¹ Apane kupwa eyo Paulusi keo otunda mu Atens nakutha mu Korinte. ² Oko mwana kakuwana na Mjuda olithina lya Aguila,oyo no helekiwa mu Pontus noyu notunda ku Itali na mbiyama wae olithina lya Priscilla,kakuli Claudius mwana laela a ma Juda oshe ngao atunde mu Roma. Keo Paulusi otha okoo. ³ Kakuli mwana sebetha musebethi umweya noo, mwana tomana naku sebetha noo, O musebethi no neliwaku panga maseili. ⁴ Elino Sabata Paulusi mwana ambaa iambo mumasinagouge, kulika kuwaneka pamweya Majuda na Magerike. ⁵ Keo apa nawiya Silasi na Timotea ku Macedonia, Paulusi notukufalela kuluta elii, kuno yopa oupaki kwa Majuda ngao Jesu yenyio Kreste. ⁶ Kono a Majuda apa na munyefula naku mutukana,keo Paulusi onyungumuna eei apalo yaye hokoo naku aambela ngao, ''Ounyinga wenu uikale pamitwithenu; Ome koni kwite mulandu. Kutunda pano ome natha Kualichaba.'' ⁷ Apa natunda apo keo otha muthiho tha Titus Justus, no mulume noiyapa Mulimu. Ethio thae monethiikala kunyonga na synahoge. ⁸ Krispo, o mukulu nomu sinagoge,mwaneitana ku mulena, pamweya naa nothio tha ee oungi noa Korinte mwana yubithitha na kukolobethiwa. ⁹ Mulena keo wamba kwa Paulusi mupono outhiku, ''Kona iyapa,kono oambe kona mwena ambuu. ¹⁰ Kakuli naikala noye,njeko oyu mbolika kukutenda unyangunyu kakuli nakwata anuu angi oomu mumuthi. ¹¹ Paulusi keo oikala omo mumuthi silimo na makwethi mutanu nathi mweya,kuluta elii lya Mulimu mukachi koo. ¹² Kono Gallio apa naikala omubusisi noAchaia,o Majuda keo akuyuba nakupilukela Paulusi nskumuleta pathi pula tho katulo. ¹³ Keo ambaa ngao, oyu munu asundula anu ngao alapele Mulimu noku lwisa oo mulao. ¹⁴ Paulusi yosahela ngao aambe,Gallio keo wambela Majuda, ''Omwe Majuda, nga kwathekithiwa ufosi unyangunyu kapa mulandu walunya, nga monimi teethetha. ¹⁵ Kono kakuli mwaipula yo mai namathina neiyo mulao wenu, eyo mukumoene mofoti. Konithaela kupiluka muhatuli weeii yambo kao.'' ¹⁶ Gallio keo wachitha mukuta. ¹⁷ Keo oshe akwata Sosthene, omwendisi no sinagoge,nakumu fulela potho no kuta. Kono Gallio noyemwa kuitwaela ngana. ¹⁸ Paulusi,mumanyima nokuikala maiwa mangi omo,keo osiya akwae nakuhupukela mu Syria na Prisila na Aquila. Nakusila kale njee, Senkerya,keo olendiwa ouki thae bakenitha ouitamo natenda. ¹⁹ Apa naka fweka mu Efethe,Paulusi keo othiya Prcila na Aguila omo,kono oye mwana tha mumasinagoge na kukaambaula na Majuda. ²⁰ Apa nalomba Paulusi ngao atomanenoo nako thile,nokana. ²¹ Keo walaetha,ngao,''Mboni mihukela kame haiba Mulimu mbo wapela.'' Keo ofuula kutunda Muefethe. ²² Paulusi apa naka fuweka mu Caesarea,keo otha nakulumelisa ekeleke tha Jerusalema na kutha ku Antioke. ²³ Paulusi apana kuotha maiwa mu Antioke,keo ofunduka nakutha mulitunda lya Galatia na Frigia nakuka thisetha alutiwa oshe. ²⁴ Keo Mujuda omweya oithananiwa Apollos, oyuno elekelwa mu Alexandria,keo owiya Muefese. Oyo mulume mwana ambaula ngasiwana kutalifela amanolo thiwana. ²⁵ Apollo mwana lutiwa nothila tha Mulena. Kakuli mwana tundamena mumepo thae, mwa namba nakuluta homai a Jesu natokomela, kono mwana limuka ambu okolobetho tha Joani. ²⁶ Apollo keo otateka kwamba mumasinagoge na undume. yena kuiyapa. Kono Prsilla na Aquila namuyuba,keo amuithaena kunyonga na kumuambela othila tha Mulimu kupita omuna thilimukela. ²⁷ Ee nako nathaela kutha ku Achala,alumeli mwana mususutetha kuñolela alutiwa noku Achaia ngao a muamuamwele. Apa naka kuma nokatutha enene anaitana musishemo tho Mulimu. ²⁸ Apollo mumaata makulu no alula Majuda pa patalatha, nakua kolwitha mumanolo ngao Jesu yenyiko Kelesite.