¹ Lomba Kora mwana mwanalume wa Izara mwana mwanalume wa Kohati mwana mwanalume wa Levi, pamozi na Datani na Abiram mwana mwanalume wa Eliabu, na pa mwana mwanalume wa Peleti, bana ba Rubeni, esonkhanisha madoda. ² Bemuukira Mose pamozi na analume ayakine mu banthu ba Israeli, asogoleri 250 ba mgulu bamene benze ozibka bwino mgulu. ³ Besonkhana pamozi kosushana na Mose na Aroni. Beciti kwa beve, "mwapaka mphamvu ngako! gulu lonse nilopatulika, aliyense mwa beve, ndipo Yehova ali na beve. Cifukwa nicinji muzitukumula mweka pakati pa gulu la Yehova?" ⁴ Mose pecimvwa izo, ewisha cinso cake pansi. ⁵ Elabila na Kora na ku onse benze nao, "m'mawa Yehova atizibishe bala banthu bake na bala opatulika kwa eve. Alete banthu bala pafupi na eve. Wala wati asankhe amulete pafupi na eve. ⁶ Cita ici, Kora na gulu lako lonse. Mukanyamulani mbale ya zopuzyila ⁷ mailo na kuika muliro na voputizya mwa veve pamenso pa Yehova, uyo wati Yehova amsankhe, uyo munthu apatulikile Yehova. Mwapaka mphamvu ngako, mweo bana ba Levi." ⁸ Soti, Mose eciti kwa Kola, "lomba mvwani, mweo bana ba Levi: ⁹ Ncinthu citontho kwa mweo kuti Mulungu wa Israalei wakusiiyanishani mweo na gulu la Isralei, kukuletani pafupi na eve, kugwira nchito mkacisi ya Yehova, nakuoanama pamenso pa gulu kubatumikira? ¹⁰ wakuletani pafupi, na nekwanu, bana ba Levi, na weo ko mufuna soti nchito ya unsembe! ¹¹ mwakuti weo na gulu yako yonse mwakumana pamozi kuukira Yehova. Aroni nibani kuti mungodandaula pali eve?" ¹² Ndipo Mose eita Datani na Abiramu, bana ba analume ba Eliabu, koma eciti, "sitwela. ¹³ Nicinthu citontho kuti mwetifumya ku calo cufuma mkaka na uci, kutipaya mcipululu? lomba mufuna kuzipanga mweka wotilamulira! ¹⁴ Moonjeza, muliye tilobeshe mcalo cuyenda mkaka na uci, kapena kutipasa minda na minda ya mphesa ngati coloba. Lomba ufuna kutivala menso na malonjezano yosakwanilishika? Sitiwela kwa mweo." ¹⁵ Mose ekalipa ngako nakuuzya Yehova kuti, musalemekeze zopelaka zao. Niliye tole bulu olo m'mozi kwa beve, kapena kucita ciipa kwa m'mozi mwa beve." ¹⁶ Ndipo Mose eciti kwa Kora, "mailo weo na gulu lako mukalute pamenso pa Yehova- weo na beve na Aroni. ¹⁷ Aliyense wa mweo atole mbale yake nakuikamo voputizya vonunkhila, ndipo lidoda lililonse alete pamenso pa Yehova mbale yake. Mbale 250 weo na Aroni, namwe, mufunika kuleta mbale zanu." ¹⁸ Teto lidoda lililonse letola mbale yake, nakuikamo muliro, nakuikamo voputizya, nakupanama pamlyango wa tenti yokumanamo na Mose na Aroni. ¹⁹ Kola ekumanisha gulu lonse kuukira Mose na Aroni pa mlyango wa tenti yokumanamo, ndipo ulemelero weonekela ku gulu lonse. ²⁰ Ndipo Mose ekamba kwa Mose na kwa Aroni: ²¹ "muzipatule mweka pa gulu ili kuti nibasilizye lomba teti," ²² Mose na Aroni eponesha nkhope zao pansi nakuti, '"Mulungu, Mulungu wa mizimu ya banthu onse, ngati munthu m'mozi wacimwa, ko mungakalipile gulu lonse?" ²³ Yehova emuyankha Mose. Eciti, ²⁴ "labila na gulu. Kuti, "fumam'moni mu tenti ya Kora, Datani na Aburamu.'" ²⁵ Ndipo Mose euka na kuya kwa Datani na Abiramu; akuru-akuru