¹ Apo asogoleri ba makolo m'mabanja ya mtundu wa Giliyadi mwana wa Makiri benzofumila ku mtundu wa Yosefe, bewela nolabila pamenso pa Mose na pamenso pa azisogoleri benze mitundu ya mabanja ya makolo ya Israeli. ² Beciti, "Yehova ekulamulilani mweo, azisogoleri basu, kupasa gao la malamulo mwa maele ku banthu ba Israeli. Mwelamuliliwa na Yehova kupasa gao la Zelofahadi mkwasu kwa bana bake anakazi. ³ Koma ngati bana bake anakazi akakwatiliwe na mtundu uyakne wa a Israeli, gao lao lamalo likafumyiwe ku gao la makolo basu. Likaonjezekewe ku mtundu wati bakalobane nao. ⁴ Pa mlandu wa ici, ikafumyiwe pa coloba ciikika kwa seo. Pacifukwa ici, ngati cafwika ckka cacikondwelero ca bana ba Israeli, gao lao likoyavizyika na mtundu wabayavizyana nao. Mu njila iyi gao lao likofumyiwako ku gao la makolo ba mtundu wasu. ⁵ Teto Mose epeleka cilamulo ku banthu ba a Israeli, pa mau ba Yehova. Eciti, "vawalabilamtundu wa Yosefeni vacendi. ⁶ Ivi niye vawalamila Yehova kukhuza na bana banakazi ba Zelofahadi. Akuti, 'lekani wakwatiwa kuli wakuganizila kuba bwino, koma ofunika kukwatiwa tyala ku mtundu wa awisibao,' ⁷ Kuliye gao labanthu ba Israeli liti likasinthiwe kufuma ku mtundu uyake kuya ku mtundu uyake. Aliyense wa banthu ba Isralei ofunika kupitilizya na gao la mundu wa makolo bake. ⁸ Mwanakazi aliyense mwa banthu ba Israeli ali na gao mumbadwo wake ofunika akwatile kumtundundu wakwao kwa awisi. Ici cili teto kuti aliyense wamwa banthu ba Israeli angankhaleko na cooba cakumtundu wa makolo bake. ⁹ Kuliye gao yosinthika kufuma m'manja mwa banja ikoluta ku banja liyakine. Alinyense wakumtundu wa a Israeli ofunika kusunga coloba cake." ¹⁰ Teto mwana wa Zelofehadi mwanakazi eciti monga mwelamulilila Mose Yehova. ¹¹ Mala, Tirza, Hogla, Milika, na Nowa, bana banakazi ba Zelofahadi, bekwatila banaja ya Manase. ¹² Bekwatila m'mabanja ba Yosefe. Mnjila iyi, coloba cao cenkhalalilila ku banja kwayenzofumila ku banja la makolo bao. ¹³ Aya niye malamulo na malangizo yepasiwa Mose na Yehova kwa Israeli mcidikha ca Moabu m'mbali mwa Yorodani ku Yeriko.