¹ "Kwa mngelo waku chalichi yaku Efeso lemba: 'Mau ya wamene okata nyenyezi seveni mkwanja kwake kwendi na oyenda pakati pa voikalo nyali seveni ya golide. ² Nuziba nchito zake, na nchito yako yokosa na kupilila kwako, nakuti suuvomelezyana nao bala ochita viipa, koma wabayesa bala oziita beka kuti otumiwa koma niteto lini, ndipo wapeza kuti ni bawenye. ³ Koma upilira moteka mtima nakuvomela kamba ka zina langu, nakuti uliyebebe. ⁴ Koma nili nacho chosushana nawe kuti wasiya chikondi chako choyamba. ⁵ Mwa ichi kumbukula kwawaponela. Lapa nakuchita vinthu viwenzechita poyamba. Peka-peka ukalapa, nikawele kwako nakufumyapo choikapo nyali pamalo pake. ⁶ Koma uli na ichi: utinkha nchito za aNikolai zamene nane nutinkha. ⁷ Lekani wamene ali na matu amvwe chakulabila mzimu ku machalichi. Kwa wamene ati akapambane nikampase ulamuliro wakulya ku chimuti cha moyo, chamene chili mu Paradaiso wa Mulungu.'" ⁸ Kwa mngelo wa chalichi yaku Simuna lemba: 'Mau yawamene ali woyamba na wosilizya, wanene enze wakufwa nokuzonkhala na moyo. ⁹ "Nuziba kuvutika kwako na kusauka kwako, koma niwe olemela. Nuziba mwano wabala onena kuti na Yuda, koma niteto lini. Ni Sinagoge wa Satana. ¹⁰ Osayopa vauli napafupi kuvutika navo. Ona Myerekezi ali pafupi kuponya bayakine mjele kuti mukayesewe, ndipo mukavutike masiku teni. Nkhala okhulupilika mpaka imfwa, ndipo nikakupaseni kolona wa moyo. ¹¹ Lekani wamene ali namatu amvwe chamene mzimu olabilaku machalichi. Wamene ati akapambane wakachitiwa na imfwa yachibili.'" ¹² "Kwa mngelo wa chalichi yaku Pergamo lemba: Mau ya wamene ali na lupanga lakuthwa konse-konse: ¹³ "Nuziba kwaunkhala, kula kwamene mpando wa Satana uli. Koma weo wakatisha zina langu. Nuziba kuti uliyekane chikhulupiliro chake mwa neo, olo mumasiku ba Antipa mboni yangu, okhulupilika wangu, wamene epayiwa pakati panu, kwala kwamene Satana konkhala. ¹⁴ Koma nili navinthu vitontho vosushana nawe: uli nao uko bamene okatishisha kuchiphunziso cha Balamu, wamene ephunzisa Balaki kuponya chopunthwisha pamenso pa bana ba israeli kuti balye chakulya chopelekewa ku mafano nakuchita chigololo. ¹⁵ Mnjira yamene iyo, muli nao bayakine okotishusha chiphunziso cha a Nikolai. ¹⁶ Moteto lapani! Ngati simungachite teto nikawele kwa mweo msanga, nikabatile nkhondo beve na lupanga la mkamwa mwanga. ¹⁷ Lekani wamene ali na matu, amvwe chamene mzimu onena ku machalichi kwa wamene opambana nikamupaseko manna obisika, ndipo nikamupase mwa utuba na zina lamene paliye oliziba lolembeka pamwala, zina lamene paliye oliziba koma wamene alilandira.'" ¹⁸ "Kwa mngelo wa chalichi yaku Tiyalira lemba: 'Aba ni mau a mwana wa Mulungu ali na menso monga malawi amulilo na mendo monga mkuwa wopukuta bwino. ¹⁹ Nuziba nchito zako: chikondi chako, chikhulupiliro chako, utumiki wako na kupilira kwako moteka mtima. Nuziba kuti vuwachita lomba vuposa vewenzechita poyamba. ²⁰ Koma nili na ichi chosushana nawe: Walekelelra muzimai Yezebeli, oziita yekha meneneri, mwa chiphunziso chake onyenga atumiki bangu kuchita chigololo nakulya vakulya vopelekewa ku mafano. ²¹ Nampasa nthawi kuti alape, koma ofuna lini, kulapa chigololo chake. ²² Ona! nimponye pabedi kuti alwale, nabala onse ochita naye chogololo nibaponye mmanzunzo akulu, peka-peka akalapa zinchito zake. ²³ Nimpayire bana bake, na machalichi onse azibe kuti nineo nusanthula maganizo na mitima. Nikupase kwa aliyense wa mweo monga mwa zinchito zake. ²⁴ Koma kwa monse amu Tiyatira, kwa aliyense wamene sokata chiphunziso ichi ndipo oziba lini vamene bayakine oita kuti zakuya za Satana- kwa mweo nikuti, sinizakutwikishani katundu uyakune. ²⁵ Mu njira iliyonse, katishishani mpaka nikawele. ²⁶ Wati akapambane nakusunga nchito zangu mpaka ku chisilizyiro, kwa eve nikamupase ulamuliro pa vyalo. ²⁷ 'Akabalamulire na ndodo ya chisulo, monga vinthu vochitoumba na lito akabafye tuduswa-tuduswa.' ²⁸ Monga mwanalondela kwa Atata, nikampase soti nthanda ya kummawa. ²⁹ Lekani aliyense ali na matu, amvwe chakulabila mzimu ku machalichi.'"