¹ Kumbukiranso Mlengi wako masiku a unyamata wako, asanafike masiku amasautso, zisanadze zaka zomwe unena, Sindisangalala nazo; ² chitani izi kuunika kwa dzuwa ndi mwezi ndi nyenyezi zisada, ndipo mitambo yakuda isabwere mvula ithe. ³ Iyo ikhala nthawi yomwe olondera nyumba yachifumu adzanjenjemera, ndipo amuna amphamvu aweramitsidwa, ndipo akazi omwe akupera amasiya chifukwa ndi ochepa, ndipo iwo omwe amayang'ana kunja pazenera sakuwonanso bwino. ⁴ Iyo idzakhala nthawi yomwe zitseko zidzatsekedwa mu msewu, ndipo phokoso lakupera laima, pamene amuna adzadzidzimuka ndi kulira kwa mbalame, ndi kuyimba kwa mawu a atsikana kuzimiririka. ⁵ Iyo idzakhala nthawi yomwe anthu adzawope malo okwera ndi zoopsa panjira, ndi pamene mtengo wa mchiwu uphuka, ndi pamene ziwala zimadzikoka, komanso pamene zilakolako zachilengedwe zimalephera. Kenako mwamunayo amapita kunyumba yake yosatha ndipo olirawo amayenda m'misewu. ⁶ Kumbukirani Mlengi wanu chingwe cha siliva chisanadulidwe, kapu ya golide isanaphwanyidwe, kapenanso kuphwanyidwa pakasupe, kapena gudumu lamadzi likasweka pachitsime, ⁷ fumbi lisanabwerere kudziko lomwe linachokera, ndipo mzimu umabwerera kwa Mulungu amene adaupereka. ⁸ "Zopanda tanthauzo! Zopanda tanthauzo!" atero Mphunzitsi. "Chilichonse ndichabechabe!" ⁹ Mphunzitsi anali wanzeru ndipo anaphunzitsa anthu chidziwitso. Anaphunzira ndi kusinkhasinkha ndikukonza miyambi yambiri. ¹⁰ Aphunzitsi adayesetsa kulemba pogwiritsa ntchito mawu omveka bwino owongoka. ¹¹ Mawu a anthu anzeru ali ngati zisonga zotosera. Monga misomali yokhomedwa kwambiri mawu a ambuye m'magulu amiyambi yawo, omwe amaphunzitsidwa ndi mbusa m'modzi. ¹² Mwana wanga, zindikira china chake. Kupanga mabuku ambiri kulibe mathero, ndipo kuphunzira kwambiri kumalepheretsa thupi. ¹³ Kosilizila kwa nkhani pambuyo pavilivonse kwanveka, kumveka ndiye kuti muziopa Mulungu ndi kusunga malamulo ake, chifukwa ndi udindo wonse wa anthu. ¹⁴ Pakuti Mulungu adzaweruza ntchito iliyonse, ndi zobisika zonse, ngakhale zabwino kapena zoipa.