¹ Buku la mubadwo wa Yesu Kristu, mwana wa Davide, mwana wa Abraham. ² Abraham enze usuwake wa Isake, na Isaki usuwake wa Yakobo, na Yakobo, na Yakobo usuwake wa Yuda na azinekwao. ³ Yuda enze usuwake wa Amminadabu na Zelah mwa Tamar, Pelezi usuwake wa Hezloni, na Hezloni usuwake wa Rami. ⁴ Rami enze usuwake wa Amminadabu, Amminadabu usuwake wa Nasoni, na Nasoni usuwake wa Salimon. ⁵ Salimon enze usuwake wa Boazi mwa Rahabe, Boazi usuwake wa Obedi mwa Lute ,Obedi usuwake wa Jessie. ⁶ Jessie enze usuwake wa Davide mfumu,Davide usuwake wa Solomon mwa mukazi wake wa Uriya. ⁷ Solomon enze usuwake wa Rehoboamu, Rehoboamu usuwake wa Abiya,Abiya usuwake wa Asa. ⁸ Asa enze usuwake Jehoshafati ,Jehoshofati usuwake wa Yorumu,na Yorumu kholo lake la Uzziya. ⁹ Uzziya enze usuwake wa Yotamu, Yotamu usuwake wa Ahazi, Ahazi usuwake wa Hezekiya . ¹⁰ Hezekiya enze usuwake wa Manase, Manase usuwake wa Amoni, na Amoni usuwake wa Josiya. ¹¹ Josiya enze kholo lake la Jekoniya na azinekwao pa nthawi ya kubalalika ku babulo. ¹² Pavuli pakubalalikila ku babulo, Jekoniya na usuwake wa Salati, Salati kholo lake la Zerubabeli. ¹³ Zerubabel enze usuwake wa Abiudi,Abiudi usuwake wa Eliakimu, na Eliakimu usuwake wa Azoli. ¹⁴ Azoli enze usuwake wa Zadoki, Zadoki usuwake wa Akimu, na Akimu usuwake wa Eliudi. ¹⁵ Eliudi enze usuwake wa Eliezala , Eliezala usuwake wa Matani, na Matani usuwake wa Yakobo. ¹⁶ Yakobo enze usuwake wa Yosefe mulume wake wa maliya, mwecibadwa Yesu ozibika kuti Kristu. ¹⁷ Zonse mibadwo kufuma pa Abrahamu kufika kwa Davide yenze mibadwo fotini,kufuma pa Davide kufika pa kubalalikila ku babulo mibadwo fotini, na kufuma pa kubalalikila ku babulo kufika pa Kristu mibadwo fotini. ¹⁸ Kubadwa kwa Yesu Kristu kwecitika mwa njila iyi. Anyina wake, Maliya, enze ekonshelewa na yosefe, koma bakaliye lungulane, epezeka na bvumo la muzimu utuba. ¹⁹ Koma yosefe mulume wake, enze munthu olungama na kuti senzofuna kumcitisha nsoni patuba, enzoganizila zoinga muleka kachete chete. ²⁰ Akali kuganizila ivi vinthu, mungelo wa Ambuye emuonekela eve mwa maloto, eciti, "Yosefe mwana wa Davide, osayopa kulungula maliya monga mukazi wako,pakuti uyu wamitiwa mwa eve wamitiwa na muzimu Utuba. ²¹ Eve akabale mwana mwanalume, na weo ukamupase zina Yesu, pakuti eve akapulumushe banthu bake ku macimo." ²² Conse ici cecitika kukwanilisha cenenewa na ambuye kupitila mwa muneneli, kuti, ²³ Onani, namwali akamite na kubala mwana mwanalume,akamuteye zina lake Imanueli"-Lotanthauza ici, "Mulungu ali na seo." ²⁴ Yosefe euka pa tulo twake na kucita monga mungelo wa Ambuya ecilamulila eve, na kumutola eve abe mukazi wake. ²⁵ Koma aliye muzibe kufikila enkhala na mwana mwanalume.Apa emupasa zina kuti Yesu.