¹ Mwaichi, choyamba pa vonse, nipempa kuti mapempo, mapempelo, kuimililako, na mayamiko ya pelekewe pa bantu bonse, ² mafumu na bonse bali mu ulamulilo, mwakuti tinkale myoyo za mutendere zilibe chiwawa mu umulungu na kulemekezewa. ³ Ichi nichabwino na futi chovomelezewa kuli Mulungu Mpulumusi watu. ⁴ Afuna kuti bantu bonse bapulumuke nakubwela kuziwa za chipulumuso. ⁵ Chifukwa kuli chabe Mulungu umozi, futi kuli chabe oimililako umozi kuli Mulungu na muntu, mwamuna Klistu Yesu. ⁶ Anazipeleka kunkala muomboli kuli bonse, ngati umboni wa pa ntawi yoenela. ⁷ Chifukwa cha ichi ine ninaikiwa kunkala mu ulusi na mutumiki-Niku uzani vazoona, sininama boza iyayi-nafuti mupunzisi wa bakunja kwa chikulupililo na va zoona. ⁸ Mwa ichi, nifuna bamuna ku malo yali yonse bakazipempela na kuimya manja yoyela balibe mukwiyo kapena kushushana. ⁹ Chimozi-mozi bakazi baenela kuvala vovala vo enela, vozilemekeza nafuti vozileza, osati bomanga sisi kapena na golide kapena myala ya yapatali kapena voval va mutengo wapa mwamba, ¹⁰ koma kunkala na vamene voyenela baja bazimai bamene balangiza umulungu kupitila mu zinchito zabwino. ¹¹ Mukazi ayenela kupunzila mosapanga chongo nafuti momvela. ¹² Sinivomeleza mukazi kupunzisa kapena kulamulila mwamuna, koma kunkala moyo ulibe chiwawa. ¹³ Chifukwa Adamu analengewa oyamba, kubwela Eva. ¹⁴ Adamu sananamiwe boza, koma mukazi ananamiwa nakubwela kubkala wochimwa. ¹⁵ Koma, azapulumuka kupitila muku bala bana, koma ngati bazapitiliza mu chikulupililo na mu chikondi na mukusukiwa pamozi na nzelu zabwino.