¹ Siuzapasiwa mpata iwe munthu wamene uweluza,chifukwa chamene uweluza muli wina naiwe uzaweluziwa.Pakuti iwe wamene uweluza uchita vimozi mozi. ² Koma tiziba kuti chiweluzo cha Mulungu chilingana na zoona chikagwela pali bamene bavichita ivi vinthu. ³ Koma ona ichi iwe munthu, wokonda kuweluza banthu bamene bachita ivi olo kuti naiwe uchita vimozi .Nanga uzauthaba chiweluzo cha Mulungu? ⁴ kapena uganiza pangono pazaulemelelo waubwino wake,chilango chake chamene kuchedwa kwa chilango chake,na kuleza mtima kwake?Siuziba kuti ubwino wake ufanika kukupeleka kukulapa? ⁵ Koma nikamba ka kulimba mtima nakusalapa kwa mtima wanu kuti,kuti muzisungila mweka mkwiyo pasiku ya mkwiyo,ndiye kuti,siku ya chivumbuluso cha chiweluzo cha Mulungu choyera. ⁶ Azalipila muthu aliyense muyeso wazinthu zamene anachita. ⁷ Kuli awo olingana na kupitiliza,zochita zabwino,afuna funa kubapembeza,kubalemekeza nakubapasa umoyo wosatha ulibe chiphuphu. ⁸ Koma kuli baja wofuna chabe zao,bamene sibamnvelela chazoona koma amnvelela uchimo,mkwiyo nakukalipa kopitilila kwamene kuzabwela. ⁹ Mulungu azaleta mabvuto na kusamnvela bwino pa moyo uliwonse wamene wachita chimo,kuyambila kwa Ayuda na ba Giliki. ¹⁰ Koma chiyamiko,ulemu na mtendere vizabwela kuli aliyense wamene achita vabwino.Kwa Ayuda nama Giliki onse.Chifukwa kulibe kusankha kwa Mulungu. ¹¹ Koma kubambili bamene banachimwa kulibe lamulo,bazaonongeka futi kulibe lamulo. ¹² Bambili bazachimwa naulemu wa lamulo,bazaweluziwa na lamulo. ¹³ Pakuti sibaja womnvelela lamulo oyera pamenso pa Mulungu,koma ochita lamulo ndiye bamene bazalungamisiwa. ¹⁴ Pakuti akunja,bamene balibe lamulo,bachita mwaumunthu vinthu va lamulo,bankala lamulo kwabeve beka,olo kuti balibe lamulo. ¹⁵ Pali ivi bawonesa kuti machitidwe yofunika na lamulo niyolembeka mumitima yao.Chikumbumtima chao chichitila umboni kuli beve,namaganizo yao yabanamizila kapena yabachingiliza kuli beve na kuli Mulungu. ¹⁶ Icho chizachitika pasiku yamene Mulungu azaweluza visinsi vabanthu onse,kulingana na uthenga wanga,kupitila mwa Yesu Christu. ¹⁷ Koma ngati uziitana muyuda,upumulila pa lamulo nakuzitukumulila mwa Mulungu, ¹⁸ Ndipo aziba chifunilo chake,nakuziba zinthu zabwino chifukwa munapasiwa zochita kuchokela ku lamulo. ¹⁹ Ngati musimikizikila kuti ndimwe osogolela osayangana,nyali kulibaja bali mumdima. ²⁰ Osogolela opusa,mphunzisi wa bana bangono,nakuti mulinacho mumalamulo,nzelu na choonadi,nanga ichi chimukhuzani bwanji mwamene munkhalila umoyo wanu? ²¹ Imwe bamene muphunzisa benangu,simuziphunzisa?Imwe bamene mumalalikila kuti osaiba,mumaiba? ²² Imwe bamene mukamba kuti osachita chigololo,mumachita chigololo?Imwe bamene muzonda mafano,mumaba mu chechi? ²³ Imwe bamene mumasangalala mumalamulo,simumalekeza Mulungu kupitila mukupwanya lamulo yanu? ²⁴ Pakuti zina ya Mulungu siilemekezeka pakati ka akunja kamba ka imwe,monga mwamene chinalembeka. ²⁵ Pakuti mdulidwe umakuphindulilani nga mumnvelela lamulo,koma ngati mupwanya lamulo mudulidwe wanu siunkhala mudulidwe. ²⁶ Manje ngati munthu osadulidwa asunga zofunika zalamulo,kusadulidwa kwake sikungankhala kudulidwa?Nanga wamene sali odulidwa mu umunthu sazakususani ngati wasunga lamulo? ²⁷ Ichi nichifukwa chakuti muli nalamulo yolembeka na mdulidwe,koma muyipwanya lamulo. ²⁸ Pakuti simuyuda wamene nimuyuda kunja,monga mwamene mdulidwe wakunja simudulidwe. ²⁹ Koma nimu Yuda amene nimu Yuda mkati,koma mdulidwe niwuja wamumtima,mumuzimu osati mukalata.Chiyamiko cha munthu wotelo sichichokela kubanthu koma kuli Mulungu.