¹ Na wiya kwi ngena mu Iconium apa Pauluse na Barnabas nee ngena oshe mu Synagogue no Majuda na kuamba munthila no thi leta ngao e anu angi ku kuma Juda na ku Mangelike neetan. ² Kono a Majuda aa nakana kukuyuba siwana a lyanganisa a licaba ayaa atwesa kupilukela okwange. ³ Kewo aikala koo nako thile, kwamba na kutiyisa na maata a Mulena, kono yo pa upaki ou liñusa lyo sishemo saye. Ei mwa itenda na kwapa isupo nei nokukokisa no itenduwa ku makaha a Pauluse na Barnabas. ⁴ Kono anu muleneñi na kutapa; amweya mwa naimana na ma Juda, a kwoo na Maapositola. ⁵ Oshe a licaba nama Juda ( a kuwana nakulu oo) na kulika kwa nyandisa naku apwacaula na mawe. ⁶ Kono apo na limuka ou mulelo. kewo e tukela ku mileneñi tha Lycaonian no Lystra na Derbe na mikulo thi na thi nguluka. ⁷ uku na eketha ku shaela ebañili. ⁸ Ku Lystra o mulume mweya no ikala,nje maata ku maulu aye, mwa ikala siole kutundela mulibumo lya inawaye, oyu no himwa kwendapo. ⁹ Oyu mulume keo oyuba Pauluse yo amba. Pauluse keo o mutopelela enene keo omona ngao no kwata tumelo thaku yoyisiwa. ¹⁰ Keo mwambela na lii lyakutaluka, ''Oimane na maulu oye.'' keo omulume o yombokela muwilu na kwenda enda. ¹¹ Apa oungi no anu no mona ei Pauluse einatenda,keo a kuwela, ngao mushobo no Lycaonia,''a limuka kefeke nanu na kwiya pashi okwetu.'' ¹² Keo ethana Barnabasi,Zeus,na Pauluse Hermes,''kakuli yo noikala o muuthi mukulu. ¹³ O mu priesta o Zeus ,oyu tempele thaye no thikala panthi no muleneñi a leta ngombe na mapalisa pa yelo;oye no anu oungi mwa singa kuyambango tha. ¹⁴ Kono apa maapositola, Barnabas na Pauluse, naiyuba, keo a aytaulaa ei apalo yoo na kutha pakaci no ungi no anu,keo a kuwela. ¹⁵ Mwa nu,kanti ike opa mutenda ei inu? Na twe twa anu, a kukufeka nenu twa mi ambela mai mawa ngao mupiluke ku inu yo mbula tuso muthe ku Mulimu no ku yoya,oyu no tenda liwilu,atunga, na liwate nainu yoshe ilimo. ¹⁶ Mu mwaka thi napu, no itanisa a matunga oshe kwenda mumi kaelo thoo. ¹⁷ Hiwango ngeyo no himwa kutha nombula wa kumu mona, apo no tenda siwana kumipa mvula kutunda kuwilu na myaka tha kutulo, na kumbissa ami cima thenu na ilya na kuwapela.'' ¹⁸ hiwango naa maii,Pauluse na Barnabas na kana kwa yambangetha. ¹⁹ Kono a ma Juda na pana Antioch na Iconium a wiya ku ashamaetha a limbuta no anu. Keo a pwachaula Pauluse naku mukokela panthi no muleneñi, a kengela ngao onafu. ²⁰ Apa alutiwa na muthingula yoli pakachi,koo inguka na kwi ngena mu muleneñi. Oliwa litatama,koo atha ku Derbe na Barnabas. ²¹ Munyima noku asanya evañeli mu muleneñi na ku wana a lutiwa angi,keo auka ku Lystra, na Iconium na Antioch. ²² Keo na eketha kutusa e myoya no alutiwa na kwa susuetha kueketha kutumelo,ngawo,twingene mu Mubuso wa Mulimu na manyando mangi. ²³ Apa na mana kuapakela akulu mu ma keleke oshe,keo a lapela na kukuyumena yo kulya,keo aa paka kwa Mulena,okwitana koo. ²⁴ Cwale apita Pisidia na kwiya ku Pampylia. ²⁵ Apa na manisa kwa mba a lii mu Perga,keo a atha ku Attalia. ²⁶ Kutunda apo keo aupula ku Antioch,oku na paka kushemo a Mulimu ka musebethi na manisa. ²⁷ Apa na kuma ku Antioc,oku nawaneka ekeleke pa mweya. Keo apa ou paki oshe na ku inu na tenda no Mulimu, no mu naka yanthulela e selo no tumelo kwaa alicaba. ²⁸ Na ikala noko thile na alutiwa.