ba Israeli emkonkha. ²⁶ Elabila na gulu nakuti, "lomba siyani ma tenti ya analume ofoka musakumye kalikonse kao, ndaba mungaonongeke kamba ka macimo bao." ²⁷ Teto gulu la mbali zonse za tenti ya Kora, Datani na Abilamu lecoka kwakwa beve. Datani na Abilamu efuma nakupanama pamlyango wa tenti yao, na anakazi bao, na bana bao analume, na atontho bao. ²⁸ Ndipo Mose eciti, "mwaici muzibe kuti Yehova wanituma neo kucita izi zonse. Pakuti niliye zicite m'maganizo ba neo neka. ²⁹ Ngati madoda aba angafwe makufwela banthu onse, niye kuti Yehova aliyenituma. ³⁰ Koma ngati Yehova angacite cinthu canyiwani, na calo civule pakamwapake nakubamela beve, na vili vonse vao, nakuya kumanda ali na moyo, ndipo mukabe kuti madod aba anyoza Yehova." ³¹ Pengolsilizya Mose kulabila mau onse aba, nthaka yeng'ambika pa benze madoda. ³² Calo cevula pakamwa pake nakubamela, mbanja bao, na banthu onse ba Kora, na vinthu vao vonse. ³³ Teto beve na onse benze nao eciya kumanda ali ba moyo, calo cebavalikira, ndipo eonongka pa gulu. ³⁴ Aisraeli onse ethaba m'minzi yao, pakumvwa kulira kwao, "calo cingatimele nase!" ³⁵ Ndipo muliro weseluka kufuma kwa Yehova nakushoka madoda 250 enzewela na coputizya. ³⁶ Yehova elabila soti na Mose nakuti, ³⁷ "Labila na Eliyazara mwana mwanalume wa Aroni wansembe kuti aphule mble zoputizya pamuliro, pakuti mbale nizopatulikira neo. Ndipo utaye malasha bake kutali. ³⁸ Tola mbale zao etaya miyoyo yao kamba ka cimo lao. Uzichaye nakupanga mbale monga vovwinikira pa guwa. Awo madoda ezileta pamenso pangu, teto nizopatulika kwa neo. Zikankhale cizindikilo ku bana ba Israeli." ³⁹ Eliazara wansembe etola mbale zoputizya zenzo geieisa nchito madoda eshokewa, na kuchaya nakupanga covwinikira pa guwa, ⁴⁰ cinkhale cokumbukilapo ku bana ba Israeli, kuti wakunja ali lini mbeu ya Aroni afwendele nakushoka nsembe yopuzya pamenso pa Yehova, kuti ankhale ngati Kora na gulu lake- monga Yehova emulamulira kupitila muli Mose. ⁴¹ Koma m'mawa mwanke gulu lonse la bana ba Israeli ledandaula kwa Mose na Aroni. Beciti, "mwapaya banthu ba Yehova." ⁴² Ndipo cecitika kuti lekumana gulu lonse mokangana na Mose na Aronu, ndipo pelanga ku tenti yokumanamo ndipo, onani, mtambo weciphimba. Ulemero wa Yehova weonekera, ⁴³ ndipo Mose na Aroni bewela pasogolo pa tenti yokumanamo. ⁴⁴ Ndipo Yehova ekamba na Mose. Eciti, ⁴⁵ "fumamponi pasogolo pa gulu ili kuti nibasilizye lomba teti, "ndipo Mose na Aroni eponesha nhope zao pansi. ⁴⁶ Mose eciti kwa Aroni, "tola mbale yoputizya, uikemo muliro wa pa guwa la nsembe, uikepo coputizya, nkhoyanayo msanga ku gulu, upange cobatetezela beve, cifukwa ukali wa Yehova wawela. Mlili wayamba." ⁴⁷ Teto Aroni ecita mwemuuzyila Mose. Eutuka kuloba pakati pa gulu. Mlili weyamba pakati pa banthu, teto eika coputizya pakati pao nakupanga cotetezela ku banthu. ⁴⁸ Aroni epanama pakati pa bakufwa na bamoyo; munjila iyi mlili weleka. ⁴⁹ Ao ecifwa na mlili benze 14, 700, kusaikilapo bala becifwa na cilango ca Kola. ⁵⁰ Aron ewelela kwa Mose pa mlyango wa tenti yokumanamo, ndipo mlili wesila.