¹ Manje kukamba pa zantawi na nyengo, abale, sichofunikila kuti chintu chilichonse chilembewe kuli imwe. ² Chifukwa imwe muziba mofikapo kuti siku ya Ambuye ibwela monga kawalala usiku. ³ Pamene bazakamba kuti, "Mutendere na kuchingiliziwa," koma kuonongeka kosayembekezela kuzabafikila. Chizankala monga kubaba mumimba kwa muzimai ali na pakati. Sibazakwanisa kutaba. ⁴ Koma imwe, abale, simuli mumudima mwakuti ija siku ikakufikileni monga kawalala. ⁵ Chifukwa imwe ndimwe bana ba ku-unika komanso bana bamuzuba. Sindise bana ba usiku kapena mufinzi. ⁶ Mwa ici, tisazivomeleze kugona monga bonse mwamene bagonela. Koma, tiyeni tinkale bolanga komanso bosakolewa. ⁷ Chifukwa baja bamene bagona bagona usiku, nabaja bamene bakolewa bakolewa usiku. ⁸ Koma cifukwa ndise ba mbali ya muzuba, tiyenela kunkala bosalezela komanso kuvala chikululupiro na chikondi monga chochingiliza pa chifuba, ndiponso chiyembekezo cha chipulumuso kunkala chisote. ⁹ Chifukwa Mulungu sanati nkazikisile ukali, koma kutenga chipulumuso kupitila muli Ambuye Yesu Kristu. ¹⁰ Eve niwamene anatifela mwakuti, tiligone kapena tili bo uka, tinkale Naye pamozi. ¹¹ Mwa ichi limbikisanani wina na mzake na kuzi kulisa, monga mwamene muchitila kudala. ¹² Tikupempani, abale, kuti mubazindikile baja bamene basebenza pakati kanu nabaja bamene boyanganila mwa Ambuye naku kukulimbikisani pakati kanu. ¹³ Nafuti tikupempani kuti mubapase ulemu maningi muchikondi chifukwa cha ntchito yabo. Nkalani mumutendere pakati panu. ¹⁴ Tikulimbikisani, abale: chenjelesani baja bamusokonezo, limbikisani bofoka, tandizani balibe mpavu, komanso nkalani bozileza kuli bonse. ¹⁵ Onesesani kuti palibe wamene alipila choipa na choipa kuli muntu ali onse. Koma, konkani chamene chabwino ku muntu ali onse komanso na bantu bonse. ¹⁶ Nkalani bosangalala ntawi zonse. ¹⁷ Pempelani kosaleka. ¹⁸ Mu zonse pelekani mayamiko. Chifukwa ichi ndiye chifunilo cha Mulungu mwa Yesu Kristu pali imwe. ¹⁹ Osazimya Muzimu. ²⁰ Musasule uneneli. ²¹ Yesani vintu vonse. Gwilililani vamene nivabwino. ²² Chokanikoni ku vonse voipa. ²³ Lekani Mulungu wamutendere akulengeseni kunkala boyela mofikapo. Lekani muzimu wanu onse, moyo, na thupi visungiwe kulibe cholakwa paku bwela kwa Ambuye Yesu Kristu. ²⁴ Wamene akuitanani ni-okululupilika, wamene azakwanisa ichi chintu. ²⁵ Abale, mukazitipempelelako ise. ²⁶ Pasani moni abale bonse na mpyompyono oyela. ²⁷ Niku uzani kupitila mwa Ambuye kuti kalata iyi ibelengeke ku ba bale bonse. ²⁸ Chisomo cha Ambuye Yesu Kristu chinkale na imwe.