¹ Yehova elabila na Mose. Eciti, ² "labila na Aroni. Nena kwa eve, 'nyale seveni zikopasa kutuba pasogolo pa coikapo nyale mkaziyasha.'" ³ Aroni ecita ici. Eyasha nyale pa coikapo kuti itubishe pafupi na pasogolo pake, monga mwemulira Yehova Mose. ⁴ Coikapo nyale cenze copangiwa teti ndipo emulangiza Mose mangidwe bake. Inkhale golide wosula kuyambila pansi pake mpaka palulu pake, kapu wosuliwa monga maliba otumbuka. ⁵ Sot, Yehova elabila naye Mose. Eciti, ⁶ "tola a Levi pakati pa bana ba a Israeli na kubatubisha. ⁷ Cita ici kwa beve kubatubisha: wazya ya cotetezela pali beve. Ubacitishe kuti bagele mubili wao wonse, bawashe vovwala vao vonse, nakuzittubisha beka. ⁸ Ndipo batole ngómbe tontho na copeleka ca unga wosalala woskanizya na mafuta. Batole ngómbe itontho inalume ibe monga ni copeleka ca ucimo. ⁹ Uwele nao Alevi kusogolo kwa tenti yokumanilamo na kusonkhisha gulu lonse la banthu ba Israeli. ¹⁰ Ukaleta Alevi pamenso pa Yehova, bana ba Israeli baike manja bao pa Alevi. ¹¹ Aroni apeleke a Levi pamenso pa Yehova, monga nsembe yoyangalasha kufumila ku bana ba Israeli kuti acite utumiki wa bana ba Yehova. ¹² Alevi aike manaja bao pa mitu ya ng'ombe. Upeleke ng'ombe imozi monga nsembe ya ucimo na iyakine ng'ombe ngati nsembe yosheka kwa neo, kuti atetezele a Levi. ¹³ Upeleke a Levi pemnso Aroni na pemnao pa bana bake n kubaimya mulu ngati nsembe yoyangalazya kwa neo. ¹⁴ Mu njira iyi upatule a Levi kubafumya pakati pa bana ba Israeli. Alevi babe bangu. ¹⁵ Vikapita ivo, a Levi alobe kuti atumikile mu citenti cokumanilamo. Ubatushe, ndipo ubapeleke ngati nsembe yoyangalasha. ¹⁶ Cita ici, ndaba nibangu-bangu kufuumila pakati pa bana ba Israeli. Bakotola malo ya mwana aliyense mwanalume osegula vumo, mwana aliyense oyamba kubadwa wa bana onse ba Israeli. Nazitolera a Levi onse kwa neo neka. ¹⁷ Bana onse oyamba kubadwa pakati pa bana ba Israeli ni bangu, onse munthu na nyama. Pa siku lenecosa moyo wa bana oyamba kubadwa mu Igigpito nebapatulira kwa neo neka. ¹⁸ Natola a Levi kufumila pakati pa bana ba Israeli m'malo mwa bana onse oyamba kubadwa. ¹⁹ Napasa a Levi ngati mphaso kwa Aroni na bana bake. Nabatola kufumila pakati pa bana ba Israeli, kuti acite nchito ya bana ba Israeli mu citenti cokumanilamo. Nabapasa kuti batetezele bana ba Israeli kuti mulili uliwonse usacite kalikonse banthu kuti bakafwike ku malo atuba." ²⁰ Mose, Aroni, na gulu lonse la bana becita ici na a Levi. Becita vonse vecilamulira Yehova kwa Mose kukhuza a Levi. Bana ba Israeli becita ici pamozi nao. ²¹ Alevi bezitubisha beka nawasha vovwala vao, Ndipo Aroni ebapeleka ngati nsembe yoyangalasha kwa Yehova nobacitila cotetezela kuti abatushe. ²² Kucoka apo, a Levi eloba kucita utumiki wao mu tenti yokumanilamo pamenso pa Aroni na pamenso pa bana aanalume ba Aroni. Ici cenze monga mwelamulilira Yehova kwa Mose za a Levi. Alevi onse ebatola mnjira iyi. ²³ Yehova elabila soti na Mose. Eciti, ²⁴ "ivi vonse ni va a Levi ali na vyaka twenti faivi na kupyolapo. Ofunika kuloba nchito yautumiki mu citenti cokumanilanamo. ²⁵ Bakoleka kutumikila mu njila iyi baka fwika pa vyaka fifite. Pa vyaka ivo basatumikila soti. ²⁶ Bakoyavya azinekwao opitilizya kukata nchito mu tetni yokumanilanamo, koma basatumikile soti. ubalangishe a Levi mu nkhani zonse.''