¹ Munyima thzo mipingo kupwa, Paulusi waishile afundishiwi, kalo awo amanine kuwa tanalisha, ayepo amba maywi okushiyalishapo kalo no kuthza mu Macedonia. ² Ou aye athzile no kupita muivakeyokalo kona amba maywi oshongi okutanalisha kukwo, aye po keya ku Gelike. ³ Munyima aye kona kala maonda ahatu kuya, liano liakwamehile kukwenji kutundela ku MaJuda aye ou afotile kuvuela ku Siliya, ne ayepo hangula kuhuka Macedonia. ⁴ Awa amushindekethzile kokule ci Asia apwile Sapata mwana omukwelume wa Pyrrhus oku Beria; Aristarchus no Secudus, wili wo atunda kwaka kulitawa oku Tethsolonika; Gaiuthsi oku Derbe; Timothsi; no Tychicus no Trophimus oku Asia. ⁵ Unone awa akwelume athzile kusho thzetu kalo awo kuma atatelelile yatwe pa Tromathsi. ⁶ Atwe po tuvua kutunda Filipi munyima thzo mayuwa o mashima okupila mamene, Kalo mu mayuwa mutanu atwe pokukeya kukwo mu Toroathsi. Kuya twa kalileko mu mayuwa mutanu neli. ⁷ Pa liyuwa lio mutatekelo kuthsunda, ou atwe twaliwanine pofoci kucola ishima, Paulusi kuma ambile kwa akakulitawa. Aye kuma ayalile kukatuka liyuwa lio hatileko, ne aye polepisha etongwaula yenji kutwala pakaci ko ushiku. ⁸ Kuma kwakalile malambi oangi mu muthsiyo o kuwilu oku twa keile pofoci. ⁹ Mu njaneno kuma kwa kalile mukwelumeana waishiwile Muyutikasi, oyu wawile nene mutulo. Ou Paulusi atongaulile likongo, oyu mukwelumeana, koshilala, wawile pashi ku hongaula yo shihatu kalo amuyelulile konafu. ¹⁰ Unone Paulusi washilukile pashi, kuliolola yoshinda kukwenji, Kalo no kumuthsika. ne aye po amba, " lelo mwanjipa kalo, mukonda aye muyumi." ¹¹ Ne aye pothzina kuwilu kalo no kucola shishima kalo no kulia. Munyima thzo kutongaula no shikati shoshile kutwala luula, aye po katuka. ¹² Awo ahushile munjothza koyoya kalo awo kuma ahengahengiwile nene. ¹³ Atwe twa foci twa thzile kusho thza Paulusi no shithsepe kalo no kuvuela ku Assosi, oko twa ayalile kuka shimba Paulusi muwato. Eshi sholio ahimine aye shinda kukwama, muknda aye kuma anekalile kuenda palikanda. ¹⁴ Ou atuhanganine pa Assosi, atwe po tumuyomeka mu shithsepe kalo no kuthza ku Mitilene. ¹⁵ Ne atwe po tuvua kutunda kuya no kukakuma liyuwa lia hatileko muthsambwa thzo licoolo lia Chiothsi. Eli lia hatileko liyuwa twa kakwatile pa licoolo lia Samothsi, kalo liyuwa lia hatileko atwe twa keile ku shikun'a sha Mileta. ¹⁶ Mukonda Paulusi kuma a hangulile kuvua kopita Efese, ici aye katele ashimbemo shikati mu Asia, mukonda kuma na lwamena kukakala mu Jelusalema paliyuwa lio pentakota, ngeci nga yoihe yaotopile kukwenji ciaye akwame hengeyo. ¹⁷ Koli mu Mileta aye watumine akwelume ku Efese kalo no kwisha kukwenji akulu o chechi. ¹⁸ Ou awo akumine kukwenji, aye wambile kukwo; "Yamwe mwashinda mwalimuka, kutunda liyuwa lio mutatekelo naendile mu Asia, eli loshongi nina kala nenu. ¹⁹ Nina kwamena Fumu no kuwa mucima kokuhe kalo no mihothzi, no muethzeko ya kwamahalile kukwange mukonda okulikanya ko MaJuda. ²⁰ Mwalimuka eli nanikana kuholeka kukuwelela kukwenu hanga shofoci shoshikulu, kalo neli namifundishile mumbanja no kutunda njiyo kuthza njiyo, ²¹ Kupa apaki ku MaJuda kalo no Magelike yo kuhumba kwa Nyambi kalo nei yo kulitawa kwa fumu wetu Jesu. ²² Ne ngamumone, yame nathza mu Jelusalema, nina shindekiwa ku mupepo, nokukana kulimuka eshisha kukwamahala kukwange kuya, ²³ hime ci mupepo oshokulu uni pakela mumehe mushikun'a anga kalo nomu mulikando imani tatelela. ²⁴ Unone koni ayala moyo wange kuloa kukwange noshinda, nga pohuma nitwesha kutunula muendo no kumanisha shikwama natambulile kwa Fumu Jesu, kupa opaki ku evangeli thzo shihemo sha Nyambi. ²⁵ Nga mumone, na alimuka ci yamwe mwahe, naendelile miendo thzo kukuwelela muvuthso, liombo kamwakumona shihanga shange. ²⁶ Nehoni na apa opaki kukwenu lelo, ci kanili no mulandu mu manyinga o munu. ²⁷ Mukonda naliyelile kulikalela kutongola kukwenu kuhimea kokuhe kwa Nyambi. ²⁸ Nehoni mulikenge yame mwa shinda, kalo no mulaka ouhe oo mupepo oshokenu nauminehela kupwa akakumona. Mulikenge mu kulisha chechi thza Nyambi, ethzi aye aulile no unyinga wenji shinda. ²⁹ Nalimuka ci munyima thzo kukatuka kwange, mambungu osho kalu henge mbela engena mukaci kenu kalo kakuyuvela kukola mulaka. ³⁰ Nalimuka ci hanga mukaci kenu akwelume wamweya henge akupinduka kalo no kuamba maywi okutengama ici apikule afundishiwi awa ashupwele. ³¹ Nehoni mulinyunge. Ngamuayale ci pa miaka thzihatu kanilikalelile kulimukisha yumwe kukwenu oshiku no mutanya koni huwa mihothzi. ³² Nehoni na amipa kwa Nyambi kalo no kuliywi lio shihemo shenji, eli litwesha kumiumba no kumipa oshwana mukaci ko wahe awo ana kenishiwa. ³³ Kananiminena mate shilivera sho munu, galuda hingea shivata. ³⁴ Yamwe mwa shinda mwa limuka ci ethzi nyala kuma thza kwamine efota yange kalo nei afotile awo akalile nange. ³⁵ Muinu yoihe nanimipa mulo woeli muloela kukwathsa awa ana totoka kuikwama, kalo neli munaloela kuayala maywi a fumu Jesu ao aye shemwa ambile: Kothzili fiyauthzi nene mukupa kupita mukutambula.''' ³⁶ Ou manishile aye kuamba hengeya, wakinyamine pashi kalo nokulombela no wahe. ³⁷ Kuya kwa kalile kulila kokungi kalo awo athsikile Paulusi kalo no kumucupita. ³⁸ Awo kuma alinyengile ungiwo mukonda wei aye ambile, ci liakuwace kumona shihanga shenji kalo. Ne awo po amushindethza ku shithsepe.