¹ Alatiwa,potuna piwa ethi sepiso,nongeya tukukenise ku mathilo no nyama nethi tho mepo.Tumonise okukena kwetu kuno twiyapa Mulimu. ² Mututendele sibaka mumichima thenu!Tuna shemwa ku mifosetha.Tunashemwa sinyetha munu kapa kuyangela munu osinu sae. ³ Kotu amba eyo nga tuminyathe kao.Kakuli nina amba kale ngao mumichima thetu momuli,pa mweya potuli mukufa na mukuyoya. ⁴ Nikwite sepo thikulu okwenu,Na kulumba onene mukuikala nenu.Na kuyuba ku wapela onene muku nyandisiwa kwetu koshe. ⁵ Apa notuwiya kukuma mu Masedonia,notushemwa kukuyuba siwana mulutu lwetu shuwa kanyonyo.Kono,notuwana ukalu mumaneku oshe panse mono kuikala kulwa mukachi mono kuiyapisa. ⁶ Kono Mulimu,uyu tiisa omichima thoanu no kuku kokobetha,ona tiisa omuchima thetu mukukuma kwa Tite. ⁷ mi ka mukuwapela okuwiya kwae omo Mulimu na tutiisethe toshe.Neli kame muku tiisetha kwa Tite omu na amuhelwa okwenu.No tuamela yoku shukelwa kwenu, na kuli kwenu,na kuamba ngao mono mutwaela onene kusebetha omusebethi wange.Keo mononi wapela onene kupitela. ⁸ Shuwa ngao oliñolo lyange nolimi lwanisa,koni kunyatha kao. Kono noni kunyatha apa noni mona ngao oliñolo lyange noli milwanisa,shuwa ngao beli nako thinyonyo ambu. ⁹ Cwale nina wapele,ka ngao bakeñisa sakwei neni miyubisa lishamwa lyenu lina miletele kubaka.Kakuli mono muswabisiwa muku wapela kwa Mulimu,mono munyandisiwa ambu ngao komuna tufosetha bakeñisa thetu. ¹⁰ Kakuli kuyenisiwa ka mukwa ou awapeliwa ku Mulimu kwa twala kuku baka koku yoisa. Kono kuswaba kwa litunga,kokuli ngeyo,kwa twala kulifu. ¹¹ Mumone kuyena mukuwapela kwa Mulimu kuna lete okwenu kuku katatha ko ngepi, na kukuitanena ko ngepi,na kuiyapa kongepi, na takatho thongepi,na ku tukufalelwa ko ngepi,naku lukisa ko ngepi! Muino yoshe muna monisa ngao ko mulimo omu mu thiambo kao. ¹² Shuwa ngao mononi miñolela,ka mulibaka lyo no fosa kao,kapa bakeñisa soyono fosetha,kono neli ngao kumonahale okwenu opabalelo thetu pameo.a Mulimu. ¹³ Bakeñisa eso thiambo tuna susuwethiwa.Kame na ku ngwisiwa omichima,tuna wapelisiwa onene bakeñisa tabo tha Tite,Kakuli omepo thae mono thiwisiwa okwenu moshe. ¹⁴ Kakuli shuwa apa neni kulumba lumba okwaye bakeñisa senu.Neni shemwa kuyenisiwa.Kono sina omo nokuambeliwa,Oinu yoshe no tuamba okwenu ya thikuma,oku kulumba kwetu kwa Tite kuna waniwa ngao kwa thikuma. ¹⁵ Kame o lilato lyae okwenu lishi eketheha apa akengela okukupa kwenu moshe,no mu nomumu tambulela neli mukwa uwa wa lyowa naku tutuma. ¹⁶ Nina wapele kakuli mu thiambo soshe nina misepe.