¹ Mu mwezi wa Nisani, mu caka ca twelufu ca Aitasasta mfumu, esankha cakumwa, ndipo netola cakumwa nakupasa a mufmu. Lomba nenze nikaliye nkhalapo wosakondwela pamenso pao. ² Koma a mfumu eciti kw neo, "nicinji cinso cako nicosakondwela? muoneka lini olwala. Ici cingabe cisoni camumtima." Teto nenkhala na mantha. ³ Neciti kwa mfumu, "mfumu kinkhale na moyo nthawi zonse! cingalekelenji cinso cangu kuba cokondwera? ku munzi ku malo ya makolo bangu ni manda, muli matongwe, na milyanfo yake yeonongewa na muliro." ⁴ Teto a mfumu eciti kwa neo, "mufuna kuti nicite cinji?" moteto neyamba kumpemphela kwa Mulungu wa kululu. ⁵ Teto nebankha amfumu, "ngati cubawamila a mfumu, ndipo ngati kapolo wanu wacita cabwino m'menso mwanu, munganitumuzye ku Yuda, kumunzi ya manda yamakolo bangu, kuti nikaumange." ⁶ A mfumu eniyankha (ndipo mfumukazi yenze pambali pake), "ni nthawi itali tyani yati ukankhale paliye ndipo ukawelele lini?" A mfumu ekondwela kunitumizya pineasa masiku. ⁷ Ndipo neciti kwa mfumu, "ngati cukondwelesha mfumu, inipe makalata ya olamulira mumzinda wupitilila msinje kuti bakaniganivolezye kutipila m'malo bao mpaka kufwika ku Yuda. ⁸ Pankhale soti kalata ya kwa Asafu osunga nsanga ya mfumu, kuti anipe vimiti vopangila nsanamila za mulyango wa linga pafupi na kacisi, na ya vipupa va mzinda, na va ng'anda yati nikonkhalamo." Teto cifukwa kwanja labwino la Yehova lenze pa neo, a mfumu enipasa pempho langu. ⁹ Newela ku olamulila ba mumzinda kusilya kwa msinje na kubapasa makalta ya mfumu. Ndipo a mfumu betumizya akazembe ba nkhondo na bapa akavalo kuluta nane. ¹⁰ Pecimvwa Sanibalati mu Horoni na Tobiya mu Amoni, cebaipila ngako kuti muyakine wa wela enzofunishisha kuthandiza bana ba Israeli. ¹¹ Ndipo newelaku Yerusalemu ndipo nenze kwamene masiku yatatu. ¹² Nenyamuka usiku, neo na analume batontho. Niliye uzyeko aliyense veika Mulungu mumtima mwangu kucitila Yerusalemu. Kwenzeve nyama na neo, koma tyala nyama yenenzo yendesha. ¹³ Nefuma panja usiku pa mlyango wa cigwa kuluta ku cisime na ku mlyango wokaniwa, na kuyendela kuona vipupa va Yerusalemu, vepasuka, na milyango yake yeonongeka namuliro. ¹⁴ Teto nepitilila kuluta ku mlyango wa cisime, na ku manzi ya fumu. Malo yenze yatontho kuti nyama ipitepo. ¹⁵ Moteto neluta usiku ku mshambo na kuona vipupa, na kuwelela kuvuli noloba pa mlyango wa mumshambo, ndipo newelela. ¹⁶ Olamulila aliye zibe kwineluta olo vinecita, ndipo nenze nikaliye bazibishe a Yuda, olo ansembe, olo olemekezeka, olo olamulila, na onse bala becita nchito. ¹⁷ Neciti kwa beve, "mwaona vuto yatilimo, kuti Yerusalemu weonongewa ndipo milyango yake yeonongewa na muliro. Welani, tiyeni timange soti vipupa va Yerusalemu, kuti tisakabe soti tonzyo." ¹⁸ "Nebauzya kuti kwanja labwino la Mulungu wangu lenze pali neo na mau soti ya mfmu yecilabila nane. Benena kuti, "tiyeni tinyamuke na kumanga." Kwakuti belimbikisha manja bao pa nchito yabwino. ¹⁹ Koma Sanibalati mHoroni , na Tobiya wanchito mu Amoni, na Gesemu mu Arabu, pibecimvwa betiseka na kutipepusha, na kunena kuti, "mucita cinji? muukila mfumu?" ²⁰ Teto nebayankha, "Mulungu wa kululu atipambanishe. Nise atumiki bake ndipo tinyamuke na kumanga. Koma muliyepo mbali , olo ulamuliro, kapena cikumbukiro mu Yerusalemu."