¹ Cifukwa nicani ntawi yoweluza bantu boipa simaikiwa na Wampamvu? cifukwa ni cani baja bokulupika sibamaona masiku ya ciweluzo cake kubwela? ² Bantu boipa bamafendeza malile; kuli bantu boipa bamene bamayenga vobeta macikakamizo na kuziika pa vodyesa vao. ³ Amapisha bulu wa baja balibe batate bao; bamatenga ng'ombe ya ofewa monga colonda. ⁴ Amapisha bovutika kucoka munjila zao; bosauka bonse muziko bamabishama beve. ⁵ Yanganani, bamayenda ku nchito zao monga ni abulu bamsanga mu cipululu, kusakila bwino-bwino vakudya; kapena kuti cipululu cizabapasa vakudya va bana bao. ⁶ Bantu bosauka bamacosa vintu muminda ya bantu benangu usiku; bamacosa vosalila va mpesa kucoka mu vokolola vabantu boipa. ⁷ Bamagona cintaku usiku wonse kube vovala; balibe covinikila kukazizila. ⁸ Bamanaka na tumvmula twa kumalupili; bamagona pafupi na mwala ukulu cifukwa balibe tumanyumba. ⁹ Kuli bantu boipa bamene bacosa bana ba masiye ku maziba ya bamai bao, na bantu boipa bamene batenga bana monga malonda ku bantu bosauka. ¹⁰ Koma bantu bosauka bamayenda cintaku kusoba covala; nangu bankale na njala, vakudya kucokela ku bantu benangu. ¹¹ Bantu bosauka bama[panga mafuta mkati mwa vibumba va vantu boipa; bamapwanya motwela mpesa, wa bantu boipa koma beve bavutika na njota. ¹² Kucokela mu mumuzinda bantu bandanula bakufa, na pamukosi pocitiwa palila tandizo. Koma Mulungu saona voipa vao. ¹³ Aba bantu benangu boipa bamaukila kuwala (kusanika) sibaziba njila ake, kapena kunkala mu njila zake. ¹⁴ Kukalibe kuca bopaya bamanyamuka na kupaya bosauka na bampawi; usiku ali monga ni kawalala. ¹⁵ Futi, linso ya wavigololo imayembekeza kuyambe kufipa; amakamba kuti, 'kulibe linso izaniona.' nakubisa pamenso pake. ¹⁶ Mumudima bantu boipa bamakumba mumnyumba; koma bamazibisa muzuba; sibafakako nzelu za kubala (kusanika). ¹⁷ Pakuti beve bonse, mudima ukulu uli monga ni kuseni; pakuti ni banzabo ba voyofya va mudima ukulu. ¹⁸ Mwamusanga-musanga bamayenda, motelo, monga tovu pamwamba pa manzi; gawo ya malo bao niyotembeleleka. Kulibe wamene ayenda kusebenza mi minda yao ya mpesa. ¹⁹ Monga cilala na kupya visungunila manzi yozizila mu manzi, manda na eve yamenga baja bamene bacimwa. ²⁰ Mala yamene inamubala izamuibala; vikusi vizamudya bwino-bwino; sazakumbukiwa futi; munjila iyi, voipa vizatyolewa monga ni cimutengo. ²¹ Baja boipa bamadya bakazi bosabalabamene bakalibe kubalapo mwana; sibamacita vabwino kuli ofewa. ²² Mulungu amacosa bantu bampavu na Mpamvu zake; amanyamuka ndipo samabapasa mpavu mu umoyo. ²³ Mulungu amabalekelela kuti baganize kuti niotetezeka, ndipo niokondwela nazo, koma menso banke ali pa njila zao. ²⁴ Aba bantu bamakwezewa; mpaka, mu ka ntawi kang'ono, bazakayenda; zoona; bazakaselusiwa; bazakaikiwa pamozi monga banzake; bazakajubiwa monga ni tpamwaba twamatu ya tiligu. ²⁵ Ngati sicili so, nindani anganisushe kuti ndie waboza; na kupanga mau banga kunkala balibe nchito?"