¹ Apositola na alumeli nekala mu Judea keo ayuba ngao alichaba nao ana amuhele elii lya Mulimu. ² Pitolosi apa nawiya mu Jerusalema, alumeli no mukande keo apanga osikwata naku muthekisa; ³ Keo amba ngao, ''Mono mwe kala naalume nombula kutha kumukande na kulya noo!'' ⁴ Kono Pitolosi keo watolokela inu muutungi, ngao, Mono nikala kuno ni lapela mumunthi wa Jopa, ⁵ mono nikala na pono tha thinu simonahala weti liina likulu lyoli panena ku wilu nama kona mane. Keo liwiya okwange. ⁶ Kuthi topelisisa na ku thikengela. Neni mona iyamana ya litunga yo maulu mane, na inthima, na yamana yokukola, na iyunyi yo ku wilu. ⁷ Keo ni yuba olii liamba okwange, ' Oimane, Pitolosi; Oipaye olye!' ⁸ Keo niamba, 'ngeyo kao, Mulena; njeko ya mathilo kapa yombula kukena noingena mukanwa kange. ⁹ Kono olii kame kutundela ku wilu, 'Eyi ana kenisa Mulimu, konaisana ngao ya mathilo.' ¹⁰ Mono itendahala twatu, keo eyo inu yoshe iwukela aku wilu kame. ¹¹ ''Etho nako etho, apo bene mono kwikala alume aatu nemana poso tha thuwo etho notuikala; mona tumiwa okwange ku tunda ku Sesarea. ¹² Omepo keo thini laela kutha no pamweya, kame konina monahalisa fapano mukachi koo. A akwetu mutanu nakamweya monatha name,keo tukengena muthuwo thoyo mulume. ¹³ Mono tuambela omu namonena o liñeloi li nemana muthuwo thae naku amba ngao, 'Otume alume ku Jopa aka shimbe Simoni uyu isaniwa Pitolosi. ¹⁴ Mwa ku ambela oulumiwa uwu mboukuyoisa-owe naa no thuwo thoe oshe; ¹⁵ Apa nitateka kuamba okowo, omepo thikenu keo thiwiya peulu tho weti omu nouwiyela okwetu kumatatekelo. ¹⁶ Keo ni kengela omai a Mulimu, omu na ambela ngao, 'Joani shemwa monakolobethiwa na meyu, kono momukolobethiwa mu Mepo Thikenu; ¹⁷ Cwale haiba ndi Mulimu mona apa mpo thimweya sina omo natupela apa notuitana mulithina lya Mulena Jesu Kelesite, ome noani, Ngao nikane olii lya Mulimu?'' ¹⁸ Apa nayuba eii yambo eyo, nashemwa kuamba thimweya muku alaba, Keo alumbeka Mulimu kuno aamba ngao, '''Mulimu shemwa monapa alichaba ku baka ngao aikale na moyo. ¹⁹ Cwale a nashendauliwa pa kunyandisiwa kwa Sitibini keo atha mane kukakuma ku Phoeniaa, Cyprus, na Antioki, kuno amba olii kwa Majuda. ²⁰ Kono amweya, alume kutundela ku Cyprus naku Cyrene, na wiya ku Antioki naku wiya kwamba ku ma Gerike, kuamba okoowo olii liwa lya Mulena Jesu. ²¹ Olikaa lya Mulena no likala no; anu angi naetana naku ukela kwa Mulena. ²² Ou ulumiwa no uwiya kuyubahala mu keleke tha Jerusalema, keo atuma Barnabasi ngao aka kume ku Antioke. ²³ Apa nakuma naku mona osishemo sa Mulimu, no wapela naku asusuetha oshe kuikala na Mulimu mu michima thoo. ²⁴ Kakuli neli munu muwa waku umbisiwa na Mepo Thikenu na tumelo, mane anu angi na koñela Mulena. ²⁵ Barnabasi keo otha ku Teresa kuka thaela saule. ²⁶ Apa naka muwana,keo kutendahala ngao, muthilimo soshe mona kuwana pamweya naku luta anu angi. Alutiwa mone esaniwa ngao alumeli mu antioki. ²⁷ Cwale muma yiwa mamweya mamweya apositola mona tundelanga ku Jerusalema kuwiya mwa Antioki. ²⁸ Omweya woo, Agabus na lithina, keo oimana na kumonisa na mepo ngao mbokuikala nthala yhikulu mulitunga lyoshe. Eyi noitendahala mu mayuwa a Claudius. ²⁹ Keo apositola,mañinimañni omu na twesela, keo otuma nubu tho kukatusa ape mu Judea. ³⁰ Na tenda ngao; Keo atuma mali kuakulu mu makaha a Barnabus ns Saule.