¹ Apo, Fesikasi wengenine mu litunga, nehoni munyima o mayuwa ahatu, ayepo kutunda kwa kaserea kuthza ku Jelusalema. ² Mupulisita wowa kulu wo Majuda waya analimukiwa nene aletile atulile Paulusi, ne waipulile Fesitasi nawana- ³ kumulomba ci akwame shiwa Paulusi-no kumuula simoni ku Jelusalema apo aliloishelile kumupa kwali mulikun'wa. ⁴ Fesitasi ayepo tawa eci Paulusi amutulekile ku Caserea, honi aye shinda wa thzileko popo. ⁵ "Nehoni, awo atwesha," wa ambile, "waswanela kuthza kuya natwe. Ngakoshili eshi shinepa kwa mukwelume mumukwatele." ⁶ Fesitasi kakalile mayuwa mutanu na hatu nji likumi lio mayuwa kalo naye ayepo huka kuulumukela ku Caserea, kalo no liyuwa lia hatile ko wakalile mushikalo sho katulo no kuambela Paulusi eci amulete ku kwenji. ⁷ Apa akumine, Mujuda awa tundile ku Jelusalema wemanine popepi, kalo wa letile milandu thzo kupila upaki. ⁸ Paulusi wa liamwenine yofoci no kuamba, " Kwithsa shoshimango eshi inepisha ku mulao wo Majuda shianga mutempele kalo shianga kwa Caserea." ⁹ Uno Fesitasi mukufota ci anyanyukishe Majuda, kalo wa tawile Paulusi no ku amba, " Wafota kuthza ku Jelusalema oku nika kuatulela yame ko eyi inu iya?" ¹⁰ Paulusi ambile, "Naimana mukuta thzo Caserea umu nikaatulela shinako Majuda kwithsa eshi na wepishela, eci elio ona limuka nowe. ¹¹ S hianga nga ina kwama omango nji nga ina kwama shokuni twala ku kufa, kani kana kufa. Uno nga opaki wo pokwithsa, kwithsa oyu ni twala ku koo. Na kalomba ku Kasesale." ¹² Munyima thzo Fesitasi kuamba na akakuta, wambile, "Walombile kwa Kasesale kenge othza kwa Kasesale!" ¹³ Ne munyima amayuwa, Fumu Angilipa no Benisi wakumine ku Kasesalia kuna vumenena Fesitasi. ¹⁴ Munyima thzo mayuwa omangi, Fesitasi wa tongwelile fumu shaamba sha Paulusi, wambile, "Kwa kalile mukwelume wa shialile kwa Felekisi mukamenga. ¹⁵ Opo na kalile mu Jelusalema, mupulisita osho kulu na akulu wo Majuda a letile milandu thzoyu mukwaelume ku kwange, alombile ci amuatule. ¹⁶ Nawa tawile ci kali shithzo sho Maloma kupa munu yo muhe kushime kuliwana no awa mu thsombisha no kupiwa shibaka sho kuliamwena yo shinda ku milandu. ¹⁷ Nehoni, awa keile pofoci kunoo, kanoi tatelelila, uno liyuwa eli lia hatileko nakalile shikalo sho katulo kalo na tumine oyu mukwelume eci amulete mukaci. ¹⁸ Ou akwa kulundela emanine kwithsa mulandu ou amupile ou ayalile eci yane pisha. ¹⁹ Kupita, awa po amulundela yi amba yo kulitawa koo nenji yi mweya ya Jesu oyu wa wafile oyu Paulusi anba eci ayoya. ²⁰ Kona wanine mo kufotishishela eshi shiamba, kalo na mwipulile ngeci aye ahime kuthza ku Jelusalema kukemana pa shiama sho milandu ethsi. ²¹ Uno Paulusi apa lilombelile kumutuleka mutongolokutateela mumaneno wa mpala, na muambelile eci akele mutongolo kupitela apo na kumutumena kwa Sesale. ²² Angilipa ayepo amba kwa Fesitasi, "Na me nafota kuteela koyu mukwelume." "Peunja," Fesitasi ayepo amba," "kenge wa kumuyuba." ²³ Nehoni muliyuwa eli lia hatileko, Angelipa no Bernise akeile no kolo nene, akeile munjiyo na akulu o mathswalale no akwelume alemekiwa mushikun'a. Apa Fesitasi atuminine Paulusi amuletile ku kwoo. ²⁴ Fesitasi wa ambile, ''Fumu Angilipa, namwe wahe akwelume amwe mulinetu, muna mono oyu mukwelume; ungi wa majuda nanisha ku Jelusalema no kuno kalo, kalo a kuwelela eci ka loelile kuyoya. ²⁵ Na wanine kwithsa eshi nakwama shoku loela kufa; unone mukonda aye wa lombile kwa imbela nga apa nayalile kumuhusha. ²⁶ Uno kanili no shimweya sho shemwa sho kun'olela kwa Fumu wange. ko livaka eli, nga ona muleta kukoe, shikulu kukoe, Fumu Angilipa, eci niwane shimweya sho ku n'olela mukaci ko shiamba. ²⁷ Mukonda ka kuyubahalashimweya ku kwange kutuma lipanditi kalo no kukana kuamba eshi athsombi shiwa aye."