¹ Yehova elabila na MOse kuti, ² "labila na gulula Israeli na kunena nao, 'mukayoloba mcalo ca Kenani, calo cati cikabe canu, calo ca Kenani na malile bake, ³ malile banu bakum'mwela bakakulileko kufuma ku cipululu ca Zini kufwika ku malile ba Edomu. Kum'mawa kosilizyila kwa malile yakumwela kukabe mumzela zosilizyila kumwela kwa nyanja ya munyu. ⁴ Malile yako yakasinthiwe kum'mwela kufumila ka lupili ka Akirabimi na kupita m'mbali mwa cipululu ca Zini. Kufuma apo, yakapite kum'mwela kwa Kedesi Barniya na kupilitilizya ku Hazari Adari nopitilila kusogolo ku Azimoni. ⁵ Kufuma apo, malile yakakhwenthe kufuma ku Azimoni kupita mcigwa ca Aigupto naikonkha kuya ku nyanja. ⁶ Malile yakum'mwela yakabe doko ya nyanja yamphamvu. Aya yakabe malie yakum'mwela. ⁷ Malile yakum'mpoto ykakulishiwe kupita mumzela wati ukalembe kufuma ku nyanja yamphamvu kufwika ku lupili ya Hori, ⁸ ndipo kufuma ku lupili la Hori kufwika ku Lebo Hamati, nakuya ku ZAdadi. ⁹ Ndipo yakapitilile kufwika ku Zifironi nosilizyila ku Hazari Enani. Aya yakabe malile yako yakum'mpoto. ¹⁰ Ndipo ufunika kukhoma malile yako cakum'mawa kufuma ku Hazari Enani kum'mwela kwa Shefami. ¹¹ Ndipo malile yaku m'mawa yakasondoke kufuma ku Shefami kuya ku Ribila kum'mawa kwa Ayini. Malile yakapitilizye caku m'mawa kwa nyanja ya Kinnereti. ¹² Ndipo malile yakapitilizye kum'mwela kwa mbali mwa mkolo wa Yorodani kuya ku nyana ya munyu na kupitilila kusonsokela ku mlile ya kum'mawa kwa nyanja ya munyu. Aya yakabe malo yako kulondola malile yake yonse ozungulila.'" ¹³ Ndipo Mose elamulila gulu laIsraeli kuti, "aya niye malo yati mulalandile mwa maele, yelamulila Yehova kupasa mitundu naini na mtundu wapafupi. ¹⁴ Mtundu wa mbadwo wa Rubeni, kukonkha nchito ya katundu wa mkoka wa makolo bao, na mtundu wa wa mkoka wa Gadi, kukonkhaka nchito ya mutundu wa makolo bao, na mtundu wapafupi wa Manase walandila nthaka yao wose. ¹⁵ Mitundu ibili na mtundu wapafupi walandila gao lao la nthaka kunyansi kwa Yorodani ku Yeriko cakum'mawa cakofumila zuba." ¹⁶ Yehova elabila na Mose na kuti, ¹⁷ "aba niye mazina ba analime bati bakagabe malo ya coloba canu: Eliyazara wansembe na Yoswa mwana wa Nuni. ¹⁸ Mufunika kusankhala msogoleri umozi pa mtundu uliwonse ku gaba malo mu banja bao. ¹⁹ Ana niye mazina ya analume: kufuma ku mtundu wa Yuda kalebu mwana wa Yefune. ²⁰ Kufuma ku mtundu wa mbadwe Simiyoni, Shemueli mwana wa Amuhudi. ²¹ Kufuma ku mtundu wa Benjamini, Elidadi mwana wa Kisloni. ²² Kufuma ku mtundu wa bana ba dani msogoleri, Buki mwana wa Yogoli. ²³ Kufuma ku mbadwe wa Yosefe, wa mtundu wa bana ba Manase msogoleri, Hanieli mwana wa Efodi. ²⁴ Kufuma ku mutundu wa bana ba Efraimu msogoleri, Kemueli mwana wa Sifitani. ²⁵ Kufuma ku mtundu wa bana ba Zebuluni msogoleri, Ezafani mwana wa Parinaki. ²⁶ Kufuma ku mtundu wa mkoka wa Isakara msogoleri, Palitieli mwana wa Azizzani. ²⁷ Kufuma ku mtundu wa bana ba Asa msogoleri Ahihudi mwana wa Shelomi. ²⁸ Kufuma ku mtundu wa bana ba Nafitali msogoleri Pedaheri mwana wa Amihudi." ²⁹ Ambuye elamulila analume aba kugaba malo ya Kanani nuakupasa mtundu uliwonse wa Israeli gao lake.