¹ Lomba m'mbadwo wa Rubeni na wa Gadi wenze gulu la vobeta. Pebeona nthaka ya Jaza na Gilyadi, nthaka yenze yabwino kuvobeta. ² Teto m'mbadwo wa Gadi na Rubeni wewela nolabila na Mose kupitila mwa Eliazar a wansembe na kwa asogoleri a mzinda. Beciti, ³ "iyi niye ndondomeko ya malo yeteyendela: Ataroti, Diboni, Yazera, Nimira, Eleala, Sebami, Nebo na Beoni. ⁴ Aya niye malo yenyata nkhondo Ambuye pamenso a bana ba Israeli, ndipo ni malo yabwino ku vobeta. Seo akapolo banu tinavobeta vinyinji." ⁵ Beciti, "ngati tapeza ufulu pamenso panu llekani nthaka iyi ipasiwa kwa seo, akapolo banu ngati coloba. Musapange kuti titauke kusilys kwa Yorodani." ⁶ Mose eyakha mtundu wa Gadi na wa Rubeni, "mufuna anekwanu abekuya ku nkhondo mweo munkhale pano? ⁷ Mumvwishilanji ulesi mitima yabanthu ba Israeli kuti asalute ku calo cebapa Yehova? ⁸ Aziwusuwani ecita cimozi-mozi pinebatuma kufuma ku Kedesi Barniya kuyoyendela malo. ⁹ Beluta kukwezeka mshambo wa Eshikoli. Beona malo nakufokesha mitima ya banhuba Israeli kufuma apo bekana kuloba mu malo yebapa Ambuye ¹⁰ Ukali wa Ambuye weya kufumila pa siku ila. Elumbila na kuti, ¹¹ 'zoona paliye mwanalume pakati pa befuma mu Igipito, kufuma pa zaka teti kuluta palulu, wati akaone malo yenelumbila wa Abrahamu,kwa Isaki na kwa Yakobo, cifukwa baliye nilondolele mofwishapo, kufumyapo ¹² Kalebe mwana w Yefune waku Keniziti, na Yoswa mwana wa Nuni. Ni Kalebe tyala na Yoswa benilondolela kofwikapo neo.' ¹³ Teto Ambuye ukali wao weka pali Israeli. Ebangisha kuti bazwete mcipululu kwa zaka fote mpakana mtundu wonse wecita viipa pamenso pake weonongeka. ¹⁴ Langani, mwaukila mwenzele aziusu wanu, kulingana na anlume ocimwa ngako, kuilapo pa ukali wa Ambuye pa Israeli. ¹⁵ Ngati muwelela osamkonkha eve. Asiye soti Israli mcipululu ndipo muonongeshe banthu bake onse." ¹⁶ Teto bewela pfupi na Mose na kuti, "tiloleni timange mipanda pano yavobeta vasu na minzi yamabanja yasu. ¹⁷ Mwa ici, seo amene seo tibe okonzekela kuluta na asiliali ba Israeli kufwikila tikabasogolele m'malo yao. Koma mabanj absu bankankhazikike m'minzi molimba cifukwa c banthu bayakine bakunkhala m'malo bano. ¹⁸ Seo tikawele lini kumang'anda yasu mpakana aliyense wa banthu ba Israli akatole coloba cake. ¹⁹ Seo tikatolek lini nao malo kusilya ayakine ya Yorodani, cifukwa coloba casu cilikuno kum'mawa kwa Yorodani." ²⁰ Teto Mose ebayankha ba kuti, "ngati mucite vamulabila, ngati mukonzekele kuluta na Ambuye ku nkhondo, ²¹ niye kuti aliyense mwa mweo mwanalume wa nkhondo afunike atauke Yorodani pamenso pa Yehova, mpaka akapilikishe adani bake pamenso pake ²² na malo akatolewe pa menso . Ndipo kufuma apo mungayowelela. Mikabe muliye mlandu kwa Yehova na kwa Israeli. Malo bano bakabe coloba canu pamenso pa Yehova. ²³ Koma ngati mucita lini teto, langani, mucimwile Yehova. Onesheshani kuti ucimo wanu usakakufumyeni. ²⁴ Mangani minzi yamabanja banu na makhola ya mbelele zanu: ndipo citani vamwalabila." ²⁵ Mbadwo wa Rubeni na wa Gadi welabila na Mose kuti, "banchito banu bacite monga mweo, mfumu yasu, mwalamulila. ²⁶ Azisaza basu, anakazi basu, vobeta vasu, na zonse nyama zasu vikankhala m'minzi ya Giliyadi. ²⁷ Mwaici, seo, akapolo banu, tikataukile kusilya pamenso pa Yehova kuyonyata nkhondo, mwanalume aliynse akonzekele ku nkhondo, monga mweo, mfumu yasu mwalabila." ²⁸ Teto Mose epeleka malangizo yokhuza beve kwa Eliyazara wansembe, kwa Yoswa mwana wa NUni na kwa asogoleri baku banja ya makolo ya banthu ya Israeli. ²⁹ Mose eciti kwa beve, "ngati ambanja la Gadi na Rubeni batauke namwe kusila kwa Yorodani, lidoda lililonse lokonzekela nkhondo pamenso pa Yehova, ngati na malo yakalondewe na mweo, niye kuti mukabape malo ba Giliyadi ngati coloba. ³⁰ Koma ngati batauke lini namwe okonzekela nkhondo, niye kuti bakatole coloba pamozi na mweo ku nthaka ya Kenani." ³¹ Teto mtundu wa Gadi Rubeni weyanlha na kuti, "monga mwecilabilila Abuye kwa sseo, akapolo banu, ticite camene ico. ³² Titauke okonzekela nkhondo pamenso pa Yehova kuloba mu Kenani, koma coloba cetelonda cinkhale na seo kusilya ino ya Yorodani." ³³ Teto kwa mtundu wa Gadi na wa Rubeni, na kwa akwao amtudu wa Manase mwanaa wa Yosefe, Mose epasa mfumu ya Amaleki, na Ogi, mfumu ya Bashani. Ebapa malo, nobagabila maboma bake onsena mabungwe bake onse, maboma ozungulila malo yenzepo ³⁴ Mtundu soti wa Gadi wemanga soti Diboni, Atorati, Aroeri, ³⁵ Atoroti Sofani, Yazeri, Yogibeha, ³⁶ Beti, Nimira, na Beti Harani ngati maboma ocingilizyika na mokhola ba mbelele. ³⁷ Mtundu wa Rubeni wemanga soti Hesiboni Eliya, Kiriatima, ³⁸ Nebo, Baali Meoni- mazina yecisintha pavuli pake, na Sibima. Becipa mazia yayakene ku maboma yebemanga. ³⁹ Mtundu wa Makiri mwana wa Manase elut ku Giliyadi nakuitola m'manja mwa Amori benzemo. ⁴⁰ Kufuma apo Mose ecipa Giliyadi kwa a Makiri, mbadwo wa Manase, na banthu bake benzonkhalamo. ⁴¹ Yairi, wa mtundu wa Manase, eluta notola boma lake noliita kuti Havoti Yairi. ⁴² Noba eluta na kukata Kenati na minzi yake, na kuiita kuti Noba, monga zina lake.