1 2 1. Nsita yamene iyo, Helode mfumu ecimvwa mbili ya Yesu. 2. Eciti kwa alumbwana wake, '' uyu ni Yohane mbatizi,' wauka kwakufwa. Nipavicitika mwa vyamphamvu mwake.'' 3 4 5 Nakuti Helode enze emukata Yohane, emumanga, nakuti emuyika mukaambolimboli cikomo ca Helodeya, mkwao mka Filipo. 4. Yohane enze emuuzya eve, ''nicosa zomezyewa kuti awe mkazi wako.'' 5. Helode ngati emupaya, eyopave wanthu, cikomo emulinga nga nimupolofeti. 6 7 6. Nipo ikatu kuza siku Helode lecivyalukilamo, Mwana wa Helodeyasi evina pakati notemwesha Helode. 7. Apo emlapizya kuti amupe ciliconse cati apangwe senge. 8 9 8. Akatu uzyiwa na anyina, eciti,'' Nipeni apa, pambale, mutu wa Yohane mbatizi.'' 9. Mfumu ikalipa ngako na kulomba kwake, nipo cikomo ca cilapizyo na awo wenze nawo nkhezi, ezomela kuti upewe. 10 11 12 10. Ewauzya kuti Yohane amutende mutu. 11. Nipo mutu wiletewa pa mbale nakuti wipasiwa kwa mwananaye eciya pasa anyina. 12. Nipo asambili eciza, noula mutembo wake, nakuti eciya muyika. akatu sila, eciya usya Yesu. 13 14 13. Akatu kuvwa Yesu zyaizo, efumako kuya kwela muwato kuya ku kwayeka. akavwe maumba emsenselela na mendo kufuma muminzi. 14. Nipo Yesu eciza pali weve nowona liumba likulu. Elivwila lusungu nakuti epozya alwele wawo. 15 Cikaze cungulo, asmbili eciza nakuti eciti,'' ni mumalambo, nakuti kazuwa kayakale. Asuzuleni maumba waye kuminzi akalisitile weka vakulya.'' 16 17 18 16. Yesu eciti kwao, ''aliye cikomo ciliconse coila. mweo apeni vakuti alye.'' 17. Emuuzya kuti, ''tili tyala na mikate isano na nsawi ziwili.'' 18. Yesu eciti, '' nileteleni kuno.'' 19 20 21 19. Nipo Yesu awa liumba kunkhala pansi pa uzu. Eula mikata isanoila na sawi. Elola kumulu, eshukisha noisuna mikate noipa asambili, nakuti asambili eipa ku liumba. 20. Onse ecilya nakuti ekuta. Nipo eula visala nyenyeswa vavakulya maluwango kumi na awili ozula. 21. Awo ecilya enze nga analume miyanda makumi asano, mpuzyo anakazi na wana . 22 23 24 22.Apove ekulumizya asambili wake kuya kwela wato nakuti eciya kutangulila kusilya limbi,akili osuzula maumba. 23. Akatu suzula maumba, ekwela mulupili yeka kuya lomba. cikatu kuza cunggulo. enze kwamene uko yeka. 24. nalo wato wenze pakati pacimana, kupinukapinuka na magabigabi, cikomo mphepo yenze kunthila kufuma kunthangu kwao kwenze kuya. 25 26 27 25. Nipo pa nsita la kanai mucingulo Yesu ewazila weve, oyenda pa manzi. 26. Asambili akatu ona oyenda pamanzi, ekanganishiwa nakuti eciti, '' ni ciwanda,'' nipo welila namwezo. 27. '' Nipo Yesu ewalawizya apove nakuti eciti, '' wani tuni! ni neo! musavwa mwezo.'' 28 29 30 28. Petulo eyasuka nakuti eciti, '' Asikulu, kati nimweo, niuzyeni nize kwanu pamulu yamanzi nane,'' 29. Yesu eciti, '' iza.'' Nipo Petulo efuma muwato nakuti eyenda pamanzi kuya kuli Yesu. 30. Nipo Petulo akatu ona cinkhuka, ecivwa mwezo. peciyaba mbila, elilisha nakuti eciti, '' Asikulu, nipuzumusheni!'' 31 32 33 31. Yesu Apove etabulula kwanja kwake, nomkata Petulo, nakuti ecitikwake, ''weo wa wamvwano utontho, wakaikilanji?'' 32. Nipo Yesu na Petulo eciya muwato, nankhuka yileka kuntha. 33. Nipo asambili muwato emulambila Yesu nakuti eciti, '' cendi niwe mwana wa mulumgu.'' 34 35 36 34. Nipo akatauke, eciza ku mlundu wa Genesaleti. 35. Akatu muziba Yesu wanthu, ewila mbila paliponse Kumalo amufupi, nakuti wemuletela onse enze alwele. 36. Emupapatilila kuti akumyeve mu mpomponje ya covwala cake,nakuti anyinji ecikumya epozyewa.