1 2 1. Yiciza kuti akasile Yesu na malizu, eciti kwa sambili wake, 2. '' Muziwa kuti pakapita masiku awilive pasaka ikuza, nakuti mwana wa munthu aze pelekewe kuti aka pacikiwe.'' 3 4 5 3. Nipo mukulu wa ansembe na akuluakulu a wanthu wekwecekana pamo ku nsaka la mukulu wa nsembe, ecishiwa Kafasi. 4. eyambo pangana mwati akatile Yesupocenjela no mpaya. 5. niye penze kuti, ''paswa pa pasaka yayi, kuti wanthu angaya cita zungo mwaweve weka.'' 6 7 8 9 6. Niye Yesu penze mu betani mnanda ya Simoni wama nzonzo, 7.penze pa tebulo, mnakazi eciza kwake na jaji loweka la mafuta onunkhila cendi, nipo emtila nawo kumutu. 8. Nipo asambili wake akatyu ona tetyo, aliyo temwa nakuti weciti, ''Nga nicinji ucenesi wateti? 9. Cikomo kati mwa sitisha pa ndalama inyinji cendi nakupa ozingwa.'' 10 11 10. Nipo Yesu, peciziwa, eciti kwao, ''Ko mwamzingwishilanji mwanakazi uyu? cikomo wakata mulimo uweme pali neo.11. lyonse mkuwa na ozingwa wekaweka mweo, mwakuwa nao lini lyonse. 12 13 12. cikomo patila mafuta awa pamuwili wangu, wacita poikiwa kwangu.13. cendi numuuzyani, palipose mbila iweme pawilizyiwa mcalo conse, vacita mnakazi uyu viwe lawiliwa navyo mu cikumbushocake.'' 14 15 16 14. Nipo umo wa wala kumi na awili, ecishiwa kuti Yudasi isikaliyoti, eciya kwa mkulu wa nsembe 15. nakuti eciti, ''ko ncinji cimnganipe kuti nimupe kwanu?'' empimila ngwinjili makumi atatu. 16. kufumave apo efwana nsita yati ambvumbulilemo kuwapa. 17 18 19 17. Nipo pasiku lotatika mkate uliye cizamba asambili eciza kwa Yesu nakuti eciti, ''ko nikuni kumngatemwe seo kukupekanyilani cakulya ca pasaka?'' 18. Eciti, ''Nkhamuyani mumzinda ku munthu umbi nakuti mkanene naye kuti, 'Msambizi eciti, ''Nsita yangu yasila. Nize nicite pasaka kunanda kwako pamo na asambili wangu.'''''19. Asambili ecita nga nimwe watumila Yesu, nakuti epekanya cakulya ca pasaka. 20 21 22 20. Cikaze cungulo, enkhala pansi nakulya na asambili wake kumi na awili. 21. Penzo kulya, eciti, ''cendi numuuzyani umo wamweo anivumbule neo.'' 22. `wedandaula kwene kanthu, nakuti aliyense eyamb0 koshana umo umo, ''ko nineo, Asikulu?'' 23 24 25 23. Eyasuka, '' uyo oyika kwanja yake mumbale imo naneo niati anivumbulule neo.24. Mwana wamunthu alute, nga niumo mkwilembewela zya eve. koma malilo kwauyo munthu wati amvubulilpo mwana wa munthu! cingawe ciweme kati aliyo vyaluka uyo munthu.'' 25. Yudas, wamene emvubulula eciti kwake, ''ko nineo, Labi?'' Emuyasuka eve, ''walinenela weka.'' 26 26. Napenzo kulya, Yesu eulamkate, noshukisha, nousuna. Nowapa asambili nakuti, '' ulani, lyani uyu nimuwili wangu.'' 27 28 29 27. Eula nthumo nakuti ayamika, nakuti ewapa nakuti, ''mwani, monse. 28. pakuti uyu ni mlopa wangu wapangano wivwishiwa kunja kulekelela viipa vya anyinji. 29. Lomba nukuuzyani, nimwekolini soti va vitwalo vyoteti, kufwikila siku pinti nikamwe valomba pamo na wata wangu muufumu kumulu.'' 30 31 32 30. Akatu yimba nzimbo, weciya kulupi la flaya, 31. Nipo Yesu eciti kwao, ''monse mweo mupilingishiwe cikomo cangu, poti kwilembewa, 'nize nyate ciweta na mbelele za mpingo zize mwazike.' 32. Sembe nikazozyuka, nizawe panzi panu mu Galilaya.'' 33 34 35 Nipo Petulo enena naye, ''cukanga kuti onse apilingishiwe cikomo canu, sininga mkaneni yayi,'' 34. Yesu eciti kwake, '' cendi nukuuzya weo, cungulo cino, akliyo lila kombwe,unikane katatu.'' 35. Petulo enenanaye, ''cukanga kuti nifwe namwe, sininga mkaneni yayi.''Nipo asambili onse enena tetyo. 36 37 38 Nipo Yesu eciya nawo pamalo ocishiwa Gesemani nakuti eciti kwa asambiliwake, ''nkhalani pano punukuya uko kuya lomba.'' 37. Eula Petulo na wana wa Zebedayo awili nipo weyamba kuwa namadandauzi na ovutishiwa mumitima. 38. Nipo eciti kwao, ''muzimu wangu niodandaula cendi, cukanga mu ifwa.wani pano nakuti wanituni pamo nane.'' 39 40 41 39. Eyako patali panyandi,evunama cinso cake, nakuti elomba. Eciti, '' Wata wangu, nga nikozomezyewa, lekani nthumo iyi linipitilile neo. Nipo , kusawa mkupangwa kwangu, kano mumpangwila.''' 