¹ Ou twathzile kutunda kukoo kalo no kuvua, twa shimbile lyo kucinakana kuthza ku shikun'a sha Kosi, kalo liyuwa lia hatileko twa thzile kushikun'a sho wa Roda, kalo kutundapo twathzile ku shikun'a sha Patala. ² Ou twawanine wato kuyavukela ku Fonisia, wo twa ngeninemo no ku kakuma posho. ³ Ou twatundile ku Cypulasi, otwa pitelile ku shimoho kumanyima owato, otwa tambile ku Silia no kuka kashekela muliya lio Tile, apa twaka kumine no wato otwa katundishilemo imweya etanga muwato. ⁴ Munyima thzo kuwana afundishiwi, twakakalileko mayuwa mutanu na eli. ko mupepo akanishile Paulusi eci athza ku Jelusalema. ⁵ Apo mayuwa etu kuya akwanine, otwa katukile kuthza mulikunwa lietu, kalo wahe, no wanu woo no anoo, watu shindekethzile kutunda muliumbo, atwepo tukinyima ku manwi muliya, no kulombela, ⁶ Atwepo tulishialisha anu na apenji. kalo atwepo twingena muwato, awo ahukile munyima. ⁷ Apo wapwile muendo wetu kutunda ku Taile, wo twa kumine ku Ptolemais. oko otwa vumenine micaha no kukala no liyuwa lio foci. ⁸ Muliyuwa lia hatileko otwa thzile ku Kasilia. wo twa ngenine munjiyo thza Filipi, muambi wo katala, yomweya yo mtanuna eli, wo twakalile nenji. ⁹ Oyu mukwelume wakalile no alyaho ane awo ali no mupepo oku polofita. ¹⁰ Apo twa kaliko mayuwa amweya, kwa keile mupolofita amweya olithzina lio Agabus kutundelela ku Judea. ¹¹ Wa keile ku kwetu no kushimba mwiya wa Paulusi. Kou mwiya wa hangile kumoko no ku maulu no kuamba, "Mupepo oukenu wa amba; Kenge Majuda omu Jelusalema akuanga mukwelume no mwiya wenji, kenge aku mupaka mumoko o anu omu matunga."' ¹² Apo twa yuvile eyi inu, natwe na anu owa kalile omu litunga otwa lombile eci Paulusi athza ku Jelusalema. ¹³ Nehoni Paulusi wa tawile, Yine eyi mukwama, kulila no kucola mucima wange? ame ina liloishela, kali kwangiwa pohuma, no kufela mu Jelusalema mulithsima lia Fumu Jesu." ¹⁴ Mukona Paulusi wa kanine kumuambela, otwa tutwalile, kutendahale shihima sha Nyambi." ¹⁵ Munyima thzo mayuwa ao, twa shimbile mikota thzetu no kuthza ku Jelusalema. ¹⁶ Kwa thzile kalo afundishiwi wa mweya netu ku tunda ku Caselia. Akeile no mukwelume o lithzina Mnason, mukwelume kutunda Cypulasi, mufundishi o mutatekelo, oyo nga twa kalile nenji. ¹⁷ Apa twa kumine mu Jelusalema, apetu atutambulile ko kunyanyuka. ¹⁸ Muliyuwa lia hatileko Paulusi wathzile netu kwa Jakovo, ne wahe wakulu kwa kalile. ¹⁹ Apa amanine kuwa vumenena, ayepo watongwela enu ko kulihata eyi Nyambi na kwamena matunga mu mukwameno wenji. ²⁰ Apa a iyuvile, wa shangalile Nyambi, kalo wa ambile ku kwenji, "Ona mono, mwapange, ita ingahi awa analitawa mukaci ka Majuda. Wahe ana oteliwa ku tuleka mulao. ²¹ Wahe ana watongwela yoe, eci walongethsa wahe Majuda awa ali mu matunga ku pilukela Mushe, kalo wa anukethsa kutwala ano ku mukanda, no kukana kuthza ko shlika sho. ²² Otukwame ngepi? Kenge