¹ Uzu nji Paulusi mulutwana. Kena ni mulutwana wa vantu kapa wa muntu kono wa Jesu kreste ni Reeza Tayo, ya va muvusi ku vaafu. ² Vonse vena name, ni ñolela ku nkereke za Magalata. ³ Chisemo ni nkozo kuzwilila kwe Reeza Shetu ni simwine Jesu Kereste ⁴ Iye ya va mu tambiki zivi zentu, cwale kuti ku zwiswe zivi ze nako yinu, ku zwila kwi tanto ye Reeza ni Tayo. ⁵ Kwali ku ve ni kanya kuya kwile. ⁶ Chi ni makele kuti chi musandukile ku Evangeli. Chi ni makele chi mu musandukile uzo ya va mi sumpi cha chishemo cha kereste. ⁷ Linu kakwina Evangeli yimwi, kono kwina va mwi vakwame va filikanya mi vasaka ku shinya Evangeli lya Kereste. ⁸ Kono ni heva iswe kapa In'geloi lizwa kwiwulu liswanela ku kutazwa kwenu Evangeli kuhita Evangeli li tu va kutazi kwenu, u swanelwa chikuto. ⁹ Sina ha ku wambitwe kutanzi, cwale ni lyahanu ni cho kuti, "Heva kwina zumwi yo mikutaza linzwi kuhita linzwi li mu va tambuli, u swanela chikuto.'' ¹⁰ Lya hanu ime ni kolwe vantu kapa Ireeza? Kana ni ka vusaka ku tavisa muntu? Heva ni si saka ku tavisa vantu, nji kuti kena ni muhikana wa Kereste. ¹¹ Kokuti ni saka kuti mwi zive inwe va kwangu, kuti Evangeli yini kutaza kena linzwi bulyo lizwa ku vantu. ¹² Kena ni vali tambuli ku zwililila ku muntu, kapa ku lutiwa. Kono ivali che sinulelo izwa kwa Jesu kereste kwangu. ¹³ Mu va zuwi za vuhalo vwangu vwe ntanzi nini sili ni muJuda, muni vali kunyandisiza ni ku wondisa valumeli ve kereke ye Reeza ku hitiliza ni ku yi shandoola ¹⁴ Ni va zwilile avusu ni vamwa ngu ntuto ya chi juda, ni va tukufalelwe mikwa ituva lituti kuzwila kuve sikulu kwetu. ¹⁵ Kono Ireeza avasangi hahulu cha kuni keeta ku zwilila mwi vumu liva mayo. A va ni sumpi cha chisemo cha kwe, ¹⁶ ku chitila kuti ni mwi ziva haze kuva Machava. Kena ni va litahaneli ku sakisisa ku muvili niku malaha. ¹⁷ Cho kuti kena ni vayendeli kwa jerusalema kwa vo vava vile kale va lutwana intanzi nini seni.Kono ni va yendeli kwa Areviya ni kuvola kwa Damaseka. ¹⁸ Linu haku mana zilimo zo tatwe ni va yendi kwa Jerusalema ku yendela ku ke zivana ni Kefasi. Mi, ni ne kala naye mazuva ene kumi ni mazuva a likane yanza. ¹⁹ Kono kena ni va voni nanga yenke mulutwana kwanda Jakobo mwanche a Jesu. ²⁰ Mulole, kwe Reeza, kani chengi, ku zini ñolete kwenu. ²¹ Linu, china yenda ku nkanda za Siriya ni Siliya. ²² Lya hanu zile kani ziveki havusu vwe nkeleke ya Judeya vachi vena kwa Jesu, ²³ kono avo zile vatekeleze vulyo, "Uzo ya vali ku tunyandisa, lya hanu uzo cho lumbeka intumelo ya vali kulwisanisa ni kunyandisa." ²⁴ Zile va lumbeke reeza cha ngu.