¹ Bafalisi na balembi benangu bamene banachokela ku Yelusalemu banasonkhana pamene anali. ² Ndipo anaona kuti wophunzila bake benangu banalikudya buledi na manja yodesedwa, yamene yosasamba. ³ (Chifukwa Bafalisi na Mayuda wonse sibanali kudya wosasamba kumanja, chifukwa banagwililila kumwambo wa makolo. ⁴ Pamene Bafalisi bachokela ku msika, sibanali kudya ngati sibanasambe, na kugwililila ku vinthu vonse vinangu banalandila, monga ku kusuka makapu, mapoto, viya na Tebulo yodyelapo.) ⁵ Bafalisi na balembi banamufunsa Yesu, " Kodi nichani wophunzila bako sibayenda mumwambo wa makolo, chifukwa bakudya buledi wosasamba kumanja?" ⁶ Koma anabauza kuti, "Yesaya ananenela bwino pali imwe bachinyengo. Chinalembewa, 'Aba banthu banilemekeza na milomo chabe, koma mitima ili kutali na ine. ⁷ mapembezo yalibe chilichonse ndiyo banipasa, kuphunzisa malamulo ya banthu monga chipunziso chawo. ⁸ Munataya malamulo ya Mulungu ndikukonkha miyambo ya banthu." ⁹ Anabauzanso kuti, "Munachita bwino bwanji pokana malamulo a Mulungu kuti musunge miyambo yanu! ¹⁰ Chifukwa Mose anakamba kuti, 'Lemekeza batate bako na bamai bako,' Aliyense wamene akamba voyipa pali batate kapena bamai bake azafa zoona.' ¹¹ Koma mukamba kuti, ' ngati munthu akuti kuli batate bake kapena bamai bake, "Iliyonse thandizo yocokela kwa ine ni Kobani, "kutanthauza kuti, 'yopasiwa kwa Mulungu')- ¹² Ndipo simufunika kumuvomeleza munthu uyo kucita chilichonse kuli batate bake kapena bamai bake. ¹³ mupanga mau ya Mulungu kunkala yalibe mpamvu chifukwa miyambo yanu yamene mupasana. Navinthu volingana vamene muchita." ¹⁴ Anaitana gulu yabanthu na kukamba kuti, " mvelani kwa imwe, imwe bonse, na kumvesesa. ¹⁵ Kulibe chochokela kunja kwa munthu chingaononge munthu pamene chingena mkati. Koma chamene chichokela mukati mwa munthu ndiye chingamuononge." ¹⁶ Yense ali ndi makutu amve ¹⁷ Manje pamene Yesu anachoka pa gulu ya banthu na kungena munyumba, wophunzila bake banamufunsa pali fanizo. ¹⁸ Yesu anakamba kuti, " Naimwe mukalibe kunkala nachinveseso? Simuona kuti chamene chingena mu munthu kuchokela kunja sichingamuipise munthu, ¹⁹ cifukwa siciyenda mkati mwa mtima, koma cimayenda m'mala ndikupita ku ciphuzi?" pali ici Yesu anatanthauza kuti cakudya chili chonse nichoyela. ²⁰ Anakamba kuti, "Ni chija chamene chicokela mukati chamene chiipisa munthu. ²¹ Chifukwa kuchokela mukati mwa munthu, kuchokela mumutima, muchokela maganizo yoipa, zachiwelewele, zaukawalala, zakupaya, ²² zachigololo, zokumbwa, zoipa, zachinyengo, kuzitukumula, zopusa. ²³ Zonse izi zoipa zichokela mukati, ndiye zimene ziipisa munthu." ²⁴ Anaima nakuchoka kuja na kupita kudela ya Tire na Sidoni. Kwamene kuja anayenda munyumba, ndipo sanafune munthu aliwonse kuziba kwamene analili, koma sanakwanise kubisama. ²⁵ Koma pamene mukazi wamene anali na mwana wake mukazi wamene anali na mizimu yonyasa ananvela pali eve, anabwela kuli eve na kugwada pansi pa mendo yake. ²⁶ Mukazi uja anali wa chigiriki, mutundu wa Musurofonika. Anamupempha kuti achose chibanda kuchoka mumwana wake mukazi. ²⁷ Anamuuza kuti, "Leka bana badye choyamba. Chifukwa sichili bwino kutenga buledi ya bana na kuponyela bagalu." ²⁸ Koma anayankha na kuli eve, "Zoona, Ambuye, chikanga ibwa zimadyako vamene vikugwa pa tebulo yamene bana badyelapo." ²⁹ Anamuuza kuti, " Chifukwa cha vamene wakamba, ndiwe womasuka kuyenda. Vibanda vatuluka mu mwana wako mukazi." ³⁰ Anabwelela kunyumba kwake nakupeza mwana wake muzazi aligone pa mpasa, na vibanda nishi vayenda. ³¹ Ndipo anachoka nafuti kuchoka ku muzinda wa Tire, na kupitilila ku Sidoni ku nyanja ya Galileya kufikila ku malo ya ku Dekapolisi. ³² Ndipo anamuletela munthu winangu wamene sanali kumva ndipo wosalankula, ndipo anamupempa kuti amusanjike manja yake pali eye. ³³ Ndipo anamutenga eve pambali kuchoka pa gulu ya banthu,anaika chikumo cake mumakutu yake, na kutunya mata na kugwila lulime lwake, ³⁴ Analangana kumwamba, nakumuuza kuti, "Efefata," kutantauza kuti, "Seguka!" ³⁵ Pantawi yamene iyo matu yanaseguka, ndi camene cinalikugwila lilime lake cinaonongeka ndipo anayamba kulankhula bwino. ³⁶ Ndipo analamulila beve kuti basauze munthu aliyense. Koma mwamene anabauzila maningi, ndiye mwamene banauzila maningi banthu. ³⁷ Banali wodabwa maningi, na kukamba kuti, " Achita vintu vonse bwino. Alengesa na wosanvela kuyamba kunva na wosakamba kuyamba kukamba."