shemwa ayuva eci o neya. ²³ Nehoni otende esho tu kuambela, tuli na kwelume ane awa analianga. ²⁴ Shimba awa akwelume olikenishe nao, kalo owa kulele, eci atweshe kuli teula mitwithzoo. Apo munu na munu kenge alimuka eci enu eyi natongwela ya kwithsa. Kenge alilongethsa eci nowe kalo wa hayoya ko owa, kutuleka mulao. ²⁵ Uno eci kwa matunga awa ana litawa, tuna n'olo mayalo etu eci alituleke awo ashinda kwinu yo ku kwamena athzimu, kutunda ku nyinga, kutunda ko yo kuoiwa, no ku luthziho." ²⁶ Nehoni Paulusi wa shimbile akwelume, kalo muliyuwa lia hatileko wa likenishile noo. Ne wathzile mutempele, no kuamba mayuwa okuli kenisha awo ashinda aku tendahala kalo shimweya sho kupa Nyambi sha kutunda kumunu no munu. ²⁷ Apa m ayuwa mutanu na eli apwile, Majuda amweya atundile ku Asia, amonine Paulusi kuli mutempele, wa otelile anu owangi ku mukwata. ²⁸ Akuwelelile, " Akwelume oku Isalaele, mutu kwathse. Yo lio oyu mukwelume nalongethsa akwelume wahe ko kuhe enu eyi inakana kupandama kwaanu, mulao, no shino shivaka. kutunda apo, ona leta kalo Magelike mutempele klao ona leta mathzilo mushivaka sho shikenu." ²⁹ Kalo munyima na mono Trophimus oku Efese naye kwali muliumbo, ne wa yalile eci Paulusi na muleta mutempele. ³⁰ Liumbo wahe emanine no anji oshokulu, kalo anu andandumukile pofoci no ku kwata Paulusi. Wamukokelile ku nyima thzo tempele, nema shelo popo no ku yanjeliwa. ³¹ Apo afotile eci amupae, mukulu oku tumina akwa kunyunga pa shelo wa yuvile eci Jelusalema wahe mun'ole ali. ³² Popo ayepo shimba mathswalale no akulu okutumina akwa mathswalale awopo andandumukela ku mungi. Apo anu amonine mukulu o mathswalale no mathswalale, wa shile kufula Paulusi. ³³ Nehoni mukulu omathswalale wa kumine no kukwata Paulusi, no kumu ambela eci angiwe mawenge eli. Kalo wa muipulile eci yo liyo elye kalo eci ine eyi nakwama. ³⁴ Wa mweya mumungi akuwelela sho foci kalo wa mweya shasho. Apo mukulu wa mathswalale wa kwangile kulimuka oshemwa mukonda ko muyoyo oukulu, wa tuminine eci Paulusi amulete munjiyo thzothsikolo. ³⁵ Apa kumine pa tuyako, wa mushimbile mathswalale mukonda ko oanji omungi. ³⁶ Kalo anu owangi wa shupwelile munyima kwathza akuwelela, "Apaiwe!" ³⁷ Apo paulusi kwa fota kumuleta munjyo thzo thzikolo, wa ambile kwa mukulu omathswalale, "Ina tawethziwa kuamba shimweya kukoe? Mukulu omathswalale wa ambile, "Wahaamba Shigelike? ³⁸ Kali yowe muegepita oyu mayuwa okuma manyima wa letile nyaka-nyaka no kuendisha ita makumi ane o akwekume oku 'Assassin' kutunda mubulwakukutu?" ³⁹ Paulusi wa ambile, " No Majuda, kutunda muliumbo lio Tarsus mulitunga lia Cilisia. No mwana muliumbo lyo kukakana kukutekiwa. Nakulomba, oni tawethse kuamba kwa anu." ⁴⁰ Apa mukulu omathswalale amupile shivaka, Paulusi we emanine pa kayako no lapethza no lyoko anu. Apo kwa tutwalile, wambile no muheluvelU. Ayepo amba,