¹ Munyima thze inu Paulusi watundile Athene no kuthza ku Kolinte. ² Oko akawanine Mujuda o lithzina lio Aquila, muka lila lia Pontasi, oyu watundile Itali no munu wenji Priscilla, mukonda Claudius wa tuminine wahe Majuda kutunda muloma. Paulusi wathzile kuko, ³ kalo mukonda hime aka kwamangile shikwama sho foci, aye wakalileno kalo no ku kwama, mukonda awo akalile a kwami oma tende oku wulisha. ⁴ Nehoni Paulusi kuma kutathzile mu Sinagoge lio lihe lio thsavata, kuheleka kulakwisha wahe Majuda no Magerike. ⁵ Nehoni Silaisi no Timothsi akeile kutunda mu ma Sidonia, Paulusi opo otela liywi, kopa upaki ku Majuda ci Jesu wa kalile kilesite. ⁶ Unone ou Majuda amu shomololile no kumu tukathzana, Paulusi wakukumunine ito yenji kalo no kuamba kuko, "Wo nyinga wenu ukale pa mitwi thzenu; A mepo nina kene. kutunda pano henge nithza kuma licaba." ⁷ Nehoni aye po katuka kutundako kalo no kuthza kunjiyo thzo mukwelume wo lithzina lio Titus Justus, mukwelume oyu wa lombelile Nyambi. njiyo thzenji kuma thza hatile ku shinagoge. ⁸ Crispus, muendishi o Sinagoge, walitawile kwa Fumu Nyambi, naka njiyo thzenji wahe; kalo no ungi wa Kakolinte awa ayubile alitawile kalo akolovethziwile. ⁹ Fumu po amba kwa Paulusi ushiku mushimona, "Lelo wa yapa, unone wambe kalo lelo watutwala. ¹⁰ Mukonda ame nili noye, kalo kwithsa munga okweleka kuku kulukisha, mukonda nili no anu owangi omu mushikun'a." ¹¹ Paulusi wayoile kuya pa mwaka no maonda mutanu na thzo foci, kufundisha liywi lia Nyambi kuko. ¹² Unone Gallio apa akalile muvuthsithsi wa A chaia, Majuda apindukile no mayalo ofoci oku lwisha Paulusi, kalo amuletela palupala thzo kuta; ¹³ awo po amba, "Oyu mukwelume alakwisha anu kulombela Nyambi kulwisha mulao." ¹⁴ Ae ao Paulusi afotile kuamba, Gallio wa ambile ku Majuda, "Amwe Majuda ngeci ya shemwa nga yamba yo mango henga matalo ukebenga, nga kwayuvahala ku kwamanenu. ¹⁵ Unone eyi yiipula pouma yo maywi no mathzina no mulao wenu mwa shinda, eyopo muiloeshe mo foci. Amepo kanihimine kukala mwa atuli wo yamba eyi." ¹⁶ Gallio wawa kwamine ci ashiye kuta. ¹⁷ Nehoni ao wahe akwatile Sosthenes, muendishi o Sinagoge amu pumulile palupala thzo kuta. Unone Gallio katwalelile maano eyo akwamine . ¹⁸ Paulusi, munyima thzo ku kala kuya mayuwa oangi, washile apenji no kuvuela ku yavukela mu Syria na Priscilla na Aquila. Koshime kushiya liya, Cenchreae aye huki thzenji heme athzi teulile mukonda shikulu pelilsho eshi a kwamine. ¹⁹ Owo ao akeile kuko Ephesus, Paulusi wa shile Priscilla na Aquila kuya, unone aye yofoci wa thzile muma Sinagoge kalo no kuka tongaula no Majuda. ²¹ Ou awo alombile Paulusi kukalano pa shikati sho shile, aye wakanine. ²⁰ Unone mukuwashiyalisha, ayepo amba, "Henge na kuhuka kalo kukwenu ngecipo Nyambi wahime." Aye honi povua kutunda ku Efese. ²² Ou Paulusi akashekelile Sesarea aye wa kandukile no ku kakandelela chechi thzo Jelusalema kalo no kukaulumuka kwa Antioke. ²³ Munyima thzo kukala mayuwa kuya, Paulusi wa katukile no kuthza mu matunga omagalata no Phrygia, kalo wa katanalishile wahe afundishiwi. ²⁴ Nehoni kwa kalile Mujuda wo lithzina lio Apolose, wo mulila lia Alekithzanda, wakeile kuefese. kuma atanalishile mumi ambelo kalo no ku kulopa muman'olo. ²⁵ Apolose kuma shiululile mu ifundisha ya Fumu Nyambi. Oyu wa liyubile ukolo ku mupepo, aye wa mbile no kufundisha shiwana-wana inu Jesu, unone aye walimukile pohuma kolovethzo thza Johani. ²⁶ Apolose watatekile kuamba no kukeshuka mu Sinagoge unone awo Priscilla na Aquila apa yubile, awo kuma kamushimbile kuhusha kunyonga kalo no kutongwela likun'wa lia Nyambi shiwana-wana. ²⁷ Oa aye aimanine kupita mu Achaya, apenji amu tanalishilwe kalo no ku n'olela afundishiwi mwa Achaya ci aka mutambule. O aye akakumine, aye wa kwathsile nene ao alitawile ku shihemo. ²⁸ Apolose no maci wa cinakanine Majuda mukaci ko, kumonisha man'olo ci Jesu yo kilesite.