¹ Afalisi na asaduki ewela kumuyesa pomkonsha konsho kuti abalangizhye cizindikilo cofumila kululu. ² Koma eyankha na kuti kwa beve, "ngati niusiku, mukuti, 'kunkhale mphepo yabwino, pakuti kululu kuli nkusweta.' ³ Ngati ni m'mawa, mukuti, 'kunkhale kamphepo kabwino pakuti mumlenga-lenga nimusweta ndipo kugunda.' Muziba momasulila maonekedwe ya mumkenga-enga, koma mungamasulile lini cizindikilo ca nthawi. ⁴ Mbadwo uipa na wavigololo ufuna cizindikilo, koma kuliye cizindikilo citi cikapasiwe kwa weve koma ca Yona tyala." Ndipo Yesu ebasiya nofumapo. ⁵ Ophunzila pibefwika ku mbali iyakine, benzeluba kunyamula buledi. ⁶ Yesu eciti kwa beve, "nkhalani menso na chelu na cofufumisha buledi ca afalisi na asaduki." ⁷ Ophhunzila eganiza mwa beve beka na kuti, "ko nicifukwa cakuti tiliye nyamule buledi." Cifukwa ⁸ Yesu eziba za ici eciti, "mweo acikhulupililo citontho, cifukwa canji muganizila mwa mweo mweka nakuti nicifukwa cakuti mwanyamula kapena mliye nyanule? ⁹ Ko muziba lni kapena kukumbukila mabuledi faivi ya banthu faivi sauzande, na ma swanda yimweika pamozi? ¹⁰ Kapena mabuledi seveni ya banthu sauzande, ndipo ni maswanda angati imwetola? ¹¹ Nicinji cimusamvwishishila kuti nenzolabila lini na mweo za buledi? nkhalani menso na chelu pali cofufumisha ca afalisi na asaduki." ¹² Teto bemvwisha kuti enzolabila lini za cofufumisha buledi, koma ciphunzisho ca afalisi na asaduki. ¹³ Lomba Yesu pefwika pa malo pafupi na Kaisareya Filipo, enkonsha ophunzila bake, nakuti, "Ko banthu olabila kuti mwana wa munthu nibani?" ¹⁴ Beciti, "Bayakine bakuti ni Yohane mMbatizi; bayakine, Eliya; na bakine, Yelemiya, kapena umozi mwa aneneri." ¹⁵ Eciti kwa beve, "Koma mweo mukuti nine bani?" ¹⁶ Kuyankha, Simoni Petulo eciti, Nimwe Kristu, mwana wa Mulungu wamoyo." ¹⁷ Yesu eyankha na kuti kwa eve, "Odalisika ni weo Simoni Bar-Yona, pakuti mubili na magazi viliye ululike kwa weo, koma Atata bangu ali kululu. ¹⁸ Nukuti soti kwa weo niwe Petulo, Pali mwala uyu nikamange chalichi yangu. Milyango ya ku hade yakakusegukile lini. ¹⁹ Nikakupaseni ma kiyi ya ufumu wakululu. Ciliconse cimwamanga pa calo ca pansi nakulu camangiwa, na ciliconse cimwamasulula pa calo ca pansi na kululu camasuliwa. ²⁰ Ndipo Yesu elamulila ophinzila bake kuti basakauzhye aliyense kuti eve ni Kristu. ²¹ Kufuma pa nthawi iyo Yesu eyamba kuuzhya ophunzila bake kuti ofuna kuya ku Yelusalemu, kovutika vinthu vinyinji m'manja mwa akulu, akulu ansembe na alembi, kuyopawa, na kuyoukishiwa soti ka akufwa pa siku ya citatu. ²² Ndipo Petulo emtola pa mbali nakumuzuzula, nakuti, "lekani ici cibe kutali na mweo, Ambuye; Lekani ici cisacitike pali mweo. ²³ Koma Yesu ecunguluka na kuti kwa Petulo, "nkhaya kuvuli kwangu, satana! Pakuti usamala lini za vinthu va Mulungu, koma za vinthu va banthu." ²⁴ Ndipo Yesu eciti kwa ophunzila bake, Ngati aliyense ofunina kunikonkha, ofunika kuzikana yeka, nonyamula mtanda wake nakunikonkha. ²⁵ Pakuti aliyense ofuna kupulumusha moyo wake akautaye, na aliyense wotaya moyo wake cifukwa ca neo akaupeze. ²⁶ Pakuti cumuphindilila cinji munthu opata calo conse ca pansi notaya moyo wake? Ko mutnhu aangapeleke cinji ku sinthanisha na moyo wake? ²⁷ Pakuti mwana wa munthu akawele mu ulemelelo wa Awisi bake na angelo. Ndipo akapase mphaso munthu aliyese kulingana vecita. ²⁸ Cendi nkukuti kwa mweo, bayakine mulipo pano muli peneme mwati simkalaba imfwa mpaka mukaone mwana wa munthu akuza mu ufumu wake."