Kauhanyo cho mutanu na kamweya
1
Mwaana, muyubele aashemi enu kwa Mulena, kakuli echi choswenelo.
2
"Mukuteke Ihwenu nainawenu" (ili taelo cho pili na sepiso),
3
"ili kuli kuikale wino nenu mi nji muyoye nako chile pa kaye."
4
Ashemi, mwaka chinisha aanenu. Kono, muakulishele mu likute na taelo cha Mulena.
5
Mwaapika, muyubele amalena kuamana na nyama na lukute likulu na kunjanja, mukuluka ko muchima woe.
6
Muayubele wenji umu mutwesha kuyubela Kreste. Mwaka latelela nji ene a malena enu aatanekelile, ili kuli muatabishe. Kono, muyubele wenji apika aKreste, aa atendile etato cha Mulimu kutunda kumichima chenu.
7
Mubeleke na muchima wenu woshe, nji mwa belekela Mulena kaha anu,
8
kakuli twalimuka nji wo musebezi woshe ouwawa atendile o munu, kumaa tambula mupuzo kutunda kwa Mulena, nji mupika kamba wakulukuluha.
9
Nayenu mwaa Malena, mutende ngeyo kuapika enu. Mwakaa mbukisha. Mwa lumuka nji o Mulena woo nayenu kuwilu, mi kakwite ketululo okwae.
10
Ku mamaneneno, muongole kwa Mulena na mukuongola koukulu wae.
11
Mukumange eshi lwisho sha Mulimu, ili kuli mutweshe kuiamana kulwisha e milelo sho mui.
12
Kakuli e ndwa chetu kaha cha kulwisha nyama na unyinga, kono kulusha aa eteleli, kulwisha e milao, kulwisha amaata o lififi liikile, kulwisha e mioya chii chiikile muibaka yokuwilu.
13
Mungeyo mukumange eilwisho ya Mulimu, ili kuli mutweshe kuimana mu liyuwa lyo ui, mi munyima cho kutenda einu yoshe, kuimana o muongolile.
14
Honi muimane o muongolile, nalukanda loniti olunanungeleliwa mumambunda enu, mi mukumange esilelezo cho kuluka pa mbando,
15
mi, namaulu enu aanamangiwa na niti chitundile kuulumiwa wo kozo.
16
Mumiikalelo choshe mushimbe e tebe cho tumelo, echi mutwesha kuchimisha amaonga oshe atumbukile o mui.
17
Mi mushishimbe e kuwani cho puluso na mukwale wo moya, ili o mukwale wa Mulimu.
18
Natapelo choshe mi na kupo, mulapele enako choshe mumoya wa Mulimu. Kwaa mamaneneno, enako choshe mulibelele na tundamo choshe omupile matapelo oanu oshe a Mulimu okukena.
19
Mi munilapelele, nji e lin'usa litweshe kupiwa o kwange apani yahamisha akanwa kange. Mulapele nji nitweshe kulimukisha naundume e niti chinaholekiwa kuamana na ulumiwa.
20
No muyemeli oyu nabulukiwa mumawenge kabakala ulumiwa, ili kuli niambe naundume, omunifanenine kuambela.
21
Tikike, omwepetu mulatiwa na mutanga wo tumelo kwa Mulena, kumaa miambela einu yoshe, ili kuli mulimuke omunitendelile.
22
Ninamutumene okwenu mwelyo libaka, nji mulimuke omutuikalile, nakutenda nji aongochishele emichima chenu.
23
Kozo chiikale kuapetu, mi nashi shemo na tumelo kutunda kwa Mulimu na Mulena Jesu Kreste.
24
Shishemo kwao oshe ashingile Mulena wetu Jesu Kreste na lilato lya nambula umenemene.