¹ Imi hape, kusebezisana hamwina, tumikumbila kusatambula ikanya ye Ireeza isena musebezi. sina aba wambi,Munako iswanela, Nibatekikwako. ² Imi mwizuba lye mpuluso ni bakutusi.'' lole hanu chinako iswanela.'' Lole hanu izuba lyempuluso. ³ kanzitubiki zisitataliso habusu bwazumwi mukuti kazilete musebezi we Ireeza kushinyeha. ⁴ Mukuti, tuli kolwisisa tubonse cha misebezi yetu. Mukuti tubahika be Ireeza. ⁵ Tubahikana bakwe mukutundamena, mukuzwafiswa, mumanyando, mukudamwa,mukusuminwa, mukulwiswa, mumasukuluka, mukulala chilabila, ⁶ munzala, mukujolola, munzibo, munkulo-nde, mukushiyama, muchisemo, muluhuho lujolola, nimwilato lishiyeme. ⁷ Tubahikana bakwe ni mwinzwi lyeniti, nimuziho ze Ireeza. imi twina insilelezo inakwiyanza lijolola linakubulyo niku lyachimonso. ⁸ Tusebeza mwikute, ni mukusakutekeha, ni mukuwambwa bubi, ni mukububekwa. Tunyanswa mukuti tuwamba mapa imi nituwamba ze niti. ⁹ Tusebeza sina katwizibitwe imi kanti twizibenkene. tusebeza sina bayakukufwa,mi mulole tusihala, Tusebeza sina bahindikitwe munkezozetu kono katunyansilizwe mukufwa. tusebeza sina basukulukite kanti inakoyonse tusangite. ¹⁰ Tusebeza sina bashebete, kono kanti tubika bangi kuba bafumite. Tusebeza ni tusawani chimwi kanti katuwane, zintuzonse. ¹¹ Kanti, tuwamba kwenu zonse chabuniti. Makorinte, imi nkulo zetu ziyaluki. ¹² Inkulo zenu kazisinene chetu, kono zisinene cha maikuto enu. ¹³ Hanu, mushelene ni wamba sina yowamba kumuhwile mwiyalule ahulu inkulo zenu. ¹⁴ Kanji, musuminwa hamwina nibasa zumini. Linu chinzi balukite abakopana niba tenda zive? Imi kanti chizwale nzii china mwiseli ne fifi? Kuzuminzana kwinabule kwena Jesu ni batenda zibe? ¹⁵ Kapa chinzi chali kauhanyeza mulumeli niyotenda zive? ¹⁶ Imi intumelelano nzi, ina mukati ke tempele ye Ireeza ni ziswaniso? Sina hatuli twi tempele ihala ye Ireeza, sine Ireeza habawambi: ''Kanizake mukatikabo imi niyende mukati kabo. Munibe Ireeze wabo, imi mubabe bantu bangu.'' ¹⁷ Lyahanu, ''Muzwe mukati kabo imi mulikauhanye,'' mwatela Ireeza. Kanzi muwondi zintu zisa jolwele, imi muni mitambule. ¹⁸ Munibe Ishenu inwe mubebana bangu, imi kamube banabangu baba swisu niba kazana, ''Kuwamba Ireeza wina kwilu.