¹ Hime yakalahalile Apolose koli Mukolinte, Paulusi wa kandukile mulitunga no kuthza mu mbongi thza Efese, omu awanine a fundishiwi amweya. ² Paulusi ayepo wambile eci, "Muna tambula mupepo ou kenu apa muna litawa?" Amutawile ci, "Liombo, katutambulile shiinga kuyuva yao mupepo ou kenu." ³ Paulusi wawa ambelile, "Kolovethzo mwine na mikolovethza?'' Awo po amba eci, "Kolovethzo thza Johani." ⁴ Honi Paulusi ayepo watawa eci, Johani wa kulovethzile kolovethzo thzo kuhumba. Ayepo ambela anu eci aloela kulitawa koyu na loela kukeya mu manyima enji, oyopo, Jesu." ⁵ Anu ou ayuvile ei, awopo akolovethziwa mulithzina la Fumu Jesu. ⁶ Ou honi Paulusi awa pakile moko, mupepo oukenu, wakeile kukwo awo po amba mishovo shovo no ku polofita. ⁷ Wahe neli a kwelume oli likumi na eli. ⁸ Paulusi ayepo othza mu Sinagoge no ku kaamba ku ndume koma onda ahatu, kulipaula no kulihonga honga yo muvuthso wa Nyambi. ⁹ Unone Majuda amweya akolopile micima kupila ko lilema, atatekile kuamba yoimango ku mbunga. Apo Paulusi ayepo wa shiya no kushimba afundishiwi, ku ambaula no mayuwa oahe mushilongeshelo thso ku Tilanas. ¹⁰ Hime ya ekethzile ko myika thzili, owahe awa akalile mu Asia ayuvile liywi lia Fumu, MaJuda no Magelike wahe. ¹¹ Nyambi wa kwamine ekomaulisha yo ingi ko moko ya Paulusi, ¹² Eci mwene no tuwo nevata eyi avatangile ku tunyungu ou ya mukunyungile waitwalangile kwakwa kukola kukola nekol yo ya washiile no mipepo thzo thzi mango thza wa tundile. ¹³ Unone kwakalile MuJuda onganga awa pitile apo palitunga. Hime a toyangile lithzina lia Fumu Jesu eci akale no kolo peulo thzo mipepo thzo shomango ou ambangile eci, "Ko Jesu oyu Paulusi ana kuwelelanga, na kuambela tunde." ¹⁴ Mupulisita omukulu o Sijuda, o lithzina lia Sikeva, wakalile nanenji o mutanu na ili owa kwelume awa ikwamangile. ¹⁵ Mupepo ou mango wawa tawile eci, " Jesu na mulimuka, na Paulusi na mulimuka; unone yamwe mwalye?" ¹⁶ Mupepo ou mango ou wakalile koyu mukwelume opo ucavukela amanganga no kuwatwethsa kuwa pumaula. Honi awapo acila munjiyo shin'eken'eke kwana kuluka. ¹⁷ Anu wahe alimukile, MaJuda no Magelike wahe, awa atundile Muefese. Ayapile nene, no kushangala lithzina lya Jesu. ¹⁸ Kalo, ongi awa alitawile akeile kuna litongwela evi yo no kulomba otetelo waanepisha. ¹⁹ Owangi awa kwamangile masheno aletile mavuka ao pofoci no kuatumeka kwana tanekela wahe. ou apimine muulo wayo, hime wa kumine pa likulukathzi omakumi omutanu o silivela. ²⁰ Honi liywi lia Fumu liopo li yandumuka nene kokolo. ²¹ Apa yamanine ikwama yenji, Paulusi wayalile mupepo eci apite thzo Masedonia no a Akaya, kothza ku Jelusalama; wa ambile, "Ou nakakalamo na kamona no ku Roma." ²² Paulusi ayepo tuma anduthzi eli ku Masedonia, Timotea na Elasitasi. unone aye washiyalile mu Asia kamanana. ²³ Koshiya shikati shime kwa tutwalile kutwala koyo likun'wa. ²⁴ Mukwa kufula silivela oyu na shiwa Demetrius, Oyu nafulanga tu mponya twa Alitemaisi, oyu waletile nene muulo oto mponya. ²⁵ Wawa nekile pofoci akwelume okukwama eyi ekwama no kuambela, "Akwelume, muna limuka muulo wetu ou tuna wananga nene mali. ²⁶ Muna mono no kuyuva eci, Kali Efese pohuma, unone kamananga matunga oahe omu Asia, oyu paulusi ono no kupilula anu o wangi. Ambanga eci awa Nyambi okukwama komoko anu po kali a Nyambi. ²⁷ Eyi po kaiyapishile popohuma ku muulo wetu eci kenge ushomoloka unone no tempele thzo shokulu thza Nyambi wetu wo mbuyama Alitemasi kenge thzikala thzo kupila tuthso, no kulu wenji kenge ukala okupila tuthso oyu wahe akwa Asia no kaye kamulombela. ²⁸ Ou ayuvile ei, aanji pile no kukanguka kulila, kuamba, "Mukulu Alitemaisi owa Efese. ²⁹ Mbongi thzothzihe thza yalile mufilifili, na anu wahe hime akalile no mumoneno ofoci mu Teatele. Angile awa endile na Paulusi, Galius na Alistakasi, oyu wa tundile ku Masedonia. ³⁰ Paulusi wa fotile kwimgena mukaci ko mbunga thzanu, unone alongishiwi amukanishile. ³¹ Kalo akulu amweya oku Asia awa akalile ambushenji amutumenine maywi okumukonisha kwi ngena mu Teatele. ³² Anu amweya ambile shinu shofoci, kalo thzi mweya mbunga hime thza lyananine. Ongi wo kalimukile eci ine ei aci wanenine pofoci. ³³ Mbunga thzi mweya thza tongwelile Alexanda, oyu MaJuda apitelishile kuposho. Alexanda wa monishile ko lyoko lyenji, eci anyunge awa liwanine. ³⁴ Unone ou alimukile eci MaJuda, alilile ko hola ili ko liywi lio foci eci, "Mukulu po Aritemis oku Efese.'' ³⁵ Ou honi mukulu thzo mbongi ou atutwalishile mbunga, wa ambile eci, "Amwe akwelume mwine okukana kulimuka mbongi thza Efese eci moliyo munanyungiwa tempele thza shokulu Aritemis no tumponya twawile kutunda kuwilu? ³⁶ Kwamonahalile eci ei inu kaitawa ³⁷ kukoniwa, mwa loela kututwala no kukana kuindandumukela. Amwe munalete awa kwelume muno mukuta awo kali no mulandu okwithza mutempele nji shwaula oyu Nyambi wetu o mbuyama. ³⁸ Honine, Demetriasi na kwa kuyuwa euthzi awa alinenji ali no kushomolola munu yo muhe, kuta thzi thzina yali thzulwela manganja. Muwa shiye ali thzekishe ashinda. ³⁹ Unone apa mufota enu eyi mweya kenge itanekelilwa komukopano oshikati no shikati. ⁴⁰ Apo ci ya shemwa mukalutuli pakushangethziwa kupitela ku liyuwa lyo mipingo neli kwithsa ei inalete oku kukana kuliyuva, kalo katwa kutwesha kuitoloka.'' Ou ambile eyi, wa kanishile ku liwana.