitha akwetu na kuka ikala noo pa liiwa limweya. ⁸ Kacana mathiku keo tufunduka nakutha ku Caesarea. Monotu kaingena mu nthuwo tha Mafilipi, o muluti, omweya wa mutaanu na aili, mono tu ikala naye. ⁹ Keo oyu mulume mwana kwata anaye ane aa lanjo ana polofita. ¹⁰ Apa no tuikalako maiwa,keo kukeya mupolofita omweya no ithaniwa Agabus. ¹¹ Mwana wiya okwetu nakushimba lukanda lwa Pitolosi. Keo akumanga kuoukumanga ku makondo naku makaha nakuamba ngao, ''Ethithonyiko thina ambiwa ku mepo thiwa, omu mo nyiko Majuda no mu Jerusalema mbamangela mulume ominyo oyu minya lukanda.'' ¹² Apo no tuyuba eyi yinu, otwe na anu na tunga tunyepa Pitolosi ngao kana tha ku Jerusalema. ¹³ Pitolosi keo oalaba, ''mwatenda yike, kulilana na kucolaula muchima waange? kakuli ina kutukitha, kaku ni manga ambu kao, kono nakukafela mu Jerusalema kufela lithina lya Jesu.'' ¹⁴ Pomona Paulusi noyi mwa ku thuthuethiwa, mono tumwena na ku amba, ''Kutendahale tato tha Mulena.'' ¹⁵ Munyima no maiwa,tushimba mikotana thetu na kutha ku Jerusalema. ¹⁶ Keo tutha na apositola amweya kutunda ku Caesarea. Mwana wiya mulume wa lithina lya Mnason, omulume no tunda ku Cyprus, o mulutiwa no pili. Oyu mbotu i kuikalanga naye. ¹⁷ A panatu kuma mu Jerusalema, akwetu mwanatu amuhela siwana ana wapela anene. ¹⁸ Kaca namathiku Paulusi otha netu kwa Jakobo,kame akulu oshe mwana ikala ko. ¹⁹ Apa no mana kualumelitha mwana tonoola thimweya na thimweya eyinu yoshe Mulimu na tenda ku malichaba kutha mu muthebethi waye. ²⁰ Amana kuyuba eyo, mwana lumbangetha Mulimu,kame mwana muambela, ''Ona mono, mukwange, alule angachi an aitana mukachi ka Majuda. Oshe mwana imana ku buluka mulao. ²¹ Ana ambeliwa yoye, ngao walutanga ama Juda oshe aikalanga na malichaba ngao ateneke ya Mushe, Kame wa ambelanga ngao kaana twalanga anoo ku mukanda kame ngao kana koñela thitho. ²² Motutenda ngepi? Mwa yuba hemwa ngao ona wiyi. ²³ Otende eyi tukuambela, Twakata alume ane a nyatele aanu ku taama. ²⁴ Oshimbe aa alume okaku kenithe noo, na kukaika omathinyehelo ooo, ngao aka lende mitwi thoo, Keo munu na munu mwa limuka nga eyi naa mbeliwa e yoye neli ya ma luthi. Mwakututa ngao wa yoya kulatelela na ku mamela mulao. ²⁵ Kono kutha ku malichaba aa anaitana tuna ñolo emihupulo thetu a aswanela kuteneka inu ya matabelo a maswanitho, mu unyinga, nainu no kwa mwaala unyinga na uhule.'' ²⁶ Keo Pitolosi oshimba ao alume, eliwa litatama ko keo akaku kenitha pamweya noo, Keo atha mu tempele,kuka lemutha a maiwa aku kenitha apa akwana na manubu apa swanela kupitithiwa pamunu na munu. ²⁷ Omaiwa mutaanu na meeli atha mukupwa, amweya ama Juda na tunda ku Asia, amona Paulusi mutempele, na ithana anu oshe na ku mukwata. ²⁸ Mwana kuweela, ''Alume a maisilaele, mutututhe, Oyu yonyiko mulume oyu lutanga alume oshe einu yoku lwitha anu koshe koshe, Mulao nathino thibaka; kutunda apo onalete ma Gelike mutempele naku thinya thinya ethibaka thikenu. ²⁹ Kakuli na amona Trophimus omu efese naye mumu leneñi,mwana kengela ngao Paulusi no muleta mu Tempele. ³⁰ Muleneñi oshe mono u nyungana enene, na anu oshe mwana muitukela naku kamumanga Paulusi, Nakukomokela pathi tha tempele, omapito muwangu wangu na shokiwa. ³¹ Mukuthaela ngano amuipae, olinutha li kama ku mukulu no tupitaho wa malonda a Jerusalema ngao aikala muthiyongili. ³² Apobene keo oshimba masole na akulu oo naku itukela kulimbuta. Anu apana mona okapitao mukulu na masole keo nateneka ku pumaula Paulusi. ³³ Keo okapitao mukulu apana shenyeena keo okwata paulusi na ku mulaela ngao a mangiwe mawenge meeli. Keo oye pula ngao oye ani neyi anatende. ³⁴ Anu amweya mu limbuta nakuweela thinu thimweya akwoo kame thatho. Bakeñisa ngao kapitao nashimwa ku kwata niti mulibaka lya miyoyo,keo o laela ngao Paulusi aletiwe mutolongo. ³⁵ Apa kuma pa mazineno, mwana shimbiwa ku masole mubaka lya mufilifili tha limbuta. ³⁶ Keo olimbuta lyaanu no lia akoñela na kukuweela, ''Mutunde okwae.'' ³⁷ Paulusi apa naikala oeoi na kuingena mu tolongo,keo oamba ku mukulu no masole, ''Waniitanitha kwamba thinu okoye.'' Kapitao mwana amba, ''Waamba Sigerike? ³⁸ Ko mu Egepita kao oyo pamweya okwenuhelanga na kueteela olulelune lwa alume no ibulayi?'' ³⁹ Paulusi keo oamba, ''Nomujuda,kutunda mumuleneni wa Tarsus mu Cilia. Monatunda mumuleneni nombula tutho. Na ku lomba, oni lumeleze kuamba kwaanu.'' ⁴⁰ Oyo kapitao apana mana kumupa thibaka,Paulusi mwana imana pa mathineno na kuamba na makaha kuanu. Apano kumwena kuluu, mwana amba okwoo mumushobo no Sihebelu,ngao,