40. eciza kwa asambili wake nakuti efwana wayona,Nakuti eciti kwa petulo, '' Nicinji, ungakano uwa tini kwansita litontho tyala? 41. Iwa tuni nolomba kuti msayezyewa. Mzimu nicendi upamgwa,keno muwili niwokasika.'' 42 43 44 42. Eciyanso kaciwili na kuya lomba. Eciti, ''Wata wangu, Kati ici sicinganipitilile niciwe nimwe, nipati mkwanishe.'' 43 Eciza nofwana wayonanso, namenso yawo yenze yolemelwa. 44. Nipo ewasiyanso, nakuya kuya lomba kwakatatu, kunena malizu amonaamo. 45 46 45. Nipo Yesu eciza kwa asambili nakuti eciti kwao, ''Ko mkali lele kupumula? Lolani, nsita yafwika, na mwana wa munthu lomba opelekewa mmanja a wanthu osalungama. 46. Ukani, takuya. lolani, uyo wati ani vumbule ali pafupi.'' 47 48 47. Akalu lawila tetyo Yudasi umo mwa wala kumi na awili, eciza. Na liumba likulu liciza kufuma kwa akulu wa nsembe na akulu a wanthu. Eciza na mapanga na vinkhala mmanja. 48. Nipo munthu enzo mvumbulula Yesu ewapa ciziwisho, nakuti, ''uyo wanti nifyofyone niye munthu. mumkate.'' 49 50 49. Apove eciza kwa Yesu nakuti eciti, ''Mtendele, Labi!'' nakuti emufyofyona. 50. Yesu eciti kwake, '' Muyangu, citave ciwazila cita.'' Nipo weciza, emkata manja wake nakuti emmanga. 51 52 53 54 51. Wonani, umo mwa wala wenze na Yesu etambazula kwanja kwake, nofumya panga, nokwazamula umo wa akapolo wa akulu wa ansembe, nomtenda kwatu. 52. Nipo Yesu eciti kwake Ika panga lako mmalo mwake, cikomo onse awa ali na mapanga asile napanga. 53. Ulinga kansi kuti sininga senge Wata, nakuti anga tume anyinji kupula kumi na viwili vyalo va Angelo?54. Lomba malemba anga kwanishike tyani, cikomo ici cifanika cicitike?'' 55 56 55. Na nsita iyo Yesu ecit ku liumba ila, ''Ko mwafumya na mapanga na vinkhala manja kukata newo nga nine nyalufwimbi? Nsita zyonse neze kuwa mucipupilo kusambizya, nakuti muliyo kuzanikata neo. 56. Niye vyonse ivi vacitika kuti malemba a awilizi aslizyike. ''Nipo asambili wonse emsiya kuutuka. 57 58 57. Nawo wala ekata Yesu emtwala kwa kafasi mukuluwa ansembe, kwe kwecekana alembi na akuluakulu pamo.58. Petulo emkonkha patali kunsaka ya mukulu wa ansembe. Eciya mkati kuyankhala pamo na manjolinjoli kuti awone nsilililo. 59 60 61 59. Lomba akulu wa ansembe na onse apinguzi enzo saka mlandu watiape Yesu unga mtwale kuifwa. 60. Aliyo ufwanapo, cukanga kuti nthoni zawenye ziciza zinyinji. pavuli pake awili eciza 61. nakuti eciti, '' uyu munthu eciti, 'ninga cipasule cipupilo nakuti Mulungu anga ciwamye mu masiku atatu.''' 62 63 64 62. Mukulu wa ansembe eyima nakuti kwake, '' Ko unga yasuke kanthu? Nga nivinji vakuku nenela weo?'' 63. Nipo Yesu enze celele. mukulu wa ansembe eciti kwake, ''Nukuuzya lomba mzina la Mulungu wamoyo, tiuzye kati niwe Mkilisitu, mwana wa Mulungu.'' 64. Yesu emyasuka, ''Mwanena mweka. koma numuuzyani kuti kufuma lomba muze muone mwana wa munthu kunkhala ku kwanja kwendi kwa vizo, nakuti kuza mmakumbi ya mmulu.'' 65 66 65. Nipo mkulu wa ansembe epezula nyulazyake nakuti eciti, ''wanena msikila! Ko tupangwilanji nthoni? Lolani, Mwavwa mweka msikila. 66. Ko mlinganji?'' weyasuka nakuti, ''Niowamila kufwa.'' 67 68 67. Nipo emtila mata pacinso nomtimba, nakuti wambi emkwapulamalupi, 68. nakuti eciti, ''tiuzye seo, we mkilisitu. Ko wakutimba niwani?'' 69 70 69. Nipo Petulo penze nkhezi panja pa luwanza, nakuti kapolo msimbi emzila nakuti ecit, ''wenze nayepamo Yesu waku Galilaya.'' 70. Nipo emkanila pamenso pao onse, kunena, ''Nuziwa lini vaunenapo.'' 71 72 71. Peciya panja pa njila, kapolo umbi msimbi emuona eve nakuti ecit kwa wenzenao, ''Uyu munthu naye enze pamo naye Yesu munazalayo.'' 72. Emkanilanso molapizya,'' Numziwa lini uyu munthu!'' 73 74 75 73. Nipo pakapite nsita panyandi wala wenze peneme pafupi weciza nonena naye Petulo, '' cendi niwe umo wao, cikomo malawililo wako okusokolola.'' 74. Nipo eyamba shamika nolapizya,'''Numziwa lini munthu,'' nakuti apove kembwe elila. 75. Petulo elikumbukizya malizu yecimunenela Yesu,'' Akaliyo lila kombwe unikane katatu.'' Efumila kunja nakuti elila kosisima.